分享

(六)崔氏东山再起,一家人两个郡望

 崔季廊坊 2016-10-06


前文再续,书接上一回~ 秦始皇搵到“活神仙”崔氏,索求长生不老之药,崔氏又掂敢唔俾呢?秦始皇为咗奖赏崔氏,封崔氏为司徒。崔意如喺秦末被封为东莱侯,佢生咗两个仔:大仔叫崔业(又叫崔伯基),细仔叫崔峰(又叫崔仲牟)。大仔崔伯基袭封东莱侯,而细仔崔仲牟被封汶阳侯。崔伯基嘅子孙因为世代聚居喺清河(即係依家嘅山东武城县西),所以被称为“清河崔氏”。崔仲牟嘅子孙因为世代聚居喺博陵(即係依家嘅河北安平),所以被称为“博陵崔氏”。崔氏就係甘,一家人分为两房人,两个郡望。清河同博陵崔氏自汉初以后分支繁衍,人丁兴旺,发展成当地嘅名门望族,至今已经有两千几年历史啦。



《后汉书·崔骃传》


广东崔氏主要係博陵崔氏嘅后代(其实究竟係唔係属博陵崔氏都仲需要考证,因为大部分嘅族谱都接唔上博陵嘅世系,只不过世代口头相传属博陵,所以姑且当係先!)所以我地就主要讲博陵崔氏嘅发展啦~ 崔峰嘅五世孙崔朝曾任汉昭帝时嘅幽州从事(等于依家嘅检察官助理),因为佢上谏幽州刺史叫佢唔好同燕王通谋作乱有功,被升做侍御史(等于依家嘅检察司长)。崔朝个仔崔舒历任四个郡嘅太守,喺当时有啲声望。崔舒个仔崔篆喺王莽时任郡文学(等于依家嘅教育局局长)。崔篆个孙崔骃曾经同班固(著名史学家)齐名,被当时嘅人称为“儒家之林大才子”。崔骃个仔崔瑗(粤语读“愿”)係个著名嘅书法家,官至济北相。崔瑗曾经撰写铭文自励,係“座右铭”嘅始创者。崔瑗个仔崔寔(粤语读“实”)係后汉嘅政论家,官至五原太守(等于依家内蒙古包头市市长)。崔寔写嘅《政论》同埋《四民月令》对后世嘅影响极大。


係甘睇黎,崔家代代都出名人,代代都对社会作出贡献。代代祖先都有段古,又边有可能两三句就讲得完啊~ 等我地讲埋崔氏嘅发展史,之后再慢慢一段段古仔讲俾你听啦!

    本站是提供个人知识管理的网络存储空间,所有内容均由用户发布,不代表本站观点。请注意甄别内容中的联系方式、诱导购买等信息,谨防诈骗。如发现有害或侵权内容,请点击一键举报。
    转藏 分享 献花(0

    0条评论

    发表

    请遵守用户 评论公约

    类似文章 更多