前港姐麦明诗(Louisa)言行大胆,压力爆煲嘅佢寻日突然喺社交网爆Seed,佢话只系想做个普通人,呻完一轮睇嚟心靓已经好番啲,佢今日喺Instagram上载同拍档冯盈盈嘅美少女战士Cosplay造型照片,有唔少网民都赞好靓噃!
佢留言:“万事俱备,只欠长腿(虽然摄影师已经瞓喺地下低炒)”扮火野丽嘅佢短裙上阵,网民都话佢对脚已经好长,仲笑言“系条裙唔够短!”
原来佢哋拍紧《#后生仔倾吓偈#》,唔通到时会以呢个Look示人?另外,佢上载咗一段片,见到摄影师帮“月野兔”盈盈影紧靓相,麦明诗就叫佢变身,盈盈就应和狂郁,姿势满分,点知就有个人话:“相嚟㗎喎!”非常搞笑!
|