近几年随着外来人口个增加,搿一特色元素却辣辣逐渐消失,有眼方言勿要讲外地人听勿懂,就连土生土长个上海小囡阿未必晓得。 如果侬勿相信,搿么今朝就来考考侬,搿眼只有正宗上海宁才晓得个“成语”,看侬侪晓得几个? 自说自话(si se si ho) 释义:自家讲了算,自作主张。 例句:勿是太熟悉事体勿好自说自话,要问问清爽。 假挨捂头(ga ya wu dou) 释义:假装吃着一记生活,形容戏剧性地伪装。 例句:假挨捂头做得来像真格一样。 睏思懵懂(kun si meng dong) 释义:睏得来迷迷糊糊嘅辰光,似醒非醒个睡眠状态。 例句:夜里手机最好关脱,省得睏思懵懂嘅辰光拨电话铃吵醒。 行盈行市(hang yin hang si) 释义:多得勿得了,形容充斥、充满、塞满个样子。 例句:现在只要有钞票,吃嘅、着嘅、用嘅、白相嘅行盈行市。 弹眼落睛(dai engai luo jing) 释义:崭得勿得了,形容夺人眼球。 例句:现在国产品牌手机外观阿做得弹眼落睛。 门槛贼精(men kai se jing) 释义:形容精怪、尖钻,极其精明个人。 例句:现在小囡门槛贼精。 佝头缩颈(gou dou suo jing) 释义:把头缩进大衣领子里个样子,引伸为做事拘谨、猥琐。 例句:招待客人勿能够钞票用起来佝头缩颈。 木知木觉(mo zi mo guo) 释义:形容戆头戆脑,感觉迟钝。 例句:勿好对时事木知木觉。 剌煞刁死(la sa diao xi) 释义:指做事情极其刁钻、促狭。 例句:现在有眼勿法商家做事体剌煞刁死。 绞七廿三(ga qi nian san) 释义:乌绞百叶结,瞎搞八搞,胡搞一气。 例句:七里缠了八里,絞七廿三搞啥物事搞? 灯笼壳子(den long ko zi) 释义:形容虚张声势。 例句:一切坏人全是外强中干嘅灯笼壳子。 神智糊知(sen zi hu zi) 释义:指神志勿清,稀里糊涂,脑子勿清爽。 例句:要是神智糊知认勿清形势,肯定要吃苦头。 回嘴八张(wei zi ba zang) 释义:反唇相讥,特指对长辈勿礼貌。 例句:有意见好好较讲,勿好回嘴八张。 文旦壳子(fen dai ko zi) 释义:形容有眼事体是多余、累赘个。 例句:有种物事像文旦壳子,掼脱肉麻,摆勒垓多余。 瞎七搭八(ha qi da ba) 释义:浑身勿搭界,多形容讲言话乱讲一气,风马牛勿相及。 例句:侬瞎七搭八搞点啥嘅名堂经? 花头花脑(ho dou ho nao) 释义:形容花点子多,花花肠子多。 例句:小鬼头花头花脑拿师傅花得团团转。 犟头倔脑(jiang dou jue nao) 释义:形容做事体太过倔强、固执。 例句:该放弃辰光就放弃,犟头倔脑呒没意思。 痴头怪脑(ci dou gua nao) 释义:形容小姑娘吵吵闹闹疯白相,嗨到忘乎所以。 例句:小姑娘文雅一眼,勿好痴头怪脑。 啰里八嗦(lu li ba su) 释义:讲话啰啰嗦嗦,闲话多煞了。 例句:啰里八嗦闲话介许多。 嘴五舌六(zi en se lo) 释义:讲话支支吾吾,勿流畅。 例句:伊嘴五舌六讲勿清爽。 活脱活像(wo te wo xiang) 释义:形容一式一样,像一只模子刻出来个。 例句:双胞胎长得活脱活像。 眼开眼闭(engai kai engai bi) 释义:睁一只眼,闭一只眼,马马虎虎放人一码。 例句:重大原则问题面前勿好眼开眼闭。 勿二勿三(fe ni fe san) 释义:歪门邪道,形容勿正经,歪路子。 例句:勿二勿三像个小偷卵。 乌漆墨黑(wu qie me he) 释义:形容天黑,伸手勿见五指,阿指皮肤黑。 例句:伊趟日全食,日里厢天界乌漆墨黑。 吓人倒怪(ha ning dao gua) 释义:吓人倒怪、吓丝丝,多形容邪气吓人个地方。 例句:乡下头地方野野豁豁吓人倒怪。 邋里邋遢(la li la ta) 释义:指人勿修边幅,肮脏勿整洁。 例句:注意食品卫生,吃嘅物事勿好邋里邋遢。 涕涕溻溻(ti ti ta ta) 释义:房间卫生欠收拾,勿整洁。 例句:勿讲卫生,弄得来涕涕溻溻。 腻滞疙瘩(ni zi ge da) 释义:指身上粘粘糊糊。 例句:黄梅天身上向腻滞疙瘩污蓑来。 十出怪梦(se ce gua mang) 释义:奇思妙想,奇奇怪怪个念头。 例句:有种创意十出怪梦哪恁想出来嘅? 老鬼失撇(lao jv se pie) 释义:形容马失前蹄。 例句:有种界事体做得再好阿有老鬼失撇辰光。
|
|