呢首歌讲嘅系老同学聚会时,会发生嘅尴尬事,好应景,好好听。但其中有一句,听起身有啲“唔对路”。 ✎唔对路:不正常、不合适。 人间「苦逼」几多 见面还是否一一挑破 说白了那谁又算「蠢货」 我好清楚「苦逼」、「蠢货」系咩意思,呢句歌词都写得非常贴切。但系大家觉唔觉,用粤语唱出嚟,硬系觉得怪怪地。 喺呢个网络流行语盛行嘅年代,全国各地嘅语言文化汇聚于网络,融合创新,然后又重新辐射到全国各地,百花齐放。但同时,争议声都绵绵不绝。 有人认为,“粤语文化历史悠久,博大精深,有唔少‘生鬼’嘅词汇俗语可以代替网络流行语。” 都有人驳斥,“连你们说粤语的人,都喜欢用「X逼」,倒是用粤语代替啊。” 三朝两日就听到有人抱怨:“越来越少人讲粤语。”但事实上,除咗“不可抗力”因素之外,呢啲抱怨嘅人,都钟意用网络流行语,而非粤语词汇俗语,咁又可以怪边个? 粤语确实有好多生鬼嘅词汇俗语可以代替网络流行语,未必“过之”,但至少“无不及”!最起码,以下网络流行语,都可以用粤语传神咁表达! 01 我唔会为偶像“打Call”,但我会去“撑场”! 02 好怕畀人“坑”,但我钟意“搵人笨”。 03 人哋嘅“套路”,喺我眼中就系“弹弓”。 04 “心里没点逼数”?我得唔得,大家“心照”! 05 “还有这种操作”?nonono,我“玩晒”! 06 我唔会叫前辈做“老司机”,因为佢哋自称“老屎忽” 07 我唔钟意做“吃瓜群众”,但每次我都“担凳仔霸头位” 08 “蓝瘦香菇”?“个心乸住乸住”痛苦好多咯。 09 比起“跪舔”,我觉得“舐脚趾”贱啲。 10 我觉得“辣眼睛”冇“眼冤”咁好听。 11 “苦逼”好苦?我觉得“苦过Dee Dee”苦啲! 12 比起“屌丝”,“废柴”废好多!
你成日都闹:“点解唔讲粤语、点解唔用正字!” 你成日都喷:“你哋点解唔为粤语做啲嘢?” 但系,除咗打嘴炮揿键盘之外,仲可以为粤语做啲乜? 斋讲唔做大只广,转发咗文章先讲! 如果你连呢条都唔转发,咁就真系讲唔过去喇。 ↓如果你得闲冇嘢做,不如点下呢度! |
|