苏版剧：狮子回头望虎丘故事

角色安排：

讲述人：老法师

演员一：狮子

演员二：小伙子

故事情境：

师：（苏州方言）吾小哈里个辰光听老公公讲过一个故事，讲个是老老早早辰光，苏州城里来子一只狮子，凶的来勿得了。艾格不是一般性个狮子，俚个肩胛上长子一对老老大个翅膀，每日夜快点就会飞出来。

狮：（普通话）我是一头威力无比的猛狮，我的翅膀又长又大，最喜欢吃老百姓家里养的鸡呀、鸭呀、还有牛羊猪。哈哈哈，美味佳肴真好吃啊！

师：（苏州方言）俚飞到哪家人家，哪家人家就倒霉。辛辛苦苦养的小动物才被俚吃光，老百姓恨是恨的来，但是吾呗办法，吓势势，索索抖。天阿勿夜了，就要紧不煞拿门窗关得紧腾腾。（旁：怎么办呢？太糟糕了，大家想想办法呀）

师：（苏州方言）山塘街有一个小伙子，格格壮壮，五黑轮顿。俚召集子不少人，大家一道想，终于想出来了一个好办法。（啥个好办法呢？）

小：（苏州方言）伲商量好哉，等天黑子过后，每个人拿好一个火把，盘好了嘿虎丘山个顶上，勿动勿响，等到狮子飞出来做坏事体个辰光，大家一道，点亮火把，敲锣打鼓，咚咚锵咚咚锵，拿狮子引过来。（然后呢……）

      师：（苏州方言）当狮子张大嘴巴扑过来想要咬各辰光，小伙子哇啷一声：灭火！大家一道拿火吹喑，个么虎丘山顶一下子就变得墨墨黑，狮子啥阿看不见，俚还了黑啊呜啊呜扑过来，黑漆抹搭么一个跟斗从虎丘山上噗啰噗啰滚下去。（哦哟……哈哈哈……）狮子跌得来屁股粉粉碎，阿哇啦阿哇啦喊救命，俚回过头来虎丘山上个小伙子，气得来阿噗阿噗，再阿爬勿起来哉。辰光一长，各只爬了嘿个狮子就变成狮子山，狮子回头看的方向，正好朝虎丘山。各个就是老苏州个传说叫“狮子回头望虎丘”。