无论年龄几何 无论身在何处 一个人记忆最深刻的 总是小时候听外婆和妈妈唱过的歌谣 唱了几代人 忘不了 上海人,这些童谣年还记得多少? 1、小三子,拉车子,一拉拉到陆家嘴。拾着一包香瓜子,炒炒一锅子,吃吃一肚子,拆拆一裤子,到黄浦江边汰裤子,拨拉红头阿三看见仔,拖到巡捕行里罚角子。 2、小弟弟小妹妹跑开点,敲碎麽玻璃么老价钿。 3、小星星亮晶晶,青石板上钉铜钉;小星星亮晶晶,伊拉对侬眨眼睛。 4、赖学精,白相精,书包惯了屋头顶,看到老师难为情。 5、摇摇摇,摇摇摇 小宝宝,快睏觉,明天带你去看操。买梨梨,买枣枣,买了多多少,送给小将军作慰劳。 6、陆家嘴有个六十六岁陆老头,盖了六十六间楼,楼上摆了六十六瓶油,楼下养了六十六条牛,半夜三更风满楼,吹倒六十六间楼,摔破六十六瓶油,雅思六十六条牛,轧伤六十六岁陆老头。 7、你要啥,我要好。啥叫好,好宝宝。啥叫宝,宝塔山。啥叫山,山里有只大老虎。 8、摇啊摇,摇啊摇,摇到外婆桥,外婆对我眯眯笑。买条鱼来烧烧伊,头勿熟,尾巴焦,盛勒碗里蹦蹦跳,猫吃仔,眯眯笑。 9、落雨喽,打烊喽,小八腊子开会喽。 10、椅子竹头做, 宝宝不坐猫咪坐。 背学驮啊脚跷跷, 妙呜妙呜唱山歌。 12、侬个爷在哩,侬个娘在哩,有铜钿,赎得去,呒么铜钿押在哩。 13、长脚鹭鸶敲洋钉,敲来敲去敲勿进,原来是指螺丝钉。 14、小螺狮,真可笑,造房子,不用脑。 15、三岁小囡三寸长,大树底下乘风凉,长脚蚂蚁衔仔去,气煞外婆哭煞娘。 16、鸡鸡斗,蓬蓬飞,飞到娘舅背后底。娘舅话啦杀脱伊,舅妈话啦留啦些。 17、天上星,地上星,大大叫我吃点心。弗高兴,买糕饼,糕饼甜,买斤盐,盐么咸,买只篮。 18、踩仔橘壳壳,两脚朝天惯破了脑袋壳,眼泪落下一尺多,哭声飞过苏州河。不怨自己乱惯橘壳壳,反怪橘壳壳害得伊惯破脑袋壳。 19、三、三、三!山浪有只老虎,老虎要吃宁(人),关勒笼子里,笼子娃塌(坏掉),老虎逃塌; 20、牵磨子,下圆子,牵到阿奶啦去做圆子。阿奶要吃大圆子,大大要吃小圆子。 21、笃笃笃,卖糖粥,三斤蒲桃四斤壳吃侬肉,还侬壳,张家老伯伯勒拉伐? 22、鸡冠花,蓬蓬开,老鹰吃酒还勿来。双羊灯,梅花灯,照着老鹰回家门。 23、城门城门几丈高? 三丈六尺高。 再高高,高勿出, 再低低,低勿出。 24、今朝礼拜三, 上海来了个小瘪三。 着末着件白衬衫, 撑末撑顶黑阳伞。 25、汤司令到,机关枪扫,热水瓶爆,癞蛤巴跳。 26、冬瓜皮,西瓜皮, 小姑娘赤膊老面皮。 27、大蜻蜓,绿眼睛, 两只眼睛亮晶晶, 飞一飞,停一停, 飞来飞去捉苍蝇。 28、叫伊淘淘米,揿脱仔饭箩底; 叫伊挽挽水,驳起屁股摸螺蛳; 29、摇啊摇,摇到外婆桥,外婆叫我好宝宝, 我叫外婆洋泡泡,外婆骂我小赤佬! 30、金钩钩,银钩钩,囡囡宝宝拉钩钩。请侬伸出小指头,钩啊钩啊钩三钩。 31、一箩麦,两箩麦,三箩开花拍大麦,劈劈拍,劈劈拍。 32、抬轿子,抬轿子,一抬抬到城隍庙,“八拉搭”,跌一跤,拣着一只大元宝。 33、金锁、银锁 咯嘞嘞嘞一锁。 34、从前有个老伯伯,年纪活到八十八,每天早浪八点钟,乘上88路公共汽车到八仙桥,买了一只八饱饭,用特8块8角8分! 35、学人家样,烂肚肠! 36、乒呤乓啷起,气、气、气…… 37、一路嘛,两路吗 ,三路拍大吗!噼噼啪、噼噼啪(打头塌额声音) 38、炒、炒、 炒、炒黄豆,炒好黄豆翻跟斗。 39、啥子啥子四川人,索西索西宁波人,俺们俺们山东人,嘞块嘞块苏北人…从小来到浦江边,上海闲话日日听,阿拉阿拉扎劲讲,统统侪变上海人。 40、菜场里向兜一圈,各种菜名讲得清。白菜叫做黄芽菜,玉米叫做珍珠米。莴苣叫做香乌笋,土豆叫做洋山芋。 41、啷啷啷,啷啷啷,骑马到松江, 松江老虎叫,别转马头落北跑。 42、嗳唷哇,做啥啦,蚊子咬我呀,快点上来呀,上来做啥啦,上来白相呀。 43、本来要打千千万万记,现在辰光来不及,马马虎虎打十记,一、二、三、四…… 44、小皮球,小小篮,落地开花二十一,二五六,二五七,二八二九三十一;三五六,三五七,三八三九四十一…… 45、大街上,真闹猛,卡车电车来回跑。嘟嘟嘟嘟大汽车,嘀铃嘀铃自行车。扑扑扑扑摩托车,嘀答嘀答洒水车。 46、正月里来踢毽子,二月里来放鹞子,三月里向荠菜子,四月里向落花子,五月端午裹粽子,六月里向拍蚊子,七月棉花结铃子,八月里向吐瓜子,九月里收葵花子,十月里向造房子,十一月里切栗子,十二月里养个小儿子。 47、从前有座山,叫做黄坤山;山浪有条路,叫叽哩咕噜;路边有只庙,叫莫名其妙;庙里有只缸,叫四大金刚;身浪有把剑,叫做看勿见;来了两个官,一个叫笔套管,一个叫痰盂罐。 48、起个五更头,上街买鱼头,到河头,汰鱼头,猫头偷鱼头,拳头打猫头! 49、两只小娃娃呀,正在打电话呀,喂喂喂,你立拉(在)啥地方呀?哎哎哎,我立拉(在)幼儿园呀。 50、杜(大)头杜(大)头,落雨佛愁,宁(人)家有伞,依(他)有杜(大)头。 51、新剃头,打三记,伐打三记触霉头。 52、今朝风唥(冷)来,明朝娘娘来,娘娘买只西瓜来,弟弟吃仔么开心来。 53、三三三,我们都是木头人,不许哭来不许笑,还有一个不许动。 你唱出了几个? |
|