事隔2年,我再踏足日本 23/2 UO656 0815 岀發 準備: 好鄰居青年旅舍(Good neighbors hostel) 岀發前預備好曬 Day 1 因為係早上0815機,一早就要起身坐5點半機場巴去,但感覺好精神
因為今日第一日,我會先係機場岀發坐名鐵線去名古屋站,再轉巴士去富山,再轉巴士去金澤 機場去名古屋 45 min
到左巴士站,去6號車站去富山,因為都座好耐,所以一定要去左toilet 先
差不多8點幾,終於到達金澤 一落車,步行去我今晚住的hostel
Day 2 今日決定10點岀門口
我選擇左呢一間食 全部都好新鮮,好好味,又大大粒 食完刺身當然未夠喉,係入面選左間多人排隊的壽司店醫肚 兩個人食左10幾碟壽司,埋單4千幾yen 食完壽司,當然要食d水果 一盒有8粒咁上下,500幾yen,平過香港好多 食完午餐後,非常飽,又要去散步 路過一條大河,落起雪,超興奮 其實東茶屋街有d商店,同埋食野的店,應該係睇下建築的地方,因為我太飽,只行了20分鐘就走了 下一站去金澤城 去到金澤城附近,有金簿雪糕賣,當然急不及待買一個呃like啦
都係一座城池,有條護城河 入去行一個圈係必須啦 係旁邊會有一個叫玉泉院丸庭園 行完金澤城,行去旁邊的金澤21世紀美術館
之後就行反去兼六園,其實係一個大的公園
行行下中途,又落雪了,不過都係幾分鐘又無了 行完之後,入面會有d店食下野休息下
行完一日文化之旅都天黑了,再次步行反去金澤站附近 Day 3 係去2號車站 坐左個幾鐘巴士終於到了聞名的白川鄉 去到首先係上山睇下呢度個全景先,會行一條全係雪的路,不過要小心 再望反落去,全部都係雪,不過應該已經小雪了,可能因為2月尾了 難得去到,去雪地打反個手掌印先 咁多雪,點可以吾整反個雪人丫 睇完之後,落反去行個圈,途中有d小店賣野食,我就試左五平餅,不過一般 之後會有明善寺,神田家等參觀,入去要收300 yen,可以不去,因為無咩睇好快睇完,我就去左白川八幡神社行一轉 之後行去合掌式建築民家園睇睇 經過一條橋,都好值得睇下 但個家園都係有雪的屋,無咩特別啫 去反車站,3號站頭去高山轉車去平湯 去到高山再去5號站頭去平湯 平湯站一落,有間便利店,入面有飛騨牛肉包子,就試下你,但不外如是啫,都係牛串好食好多 平湯温泉係大區,呢度有好多温泉旅館 小弟今次book 到呢間平田館酒店,立即入去check in 房間入面都幾好,幾大間 有埋浴衣俾你去温泉 有床鋪,食飯時會有人黎幫你整 Check in 完都係4點幾,決定休息一會,再落去浸反個温泉先 旅館2樓就係温泉,係日本浸温泉係要全裸的,我去到發現,無人浸,正,有室內及室外的,係室內先試下水温先 之後再去岀面,係超凍氣溫下浸,非常正 浸完之後,大約6點就食晚飯,因為我book 一泊兩食,所以包了晚,早餐,一見到,成枱都係野食,正,有牛,有魚生 之後仲有條魚,保證食得飽 食飽飯之後,我地呢晚真係咁岩,係平湯大淹結冰祭點燈last day,所以食到7點幾就岀發去,有穿梭巴士接送,大約坐幾分鐘 落車後一直步行去入面個瀑布,沿途有呢個橋,好靚,好浪漫 一路上都要行雪路,不過光線都夠 去到上面有個小檔派飲品,係好好味ge野,甜的,但我忘記叫咩了 呢個就係瀑布了,結了冰的,有好多燈射住都好靚架 當我地沿路落反去時,真係大發了,竟然放起煙花,放左10幾分鐘,真係太正了 之後坐反穿梭巴回去休息了 Day 4 一早起身就要食早餐了,因為book 左7半食 原來又係超多野食 由酒店步行去平湯滑雪場大約10幾分鐘,又係滑滑的雪路 