南京西路曾名“静安寺路”
文/宜青
1862年，今朝西藏中路以东个搿块地方，老早叫第二跑马场，当时因地价大涨，跑马总会拿伊卖脱，再垃拉今朝个人民广场搭人民公园个地址浪，造了第三跑马场（习称为“跑马厅”）。同时垃拉搿个辰光，总会垃拉伊个北边，东与南京路相接，越出租界范围向西开辟了一条跑马道，远通上海名胜静安古刹。迭条路英文以静安寺老早个著名个名字“涌泉”命名，叫“涌泉路”（Bubbling Well Road），中文则因为“静安寺”个缘故被习惯叫为“静安寺路”。
静安寺路辟筑后，原先空旷清静个城郊乡野，成了马蹄奔腾、马车驰骋个游乐道，尤其是夏夜辰光，一路凉风习习，交关人拿搿搭作为上海个一条避暑道。静安古刹也因搿条路个辟通，香客游客日增，香火大为旺盛。1899年公共租界第三次大扩张，西边界线正好推进到静安寺，静安寺路遂渐拨拉正式纳入租界范围。外商、华商陆续进入里向，开设各种有特色个商号，还购置土地营建洋房搭新式里弄。海上闻名个张园搭仔爱俪园（哈同花园）先后垃拉路段中兴造，其规模跟新奇为上海滩之最。又有夏令配克电影院、大光明电影院、仙乐斯舞厅、大都会花园舞厅等游乐场所垃拉迭搭出现，其水准侪属上海一流。1934年，“国际饭店”垃拉东段跑马厅对面拔地而起，当时是上海最高个高楼，成了旧上海城市达到极度繁荣个一大地标。
1945年抗战胜利后，以静安寺路跟东边个南京路直接贯连，两条路分别拨拉更名为南京西路搭南京东路。
