|
《万恶淫为首》之 《乞食》 潘一帆撰曲 新马师曾名曲 【南音】 唉—— 冷得我揗揗震，真喺震到入心， 心酸我仲发紧冷咯！乜好似脚软难行。 乜嚸解行行又似觉，好似身不稳， 嚸揾得各位善长仁翁， 希望佢做一点好心。 唉！心伤嗟怨，不幸逢绝运呀， 亏我运蹇时乖， [苦喉] 都不幸作了盲人[抛舟腔]。 [楔白] 唉！好心啦大姑，施舍下啦大姑﹗ [接唱] 唉！正喺人逢绝境，都一定多哀感， 我自己感怀身世，都本想去自轻生。 一个人生生死死，本喺无足恨， 恨我心头仍挂，我有位老父未归临， 我记得佢临行佢仲对住我，仲谆谆训， 训示话揇过床头，都算父母恩。 恩恩怨怨，不敢把我娘记恨， 恨佢恩将仇报， 【乙反二簧】 知我者惟有三尺，嘅灵神。 【流水行云】 正喺神鉴谅我心，暗自告禀， 唉吔天公得许父相见， 我话过今生死也无怨憾。 自甘委屈，我自甘身作堕落人。 哩佢对我虽黑心，之我对佢真恩深， 愿爹妈俩相印，愿爹妈休怒愤。 我就为求庇荫，我就为求庇荫。 今日误我哩一世﹐ 祸起只为喺淫﹐自嗟暗自还带恨。 【叫白】 福心哩！好心哩！ 可怜下哩个盲眼乞儿仔哩。 真饥饿咯，又凄凉呀哩。 少奶有乜冷饭菜汁，施舍下哩﹗ 【木兰从军】 边个好心哩！打救哩个盲人！ 福心更善心，救苦又救贫。 望求做点好心，打救我贫共困。 保佑你地生意滔滔，一本赚万金！ 保佑你长年富贵，都越舍还仲有。 我自叹今生不幸，真感激各位大贵人。 曲终
|
|
|
