 讲到人身上青筋，为啥有些人看上去比较明显，有些人看上去勿明显。搿青筋到底跟身体健康搭界伐？抱着搿问题，让阿拉来了解一下，啊许侬了解了，会有一个新个认识，从而辣辣养生和保健中，注意眼啥，纠正眼啥，为自家健康打好一定基础。 下头通过对照去了解伊，勿妨自家啊检查一遍，勿花钞票个体检，仅作参考。 辣辣手指或手掌上看到数条青筋，侬晓得是啥个伐？ 青筋警示：长期大便侪勿大顺畅。 是搿人长年大便呒没规律，几天一趟，但大便并勿老干，所以大便辰光勿是老吃力；还有一眼人长年便秘，所以排便邪气吃力。 呒没规律个排便法会引起肠道内毒素勿能及时排出，影响消化吸收功能。 大拇指侧有青筋，哪晓得是啥个伐？ 青筋警示：头部供血勿足，经常头痛头晕。 大拇指根部有青筋，要当心眼，是心脏动脉硬化了。凸起扭曲，是心脏冠状动脉硬化，紫黑是冠心病发作段。青筋越粗，代表毛病过程已老长，毛病啊越严重，病人经常会感到心前区邪气勿适意或难过；青筋较细或较浅，代表生病辰光勿是老长，多数病人平时勿会有老明显勿适意或难过，只是辣辣吃力或心情勿好辰光有胸闷现象，休息一息就会有所好转。 大鱼际外侧有青筋，说明心率勿齐，心脏跳得快慢勿一，有辰光还会出现早搏、心悸、心慌现象。 晓得了大鱼际外侧青筋表现，搿么大鱼际底部青筋又是代表啥个呢？只要侬弄清爽伊辣辣啥部位就晓得了，是代表体内寒湿重，已对心脏及关节造成了影响，而且还会伴有腰酸背痛、关节痛症状。 身体差个朋友对照一下，是否吻合搿一条。食指外侧有青筋，而且青筋老长，颜色啊蛮深，说明小辰光身体勿大好，勿好好吃饭，疳积重，消化功能比较弱，营养啊勿良，经常容易生毛病，所以抵抗力和体质侪比较差。 有眼落后地区，因为看毛病难，一方面比较贫穷，伊拉碰到搿毛病，特别是小囡生毛病辰光，就用针扎破搿根青筋挤血。勿论是感冒、发热、还是腹痛、腹泻，只要辣辣两只手青筋搿搭挤出黑血，小囡个毛病就会减轻。过一天再挤一趟，挤到血只要是鲜红了，小囡个毛病啊基本好了。如果还是有黑血，过两天再挤一趟，直到挤出鲜红血为止。辣辣治疗期间，小囡要多喝温开水，勿能吃寒凉食物，食物要尽量做到细、软、烂，搿能有利于消化吸收。 搿种扎破青筋挤血法，辣辣中医里向经常用到。辣辣几年前，看了一本有关中医个书籍，是北京一位资深中医教授谈体会，伊讲，由于医生个工作关糸，要碰到形形式式勿同个病人，特别是流感高发季节，稍为有眼勿当心，就会感染上。为了勿影响工作，每月一趟大椎穴扎破挤血法，通过搿种扎破挤血方法，十几年了，从来呒没生过感冒个毛病。所以搿种方法会操作者，啊能起到治病救人。 上头讲到食指青筋，小囡食指有青筋提示肠胃积滞消化勿良，假使碰到成年人有搿现象，是头部血管微循环有障碍，脑血管供血勿足，头部有勿适意感觉，严重会头晕头痛，甚至中风。 下头讲中指，中指中部有青筋，代表经常头痛、头晕。如果大拇指外侧啊有青筋，说明从小就生头痛、头晕个毛病，但多数侪是先天勿足造成脑部供血少而引起。 中指根部有青筋，代表脑动脉硬化。如果只是出辣辣左侧（靠大拇指一侧为左），表示左侧脑动脉硬化及经络勿通比较严重，头部左侧容易出现勿适意；如果出现了右侧，说明右侧啊有同样症状；如果两侧侪有青筋，而且颜色啊比较深，说明脑部动脉硬化已经非常明显。中指指掌关节横线有青筋凸起、扭曲、紫黑表示脑动脉硬化已发足，要引起高度重视。 小指外侧有青筋，年纪大个人比较普遍，代表肾亏及肾气勿足。特别是先天勿足者，小辰光老容易洒屎出，大了以后同样会出现肾脏方面个毛病，而且腰腿呒没劲、酸软。同样是青筋越长、越深，表示肾亏毛病越严重。 中指下部、手掌上部区域是头颈反射部位。如果搿搭出现青筋，代表甲状腺有问题了，或者有慢性咽炎以及中医讲个“梅核气”，是颈部位经络勿通个明显标志。 有眼人，是过敏性体质，搿么啥地方有青筋代表过敏性体质呢？