|
廣東話保存有好多嘅原音，例如［我］同埋［餓］，兩個字嘅脷根鼻音聲母［ng-］保留咗中古時期嘅原始發音。 喺聲調方面，標準粵語係好完整咁保留咗中古漢語入面嘅，［平］、［上］、［去］、［入］同埋各分［陰］、［陽］嘅調類格局，而且重喺［陰入］之中衍生出一個［中入］調，完整保留古漢語［入聲］嘅聲調，呢啲係有利專家去研究歷朝嘅文學。 標準粵語包含咗［-p］、［-t］、［-k］、［-n］、［-m］、［-ng］六種韻尾，冇北方話所有嘅［兒化］、［輕聲］呢啲現象，而呢啲北方話嘅特徵都係喺中古時期之後先至出現嘅。 下面，大家黎欣賞下由尚明輝、卓樂、鄧世昌三位所演繹嘅相聲：廣東話正音正讀。 文字：廣東話資料館玖姑娘 編輯：卡神、肥強 |
|
|
