 现在人有了铜钿，侪欢喜投资房子，既能住还能炒作或租脱，本钱勿大会输脱，勿像股市会缩水。
而辣辣买房子搿点上，老底子侪欢喜买多层，因为楼层勿高，上下比较省力。随着科技个发展，更多人己经喜欢上电梯房，年纪上去电梯房更省力。 讲起电梯房，基本为大楼。有眼人邪气讲究风水习惯，所以挑选楼层邪气啊有讲究。交关风水习惯，其实跟人个生肖属性和数字以及一眼谐音成语侪有一定关系。虽然邪气多朋友欢喜8谐音为发，18为要发，但还有眼人特忌讳8和18。 8辣辣邪气多眼里是个吉祥数，但8层同样啊勿受部分人欢迎。前腔听小区中介嘎讪胡，讲了一桩真实事体，几天就赚了5千块。事体是迭能样子个，一位从事皮革生意个老板，看中了某大楼8层一套房，并付了5千块订金。后来听人讲8层有七上八下、乱七八糟、八病九痛搿眼讲话，勿但打消了买搿间房念头，连订金啊勿要了。18拨一眼人讲是：18层地狱，所以有交关楼层开发商为了避开搿忌讳，就会把18楼改叫17.1。 辣辣一眼讲究风水个楼盘里，电梯按钮上有17.1、12.1、12.2，分别代表18层、13层、14层。因为13辣辣西方国家是一个凶数，14谐音要死，改数字就是为了图个吉利。辣辣南方城市，勿少大楼侪是迭能样子标示楼层个，13、14层标为12A、15A，13层还有12B标示，18层为E8楼。 楼层个选择难道跟风水有关系？当然有关系。吉利楼层住辣辣，心情邪气好；勿吉利楼层住辣辣，心情勿大好，还会带来一眼麻烦等，例子就勿嘎了，针对每个人生肖和风水，哪能选择楼层，请看下头。 首先阿拉要晓得楼层所对应个五行是啥： 水为一，啊就是讲一楼六楼为水；火为两，两楼七楼为火；木为三，三楼八楼为木；金为四，四楼九楼为金；土为五，五楼零楼为土，零楼代表十。 其次，阿拉要晓得勿同生肖个五行是啥：下头关于生肖个吉利楼层和勿吉利楼层，以尾数为标准。 属老虫吉利楼层是，一、四、六、九；勿吉利楼层是，三、五、八、十。 属牛吉利楼层是，两、五、七、十；勿吉利楼层是，三、四、八、九。 属老虎吉利楼层是，一、三、六、八；勿吉利楼层是，两、四、七、九。 属兔子吉利楼层是，一、三、六、八；勿吉利楼层是，两、四、七、九。 属龙吉利楼层是，两、五、七、十；勿吉利楼层是，三、四、八、九。 属蛇吉利楼层是，两、三、七、八；勿吉利楼层是，一、五、六、十。 属马吉利楼层是，两、三、七、八；勿吉利楼层是，一、五、六、十。 属羊吉利楼层是，两、五、七、十；勿吉利楼层是，三、四、八、九。 属猴子吉利楼层是，四、五、九、十；勿吉利楼层是，一、两、六、七。 属鸡吉利楼层是，四、五、九、十；勿吉利楼层是，一、两、六、七。 属狗吉利楼层是，两、五、七、十；勿吉利楼层是，三、四、八、九。 属猪猡吉利楼层是，一、四、六、九；勿吉利楼层是，三、五、八、十。 |
|
|
