|
1.
男系度上紧网……
女见到个男上网……发左张贴系写故事嘅。。
开始审犯。
女：咩来嘎？做咩咁多时间写嘢唔去做嘢啊……
男：……咁我做晒嘢无聊写下嘢打发下时间。
女：你晾左衫喇咩？你遛左狗喇咩？你去交左电费喇咩？厕所去水唔顺你搞掂喇咩？你……
男：得喇……得喇……我搞掂晒跟住返系公司写咁得未？
女：点解一定要写，唔写唔得咩？谂起边条女啊？咁好感情唔好去厕所屙多两嚿屎？对身体有益啊……
男：……虚构嘅故事啫。
女：咁多虚构咩……你快讲，究竟系咩内容？
男嘅将个故事大概係咁讲咗次……
女：你写得出咁嘅嘢即系成日谂啦，成日谂又係度写第个女人啦，写第个女人又即系没我份啦，没我份咁即系背叛我啦。
男：……
女：我同你经历，同你发生过嘅嘢又唔见你写上去？咁即系谂翻同第个女人发生过嘅嘢，来写呢啲嘢啦。
男：咁我写同你发生过嘅嘢得唔得？
女：咁又唔得啵，我同你啲嘢又唔中意畀人知啊。
男：咁我可以做啲咩啊？
女：你阴我嘅，我讲咩你都写晒上去。
男：……
②
男：今晚你想食乜嘢 ？
女：是旦啦！！你话事啦。
男：去食麻辣烫咯。
女：天气咁热，你想热死我啊。
男：咁去吃水煮鱼咯，好耐没吃过喇。
女：我前两日先吃过，成日吃好热气。
男：咁去食泰国嘢或者韩国烧烤好唔好？
女：都话左热气啦，重要我食呢啲嘢？你有冇心听我讲嘢架!？
男：咁去POKKA好唔好？果度啲 SET DINNER都几好食.
女：POKKA好多人，唔想排队。
男：咁去鋸排好唔好？
女：唔想食咁多肉，好肥嘎。
男：没人叫你食晒件排，或者妳叫碟意粉，又或者其他嘢都得嘎。
女：咁咪即係叫我睇住你鋸排，我唔食你都唔准食！
男：.........
男：咁食台湾嘢好唔好？
女：台湾嘢好多油，好肥嘎。
男：咁去食粥喇
女：食粥唔饱肚
男：麦当当或者家乡鸡求其一样，行啦！？
女：都话热气咯。
男：咁寿司呢。
女：我都唔吃寿司嘅，你唔系唔知嘎，咁摆明找碴啫.....
男：不如你话事啦，我唔想谂咯。
女：我系谂唔到食乜先叫你话事，你比啲主见得唔得？
男：唔系话热气就话肥，我真系谂唔到仲有乜可以食。
女：咁系热气,系肥呀嘛，我有讲错咩？自己谂唔到就乱发人脾气，有没搞错啊你！？
男：唉……咁去"味千"食拉面喇好唔好呢？.