就係呢度了,有兩條上山吊車,一條高級,一條低級,我第一次玩當然係低級道http://www./smart/ski.php 去到第一件事就借裝備 之後就要買䌫車飛,小弟打算10點幾玩到4點,所以買了3000yen 的全日pass, 但後來發現只上左去8次,早知就買10次卷500yen 上到去望反落黎,對我黎講都好高了 因為吾係好叻,pat pat 受罪了 玩到4點,累到死,之後去check in 今晚住的地方,鴨蹠草旅莊 $206/person 2樓係訓的地方,霸曬黎住,美中不足的地方係無浴室,所以今晚我決定去温泉沖埋涼先反黎 玩左成日雪,講真真係散曬,係間屋休息到5點幾,岀發去平湯之森温泉 步行去幾分鐘就到,係平湯巴士總站旁,因為我係平湯滑雪場買左全日pass, 所以免費入去,去的時候都快天黑了 大門口,因為一入到去就浸温泉,拍不到照了,入面露天温泉都有5,6個池幾好,人也不多,我飯前飯後都浸左一次,入面有間餐廳可以醫肚,價錢也不貴 餐後再浸一次後,岀到黎學日本人飲反枝牛奶,之後就回去休息了 Day 5 去到總站落車就會見到呢度 行入去有部機俾你買飛,大人來回2900yen ,都吾平,但一場黎到,點都去埋睇啦 纜車來了,分左兩段,第一段係單層 望反落去,已經升到好高了 大大座雪山已經係面前,好壯觀 樹上全部都係雪 第一段去到鍋平高原站落車 有個奇怪的洞俾人影相,我就試左中間個個,哈哈 再沿路上去,座第二段,係雙層,當然排頭位霸窗口位就最正 去到等二個站落車 個到有個大雪人 上到去可以望曬全景,好靚丫 落反下面有條路俾人行山,兩邊都係雪牆,可以拍下照 睇到7788就落反去坐巴士反高山轉車反名古屋啦 係高山我預留左1個多小時,特登去三色台金剛介紹個條街食飛騨牛串及壽司,就係呢間了 去到有兩隻賣曬,唯有食其他兩樣 個賣相吾錯,都值得試下 仲有食牛串,我食左500yen 個個,好正,好好味 當然要試埋個包,不過一般般啫 係高山快速食完飛驒牛,係時候反巴士站反名古屋了 到達名古屋即刻去check in 呢個似太空倉feel 洗手間都好乾淨 Bath room 都吾錯 整理好一切,岀左去呢間店食手羽先 Day 6 早上9點就岀門口了,第一站岀發去名古屋城 係市役所站落車,可以經過一個大花園再入城 從花園入去,可遠拍名古屋城,都幾靚丫 俾左入場費可以免費入去本丸御殿參觀 之後上去呢個城入面啦 係最高層望岀去 有個名古屋城模型 城內最岀名就係呢條係屋頂ge魚 係城附近有好多花,呢個吾知係咪梅花呢 係呢度都睇左一個半小時了 去完名古屋城,係時候去醫肚了 去了呢間朋友好想去食的eggs’ Things 係食班cake 的店黎,都好味道 食完lunch,本來想去的outlet 原來無開門 係名古屋坐中央線去多治見站(40min) 落車後去3號巴士站坐到總站就會到(30 min) 呢個outlet 所有大品牌都有,所以都好好行,價錢都吾錯,可以好好shopping 一下 岀反黎之後就去食呢個trip 最後晚餐 食了呢個3600yen 的套餐 有教埋你點樣食法,叫鰻魚三食 終於黎到了,好大碗,其實兩個人食一份都得 食完鰻魚飯,真係飽到一個點 路經電視塔,拍下照 路過呢個摩天倫,係幾靚ge Day 7 今日坐2點幾飛機回港,我一早就拎行李check out, 將行李放係儲物櫃再岀發 一早就去左熱田神宮,去參觀下 呢個都算係一個大的神社黎的 大門口同樣有一個鳥居 參觀完去食迴轉壽司 呢件吞拿魚幾肥幾多油 食完之後要上路了 反到機場,見到徳川家康忍者 趁有時間去左機場寮望台睇飛機 完!!!!!!!!!!! |
|