4年前栋笃笑《唔黐线 唔正常》1张$580的门票,竟然被炒至$4,484?一连11场的栋笃笑show,门票竟然全部售罄?「揾食啫!犯法呀?」那么有叫座力,皆因3个字–黄子华,这位香港栋笃笑始祖,转数快得惊人,字字铿锵,而且一针见血,每次开show,他定会爆出金句,如果由他90年第1场栋笃笑算起,大家都相信,金句数量足以出本「黄语录」。 另外,黄子华都好幸运,皆因栋笃笑的题材,总是离不开时事。而近日香港社会实在「含水量」太高,「唔抽水过唔到自己」,所以这次「黄子华栋笃笑唔黐线唔正常」,男神实行和大家倒抽一口「梁」气,30句金句,包你笑到完场! 打工仔必读篇: 1.老板成日话员工做野都唔摞个心出来,激死人。员工就成日话老板都唔摞旧金出来,驶死人。 2. 严格嚟讲,你每个月底俾我嗰份唔系粮,系赔偿。 3.揾食啫!犯法呀?我想㗎! 4. 大自然所有嘅动物都喺食物链上面。链嘅下层俾链嘅上层吃,一层一层咁链上去。 5. 我觉得讲得出「我好中意返工」呢句说话嘅人,一定系鬼上身。 6. 唔在乎你有冇俾人姦,只在乎你交唔交到单! 7. 比份粮你,一半系比你要嚟做嘢,另一半系比你要嚟受气嘅。 8. 香港既精神,就系「冇精神」。 家庭关系: 9. 阿妈标阿仔身,边个俾赎金? 10.依家香港人生仔可以冇老婆,但唔可以冇菲佣。 11.而家香港嘅问题,系所谓嘅婆媳纠纷,系一种必然濑嘢嘅关系,系咪?除非你个新抱可以喺第一日入门,就全心全意同奶奶讲:「奶奶,我爱你!」 女人心理篇: 12. 化妆就系你落咗妆,我仲认得你,你落咗妆,我唔认得你,嗰啲叫做乔装。 13. 女人撞衫,仲大件事过撞车。 两性关系篇: 14.男人系爱情上系要求新鲜,而女人对爱情最大嘅要求就系保鲜。 15.你爱嘅,你得唔到;你唔爱嘅,你甩唔到。 16.一个男人点都会hurt过一两个女人。但作为一个女人一世都未俾男人hurt过,咁就系真正嘅hurt啦! 17.我系一个无雀嘅… 唔系,我系一只无脚嘅雀仔…… 18.恋爱系一盘生意,你要二十四小时谂住佢。 19.基本上男人系做到三个不,不主动,不抗拒,最重要我地系不负责嘅。 20.感情呢家嘢呢,你预左系唔OK 嘅,你就OK。 21.爱情同股票一样,未入之前系不停咁升。但当一拥有,你就问:「点解会咁㗎?」世上有100分男孩、100分女孩,但就冇100分伴侣。如果重有人唔肯承认,相处就代表开始扣分,我有个例子:2人相爱,当然唔想有第三者,但点解你想生仔?「仔点会系第三者呀?」仔唔系人呀!喂,呢个第三者佔你哋好多时间㗎㖞!呢个第三者,1日食6餐,随时食埋你嗰份,「咁1男1女就梗系要生仔㗎啦!」系啰!点解呢?因为当世界只剩下1男1女,得番你同我,你就feel到,呢个游戏系唔玩得耐。 22. 英雄难过美人关,肥妹踩冧断背山。 人生哲理篇: 23.错就要认,要对方认! 24.损人不利己,不如跳井死! 25.若要人不知,唔好太低B。 26.世事无绝对,只有无头绪! 27. 你食鱼翅,我食粉丝;你揸Benz,我坐Bus。 28.一千几百,犹如垃圾,富贵於我如浮云… 但系浮云於我如命根啊。 29.树要皮,但人… 唔一定要面。 30. 你好巴闭咩?我够有3个C啦,CHEAP、CHEAPER、CHEAPERPER! 来源 | 东方新地 |
|