女：唔……都好，我要食咖哩拉面、炸餃子，重要食雪糕，YEAH！就咁决定啦……GOGOGO！
男 : (心谂) 你老尾，神又你鬼又你，咖哩唔热气嘅、炸饺唔热气嘅，重要一路话肥一路食雪糕……
③
係游乐场内十环过山车前……男唔敢玩任何机动游戏。
女：哇，好刺激啊！我又要玩。我最中意玩过山车嘎啦。
男：好啊，我睇你玩啦。
女：点解要睇我玩啊？你放心我一个人去玩架喇？你做咩唔玩呀？你讲……
男：我……我惊吖嘛。
女：惊！？平时搞搞震个阵唔见你惊？你想係度及女咋啩？你估我唔知啊？
男：我无啊……真系惊啊，我畏高嘎，见到都已经好惊啦。
女：惊你个死人头，你有无见过过山车挞死过人吖？你有没见过男人老狗唔够胆玩过山车吖？你有没见过畀咗钱唔玩嘅人吖？你有没见过……
男：得喇得喇。我玩喇。
女：^*^
玩过一次之后……女吓到面都青埋。
男：正啊！原来真系好好玩，我哋玩多次咯。
女：黐线嘎你？系咪变态嘎？玩一次好啦，玩咁多次做咩啊。
男：咁觉得没想象中咁惊，又几刺激咪玩咯。
女：睬你都傻，我要去买嘢食。
男：咁你去买啦，我自己去玩多次跟住过来揾你。
女：玩咩玩，唔准玩。你想乘机溜去及女之嘛，你想去坐系第条女隔离一齐玩之嘛，你想笑我唔敢再玩之嘛，你想拖我时间等我没得玩其他嘢之嘛，你想撇开我之嘛……
男：……
男：唔玩咯，我开始以为你中意玩先叫你玩多次之嘛。
女：我衣家中意体你玩跳楼机，中意体你去玩波波池，中意体你玩旋转木马，咁你去啦……
男：……
④
男陪女系厅睇完套韩剧……女突然好伤感。
女：我问你吖……
男：咩啊？
女：你爱唔爱我？
男：做咩咁问嘅，你知架。
女：比三声机会你，一，二……。
男：爱啊爱啊，做咩啊？系米想放诈娇啊？
女：诈你个死人头……
男：……
女：如果有得比你拣，你情愿我死定你死？
男：唔答得唔得……
女：一，二……
男：我死！
个女嘅谂咗一阵……
女：你死！你死左我咪好闷咯！你死咗边个交屋租啊？边个整水喉啊？边个帮我批苹果啊？边个帮我洗底衫裤啊？你死左边个比我恰啊。哇~~好多好多，你够胆死死嘅？！
男：咁……咁你死喇。
女：哇……你只死铲，咁你都够胆死讲嘅？你系咪人来嘎？枉我平时咁锡你，咁保护你，咁关心你，咁照顾你……
男：嗱……我一早就知点答都死嘎喇。
女：你自己答得唔好之嘛……一齐死咪得咯。
男：……（唔讲死得唔得啊）
深夜……
女:起身啊！
男:做咩啊？
女:你有没做对我唔住嘅嘢？
男:无啊，做咩咁问……
女:你有嘎……快讲啊。
男:真系没啊，夜麻麻咪嘈啦，好眼瞓。
女:你重唔认过哦？！
男:我认咩啫？
女:头先明明梦见你同第二个女人坐埋同一部车翻工……
男:……
男:我唔玩喇，好眼瞓，你畀我瞓啦。
女:你讲啊，有没啊？
男:……没啊。
女:你证明畀我睇吖。
男:点证明啊？
女:你听日咪翻工吖。
男:……
女:你听日唔翻工陪我去大河马吖...
男:……(扑你个街)
男饮到好醉...一路飞的返紧去……
女面色超难睇咁望住男……
男:望咩望，未见过人饮大啊？
女:……(睥到实,眼都唔眨下)
男:睥咩睥？再睥锡七你吖哪！！
女:……(改用好怨毒嘅眼神．．．)
男:你个样咁凶狠做咩啊？你以为你抽得赢我啊？让你一拳都仲得啦，来吖~
女:下次唔好饮咁多啦……到喇.我帮你校水冲凉吖……(特然好温柔咁讲).
男:哼..我要吃7仔嘅碗仔翅.（平时恶吖哪，做死你）
女:……我转头落去买.好唔好？
男:我重要食油菜。
女:哦。
男:加多罐汽水。
女：系，知道。
男：乖喇……
男上咗去冲完凉已经晕到不得了……挞上床就瞓咗。
第日酒醒起身……
男发现自己全身裸露咁瞓系床，电脑开住，台面墙纸系男嘅小鸡鸡，跟住系门口贴住打印出来嘅裸照，再细心睇下，系全屋周围都有。
正当男好专心咁欣赏紧自己嘅裸照之时……门钟响。
想揾件衫，点知一件都没，全部反锁系隔离客房，男着住套女装衫裤去应门。
男：边个啊？
妈：你老母啊！
男：……
妈：开门啦，你女朋友话你唔舒服叫我来睇你嘎。
男：……（小喇叭）
以后男都唔敢再断……
6点.落班时间...