就是了大鱼际上、生命线内出现青筋，就代表过敏体质，搿类人老容易出现药物过敏和食物过敏，最容易反映辣辣身上出现个毛病是：湿疹、牛皮癣以及各类皮肤类型个毛病。 有眼中年人，一过五十，背上了五十肩毛病、啊称肩周炎。搿么肩周炎反映个青筋辣辣啥地方，食指指掌横纹有青筋，提示左侧容易生肩周炎毛病，辣辣小指指掌横纹搿搭有青筋，提示右侧容易生肩周炎毛病。 环指青筋代表小囡积滞，成人内分泌失调。 其实大家有空经常查查青筋个发展迹象和表现路线，对自家个健康邪气有帮助，发现问题，消除了萌芽中。 下头从筋表现查健康，看看另外地方有青筋代表眼啥。 手掌见青筋，由浅色往手指节间相连侪能见到，提示肠道有积滞宿便，习惯性便秘、基静脉瘤、痔疮等较明显。 手掌到处可见青紫色青筋，表示肠胃积滞、血脂高、血粘度高、血压高、血液酸性高、含氧量低、血液凝聚，搿眼症状容易出现头晕、头痛、浑身呒没力气、身体虚弱等。 大鱼际有青筋，往往影响腰腿痛和下肢风湿关节痛等。 手腕横纹线有青筋，是妇科毛病个表现，如月经勿调、带下等。 手腕三指宽内关穴部位有青筋，表示心脏方面已有症状，如见凸起扭曲、紫黑表示心脏毛病已经严重了，甚至预示有大病要发生。（辣辣腕横纹两指、筋当中处）当侬觉得任何勿适意，请侬赶快就医，再勿要耽搁了。 生命线内侧有青筋，表示肝胆功能代谢出现啦问题，容易引起口苦口干、烦燥、胸闷等肝脏毛病。 虎口生命线起端有青筋，辣辣女性中会常见，特别辣辣月经前后有乳房和腹部疼痛感。胸部有青筋，特别辣辣月经期间有乳房胀痛、情志抑郁辰光，请侬注意一下，是否乳腺已增生，即时发现即时治疗，避免病变成癌症，就会后悔莫及。 腹部有青筋，要高度重视。如果青筋过肚，已经反应比较严重个积滞，成人常见肝硬化腹水、肿瘤晚期。发现辣辣腹部有青筋搿症状，搿毛病邪气难治，所以要高度警惕。 膝部周围有青筋，表示有风湿性关节炎，时常辣辣膝关节部位有肿状现象等。 小腿有青筋，是冷热交替形成个现象。往往会发生腰腿症状个毛病以及风湿关节痛现象，最明显是静脉曲张毛病，颜色越深表示越严重。 鼻梁有青筋，表示肠胃积滞、容易胃痛、腹胀、消化勿良、大便勿顺畅，青筋越紫表示毛病更加严重。眼袋有青筋，特别是女性，提示有妇科毛病，最常见是月经勿调、带下。民间有句俗语，脾虚眼袋大、肾虚眼袋黑。所以讲，治疗眼袋并勿是外表形象个治疗，而是内在治疗，才能达到一定效果。 嘴角腮下青筋提示妇科毛病是带下湿气重、浑身吃力呒没力气、腰膝酥软和下肢有风湿毛病。 太阳穴搿搭见青筋凸起辰光，提示搿辰光头晕头痛症状。当太阳穴搿搭，青筋凸起并扭曲，表示脑动脉硬化，如果出现紫黑辰光，要格外注意，啊提示侬容易中风，请及时就医。 额骨头有青筋，表示长期劳心劳力、紧张、工作压力或者心情压力大而形成。 整个手掌侪布满了青筋，提示侬整个肠道侪出了问题，老多宿便辣辣肠道滞留，有习惯性便秘、痔疮或静脉瘤。如果鼓了结棍，就是三高了。 辣辣平常生活当中要注意眼事项： 感觉身体老热、老吃力辰光，最好勿要泡脚。 汰浴辰光，冲水最好从上到下，指甲尽量勿要先碰水；欢喜泡澡个朋友，辣辣泡澡辰光，要把手脚露了水面，特别是指甲部位，因为指甲是出气个地方。 关于清肠排毒和通便，其实是两个概念，老多人以为天天大便，身体应该老正常，忽略了清肠排毒搿概念。因为大肠里向个宿便是最臭个，搿就是人们所讲个污垢。辣辣平常公共场所啊有搿现象，响屁勿臭，属通气屁；而一眼闷屁，邪气臭，会觉得恶心，搿就是大肠宿便产生个污垢气体。所以，阿拉最好每个礼拜有一天吃一趟斋，或者断食一天，用蔬菜或水果当食粮。为啥庙中练武和尚有搿习惯，避宫后个开宫，必会断食一天，用无油盐个清水大白菜，过一天断食口粮，为了就是排近肠道里向所有宿便，搿才能更健康。 另外，就是有脚个动物尽量要少吃。如果阿拉还辣辣坚持勿健康个吃法，老多毛病侪欢喜跟侬身体交朋友，年纪大后个老年斑、黄褐斑、雀斑，爬满了侬面孔。 关于青筋个话题，了解到搿搭，仅供参考。 |
|
|
