生活中阿拉每个人,侪或多或少得到过人家个帮助,经常发现迭排里现象,两个人彼此关糸一直老好,有辰光就为一眼眼小事体,或者是一趟呒没按照自家意愿办事就会结怨,从此两个人碰头就如同陌生人。啊许阿拉每个人,侪会犯同样个毛病,就是人家对阿拉有十趟好,有一趟勿大好,前头十趟好就拨阿拉全部揩脱。 人家扶辣辣侬一把,啊许侬老快就忘记;人家踏了侬一脚,啊许侬会永记心中。阿拉记牢了人家个缺点和错误,记牢了人家慢待阿拉个地方,于是,心里邪气勿开心,越看迭个人越满身是缺点,越看迭个人越戳气。而人家恰恰是一面镜子,阿拉对伊弹眼落睛,镜子反射回来啊是弹眼落睛,于是,阿拉侪互相看勿顺眼了。原本老小缺点辣辣阿拉眼中无限个放大了,阿拉看迭个人简直是眼中钉,肉中刺,必先拔出而后快。 当人家对侬勿敬辰光,侬总是记牢人家个好处,埃怕人家点点滴滴对侬个好处,侬侪默默记了心中。慢慢地,侬心中火气就烟消云散了,心胸啊自然开阔了。量小失友,度大聚朋。有了宽阔胸襟、宽宏度量,才能赢得朋友间信任,增进团结,密切友谊。 记牢人家好,可以培养自家谦虚品质。人无完人,对人家宽容就是对自家宽容;善待人家,其实就是善待侬自家。专挑人家缺点、勿能容人个人,必然自我感觉良好,看勿到自家身上个缺点,从而丧失改进提高个机会;记牢人家“滴水之恩”个人,则往往能见贤思齐,虚心学习人家身上个优点,因此自家身上个“好处”啊会越来越多,人际吸引力就会越来越强,无形中就拥有了更多精神财富。 朋友之间,记牢人家个好,就会拥有更多个朋友。家庭成员亲眷之间,记牢人家个好,搿家庭一定会其乐融融。记牢人家个好,拥有一颗感恩个心生活,远比记牢人家个缺点、毛病,怀着一颗怨恨之心痛苦生活要强一万倍。既如此,阿拉为啥勿记牢人家个好呢? 有个人得到个还勿止是“滴水之恩”,比如爷娘个养育之恩,师长个谆谆教诲,亲眷朋友个关心,同学同事个热情帮助,领导个信任等等,搿眼侪是阿拉成长进步个重要因素。但难就难了受到帮助之后,能勿能有感激之情,有勿有涌泉相报之举。 记牢人家个“滴水之恩”,要具有一颗宽容个心和崇高个境界。记牢人生历程中曾经帮助过侬个人,啊记牢生活拨予侬个每一缕善意个微笑,或者每一份源于心底个感动。用一颗感恩个心去对待人家,侬会发现,生活中因有了感恩个心而多了欢笑、快乐、真诚,少了虚伪、欺骗、伤害。 |
|