男系公司同几个同事留低打机
女发短信过来...
女短信:走得未，又话陪我去洗甲?
男短信:加班.做紧嘢.
女短信:几点走得?
男短信:未知.你稳节目先.
半个钟后...
女短信:走得未.好饿啊.
男短信:未.唔使等.
再半个钟..电话响.
男:喂……
女:走得未啊你，做死人咩，咩老细来架！
男:系啊，好忙啊，全部同事都加紧班啊，唔信比你听下喇。
男:我地系咪加紧班啊.(男大大声咁对住打紧机嘅同事讲)
众同事:係～！！
男:听到未？
女:……
又半个钟后.....电话响。
男:又做咩啊？
女:走得未啫？
男:都话未咯。
女:我问多你一次，走定唔走？
男:未得啊.使唔使畀你同啲同事倾下吖？
女:好啊？
男:各位同事，重要搞几耐啊？
众同事:10点前，10点前～
女:咁辛苦啊，咁米好惨咯，要加咁耐……
男:系啊(点解听到把声越来越近嘅？)
女:咁你想我点慰劳你啊(好阴森)？
男:唔洗喇，我就走喇。(男觉得唔对路)
女:你顾住讲电话，咁点打机啊？
男大惊,望回头.见一女笑眯眯咁企系背后……
男:……走喇。
女:走喇咩？
男:比条生路行下好哦……
女:得……畀钱啦。
男:几多？
女:荷包没收。
男:杀你！(好彩啲提款卡另外摆)
当晚.和平解决……
但系.……
男冲完凉入房.见到女面如死灰咁坐系电脑前发藕逗……
男心知不妙~
男:……发咩藕豆啊?
女:你估下……
男:估唔到……(死，唔会睇到我同其他女仔CQ嘅聊天记录啩？)
女:你坐过来，我有嘢问你。
男:我……我头未干啊，我想吹下先，你有咩想问啊？
女:咁我问你吖，你有没嘢瞒住我？
男:……无!做咩咁问？
女突然好温柔咁讲……
女:唔好话没吖，你老实话我听吖，你有咩瞒住我啊？
男:无啊，我净系同个网友倾下偈咋，你都睇到啦，都没讲啲咩嘅。
女:我唔系指呢啲，你自己谂清楚，我想听你亲口同我讲。(望实个男)
男:重有？……无喇。
女:重讲大话，我乜都知道嗮喇!!(女好恶)
男:……咩啊。(死啦，系咪知道咗我成日同公司个前台飞短信呢？)
女:重扮嘢，你好讲咯哦，要我讲出来你就唔系咁死法嘎喇！
男:真系无啊，我没做对你唔住嘅嘢嘎，净係无聊个阵同前台倾下Q同飞下短信，最多都系同新来嘅女同事食左餐饭咋，无喇，就咁多咋。
女面露杀气……
女:哇……乜原来你只死铲咁多嘢瞒住我嘎？重要同新嘅女同事去撑台脚咁浪漫添
啊！唔怪得今个月出粮出多咗三百都唔话我知啦。
男:你讲嘅瞒你就系出多左粮啊？！
(中计……畀佢套到！)
女出差10日
第一晚.女打电话翻来
女:做咩咁耐先接电话啊？有第个女人系度啊？
男:冲紧凉啊，冲出来接嘎喇。
女:冲出来，我半个钟前打翻屋企都没人接，死咗去边度玩啊？
男:我落左去遛狗咋。
女:遛狗！？落去同第条女幽会咋啩？
男:无啊，我去着翻衫先，好冻。
女:唔畀着，讲埋先！
男:咁你快讲啦。
女:吖~~~死铲吖，好唔耐烦啊，系咪条女系房度，等紧你入去啊？
男:……你应承过我唔再咁讲，同唔再怀疑我过哦.(嬲喇)
