一个男人对伊老婆讲:“侬如果变成水桶身材,变成皱纹满面孔个黄脸婆,我侪勿会嫌弃侬”。女人们,乃相信伐? 扮相是有生产力个,今朝勿管侬有多少钞票,人家是看勿到个,但形象是无价个。 一双呒没生命力个皮鞋,出门穿侪要揩揩清爽擦擦亮,更何况一张有生命力个、真皮面孔? 男人30是成品,40有眼精品样,50好算极品了;而女人20是朵花,30一过黄脸婆,勿打理到了40变成豆腐渣。男人个皱纹是成熟个魅力,女人个皱纹是衰老个表现。 身材是女性永久个时装,老多人花老多钞票来装修自家个房子,其实并呒没太多人来参观侬个房子;而勿懂保养自家身材个侬,带着一副勿经修饰躯体,到处让人家参观,即使再有钞票啊勿能把钞票贴辣辣面孔上头到处走。但是活力健康个形体美,却可以让侬赢得更多人个尊重。 老多女性辣辣屋里向,地板揩得比自家面孔还要亮,却忽略了自家搿张面孔,可是阿拉侪晓得,呒没一个男人会去亲吻搿地板。 女人面孔其实是男人和小囡个面子。听说过搿能一个小故事,一位年轻个姆妈,到幼儿园去接伊囡嗯。因为素面朝天,勿修饰自家,小囡个虚荣心居然对同学讲,伊是阿拉屋里个保姆。 20女人像橄榄球,30女人像乒乓球,40女人像足球,50女人像高尔夫球,打得越远越好。20之前勿漂亮可以怪爷娘,因为是遗传因素;20之后勿漂亮要怪侬自家了。 女人保养是葡萄,勿保养就是葡萄干;女人保养是老样子,勿保养样子就老了。勿要怪男人花心,而要怪阿拉自家呒没资本让伊专心。一个成功形象勿一定老成功,但一个失败形象一定会让侬老失败。 事业是男人个姿色,姿色啊是女人个事业,如果侬觉得只有内在美就够了,搿么残酷个现实会告诉侬,侬或许连展示内在美机会侪呒没了。 女小囡如果愿意把吃饭钞票花辣辣面孔上,就会有男小囡请侬吃饭,为侬埋单。现代社会勿仅男人欢喜看美女,连美女侪欢喜看美女,侬欢喜看美女伐? 女人一生有两张王牌,一张是婚姻,一张是事业。婚姻幸福是小王,事业成功是大王。 如果侬有共鸣,请从现开始,好好爱惜自家,美丽是对自我个一种要求,啊是一生个主修课题。 |
|