|
男人一向都怕烦，大部分男生都话觉得小器嘅女生好容易少少嘢都介意 / 嬲，甚至发脾气，所以一定唔会拣！如果唔想俾男生觉得你小器，就要注意以下嘅事项喇：
玩游戏时燶面
有男生话，试过有次一班人玩游戏，需要牺牲某啲队友先可以保住自己嗰team嘅人，结果被牺牲嗰位女仔块面燶晒！此举令佢觉得嗰位女生只系着重自己嘅得失，系自我中心嘅表现。何况只系游戏一场，咁都嬲嘅话，即系乜都可以嬲一餐。
食饭地点不愜意都嬲
一班人约食饭，咁啱去咗间唔系你心水嘅，而你又全程表现得好唔满意 / 唔出声，咁咪就系少少事都介意囉！
唔讲得笑
男生开玩笑地话你肥 / 残，你就即刻变脸，甚至周围同你啲fd讲佢无品又贱格，咁佢哋会觉得你好唔玩得。
忘记一相识第x天
ｘ代表嘅，唔系拍拖周年 / 生日呢啲日子，而系指九十九日、一百日、一千零一日呢啲五花百门嘅「特别日子」。男友因為忘记呢啲日子而被你责怪的话，佢一定会抓狂！
对家人好都有错
如果男友只系正常地对佢家人好，例如佢阿妹好钟意食蝴蝶酥，行街时见到出名的蝴蝶酥就即刻买俾佢而无买俾你，又或者只系间唔中一次因為要陪屋企人而陪唔到你，你都应该表现得大方啲，因為对男生嚟讲，如果佢锡屋企人你都咁介意，就系小器嘅表现！
蚊蚊计较
有时一大班朋友食饭埋单后大家夹钱，如果女友一亳子都要同每个朋友计清楚，位位$180.2，坚持点都要找返8亳子或收返2亳子，对男生嚟讲都系恐怖奇谈。
打翻醋酲
只要见到男友个电话有女性朋友WhatsApp / 打嚟，又或者见佢同其他女生讲嘢都发嬲嘅话，男生一定会觉得好头痕，因為对佢嚟讲，朋友唔系男生就系女生，系好普通嘅正常社交。
无听电话
每个人都会有唔得閒听电话 / 唔方便听电话 / 听唔到电话响嘅时候，如果每次男友miss咗你嘅电话你都好似审犯咁审，甚至发脾气，佢一定会怕咗你。CG! Reminds U：
要注意，以上「少少事都嬲」嘅例子系从男生的角度出发，如果你系女生，平时又好介意上述嘅事，就要学下放开啲，因為男生系好欣赏大方嘅女生架！ | 
