|
喂！老友，上次你講《五步獨言歌》時，開頭嗰幾句乜野：「有病方為貴，無傷不是奇，格中如去病，財祿喜相隨」。你就講些唔講些，十分之無癮。咁你認為這些幾句說話，究竟係啱定唔啱先？你又無有自己嘅意見，唔好人講你又講先得㗎，講又講到唔湯又唔水，你又唔好執人口水尾，人講你又講，無嚟主見。
唉！真係俾你吹脹，你自己八字水皮，又唔夠班，就低聲下氣問吓人。又學乜人講面子，又要窒頭窒勢，咁就可以激到人講㗎哪。呢招嘢，唔使得㗎啦，慳水啦，認吓衰仔，就話俾你知。又唔係收你學費，做乜要教你。
好，好，你好嘢，係我唔啱，咁得啦，唔該你指點一下小弟，高人。
係囉，咁咪幾乖，孺子可教也。
有病者，即每一個八字中或多或少都有些問題，可能係財過強或財弱，或以財為忌，或者財多身弱，或身財兩弱，或財星無制，或者……總之問題在於財星上。至於其他官殺、食傷、印星、比劫，都是如此觀看，此為命中之病也。亦可以講無一個人嘅八字是十全十美，梗係有些瑕疵，謂之美中不足，所以，如果可以將瑕疵攪咗去，咁咪係全美囉！唉，口水都乾埋，留番下次再講，唔好怪吓。(待續)
|