女:咁我都系紧你之嘛……
男:……
女:我同你讲啊，呢几日咪招惹其他人翻来啊，男男女女都唔得！
男:系喇。
女:你街都唔准出啊！
男:……点解嘅？
女:你想同边个出吖？我就做到死死下，你就系果边逍遥快活，讲得过去咩？一落班就好同我死翻屋企啊。
男:咁唔出咯……
女:好委屈你啊？趁我出差呢个月你系屋企好同我学识煮饭啊，咪使你游手好闲又想搞搞震嘎喇！
男:尽学啦……重有咩交低啊？好冻啊。
女:比我发现你曳就连尻仔都减咗你嘅……听到未啊？
男:……你斯文啲啦。
女:斯文？！你有我一半咁爱你就好喇……系咁啦，我随时打畀你CHECK你只七头，咪关机啊……88
男:……
万里无云……凉风阵阵，咁样嘅好天气之下，男带住女跟团去旅行。
旅游车上，男不时偷望下坐斜对面嘅大胸美女……坐系隔离嘅女一望过来马上收起余光扮望窗外风景……
(女系度心谂)~只死铲吖……做咩怪怪地咁嘅？搭咁耐车都唔同我讲句嘢，静系挂住望出边……
见到男再次收起余光……
女忍唔住问：“搞咩啊？出边有咩睇啊?”
男:没啊.我发下藕逗之嘛……
女:发藕逗？我又想发下，同我换个位坐。
男:坐窗口位咪好咯，有风景体。
男:我想瞓阵啊，借个脖头来挨下吖。
女:挨你个死人头，米碴开啊……你换定唔换？！1…2…
男:换....换喇。
位置一调换，女望下男成日望嘅方向，明白嗮咩事……
女:唔……呢度都唔坐得唔舒服嘅，都系换翻喇。
男:哦…我都话嘎啦。（个心系度偷笑，以为无畀女发现，并且又有得继续睇）
位置换完之后，女系度诈瞓，男又揾机会及嘢。
突然女对住男好大声咁系度讲:点啊？个大波妹好唔好睇啊？望到实一实，系米系度谂……
跟住比男捂住口。
全车人鄙视嘅眼光都扫晒去男嘅身上，大胸美女亦唔例外，男嘅系度诈瞓扮唔知，女嘅笑咪咪咁望住窗外。
男同公司前台搞暧昧关系…为避免比女知道，将前台电话系手机上改名为“表姐”，咁就可以光明正大咁发短信或者倾电话啦。
女发现。
女:你只死铲…做咩多咗个表姐我唔知嘎？
男:我大把表哥表妹你都未识啦。
女:我记得你讲过你没表姐架…
男:…我…我几时有讲过啊？
女:做咩突然间同你表姐倾得咁埋啊？想做反啊？
男:黐线！…米乱讲啦。
女:……
女无话可说….
当男有一日去咗冲凉，女静鸡鸡攞男手机出来，扮男同“表姐”发短信。
女:搞紧咩啊？
前台:啱冲完凉，你呢？
女:我都冲紧凉，不过都拿部手机同你发。
前台:小心冻亲啊，冲完凉先打比我吖。
女:你咁紧张我嘅？
前台:…咁你平时都好关心我嘎。
女:我平时好关心你咩？
前台:……系啊，系公司对我最好嘅人就系你喇。
女:你爱上我啊？
前台:你FELL唔到咩？
女没再复前台短信…距大概已经明白咩事。
女没出声…静静地将男手机电话本嘅百几个电话全部统一改晒叫“表姐”…
男冲完凉睇完电视入房，睇到手机有几十条闹人嘅短信。
原来当晚女另外再群发短信畀男手机上嘅所有人：
“我无耻，我贱格，我抵死，我强奸左我表姐”。
男之后唔敢再耍小聪明…
|
