|
四脚爬山歌（散文） 作词：邓春安 五湖四海是崖家 唔知到底找乃侪 大家开心嬲一摆 客家老乡是一家 崖想跟汝学唱歌 文明社会唱文歌 好多歌友崖冇识 汝莫怪崖细佬哥 阿哥讲话咁大声 吓到老妹打着惊 今日有缘同台唱 改日无缘汝滑冷 山顶有花山脚香 桥下有水桥面凉 有缘千里来相会 无缘对面冇商量 入群都系自家人 山歌就爱大比拼 唔管山歌好与坏 总爱汝敢出来拼 崖爱歌友最热情 细茶鲜花送客人 只要汝敢出来唱 斗凳捧茶表诚心 爱唱山歌就上来 微信搭起好平台 汝一首来佢一首 八仙过海汝爱来 靓妹路边洗衣裳 手拿捧槌眼刈郞 捧槌打在妹手上 要怪捧槌莫怨郎 爱想风流赶少年 莫要扣紧荷包钱 六十花甲矛几久 风流一年算一年 哩只靓妹有歌才 唱到阿哥搭唔来 喜见老妹咁优秀 心肝跳动唱唔来 唔好嫌崖调皮哥 调皮阿哥钱很多 只要阿妹来相认 汝话咁多就咁多 一生平安才本真 兄弟姐妹显真情 崖祝大家行好运 一生健康才是真 邓春安即兴十二 2016:年6月:10号 你爱走来崔唔留， 留到你来冇营甴， 煮饭就爱加多米 煮菜就要加多油！ |
|
|
