TVB重播《男亲女爱》！细数黄子华10大「最贱」金句！

由10月5日开始，TVB喺一至五，每晚12:15分重播经典剧集《 男亲女爱 》，当年收视力创50点高峰，呢个成绩唔知剧集越拍越差嘅TVB几时会有机会打破？

重播剧居然比起现时新剧更有睇头，难怪我哋咁钟意讲想当年想当年～的确当年TVB剧集嘅质素都有保证，最近果出以穿越时空为题嘅《张保仔》，真系难睇到呀～

废话少说，一齐来重温一下《男亲女爱》中「余乐天」嘅10大句「最贱」金句！15年后嘅今日，同样好应景好好笑！


1. 识讲法文有咩咁奇，喺法国，乞衣都识讲法文啦。
—— 送俾崇洋媚外嘅人最啱听。

2. 各位，「尊严」呢样嘢已经跑输大市，宜家「粗盐」都贵过「尊严」。
—— 原来系咁，就当小编冇讲过啦。


3. 我唔系身处于呢个歧视男性嘅时代，不知几多人提名我去选美啊！
—— 而家女性地位逐渐攀升，甚至超越男性，日后男性真系有可能倒过来被歧视喎～

4. 你放心，人人都危险，你好安全嘅！
—— 呢句嘅功力，等同于你耻笑人哋系天生防狼器啫～

5. 我明白点解有爱情就会冇饭碗，有饭碗就冇爱情。因为我哋将个爱情摆咗落个饭碗度，只要我哋起个饭碗入面夹番个爱情出尼，就会冇问题。
—— 呢句比较深，即系要经济独立啦？

6. 如果原则牵涉着数就系一个好严重嘅问题！
—— 做事一向系睇钱份上系常识吧！

7. 人生就如流星雨，短暂而美丽，如果你冇时间谈情，就请你跟我露营！
—— 简单来讲，男人有性冇爱都OK架！

8. 又如何！
—— 余乐天经典口头禅，吹咩吹咩吹咩！又如何又如何又如何！

9. 返工不在乎天长地久，只在乎有冇得唞！
—— 你对公司专一，公司当你……

10. 靓就唔使扮，扮就唔谎靓！
—— 一只字，精警呀！


睇《男亲女爱》，又点可以错过主题曲，「蓝蓝天空高挂我的梦……」
↓↓↓↓↓

P.S. 《 男亲女爱 》、《栋笃神探》及《鬼同你OT》同为徐正康（右）担任编剧，事实上当年亦系徐正康喺黄子华嘅事业低谷期帮过佢一把，安排佢参演《状王宋世杰2》，开始发展电视生涯。

咁你又最钟意黄子华边一句金句？

即刻喺评论果度吹一吹！