“我果两个加肉做咩仲唔得架啦？”一位靓仔等得唔耐烦甘问。
“你果两个仲要等是间！”萧太答。
“你哩个木头！正死木头哦！系咪又唔记得人哋点咩嘢？”忙到通头大汗既萧生鬼死甘恶甘问萧太。
“边有哒！佢系跟起哩个女仔背底，架下做紧佢嘅，下一个先系佢。” 萧太辩驳。
“你——，常仑日无记性，是头仲有果六个呢？”萧生好大声。
“都比后距哦！果头都收后哦！”萧太答。
“呵~比后距哦，呵~收后钱哦！您乜个X，你话收埋有几多钱呢？收埋一鸡碎甘多钱，X您乜个臭X，X您乜个臭X罗……”萧生闹萧太头先收少人地钱。
上面俚段对白系小编有日去食“闹交肠粉”时，起现场听到既！相信大家对距地两公婆俚几句对白都好熟，因为差唔多每朝都闹啊嘛！正因为甘，虽然肠粉好食，但系连招牌都无一个，所以近几年果D人就索性叫距地俚档做“闹交肠粉”。
自从“闹交肠粉”个朵起左之后，距地就越来越好生意咯！市区及其它镇都有好多人专程走来食，好生意归好生意，随着萧生年纪越来越大，状态就更系无以前甘FIT！依家每朝要应付一群甘庞大既食客，个个来到动不动就话要两三碟，有D仲四五碟，仲有来打包果D，六碟、八碟、十碟，连二、三十碟都有，萧生常朝早果套招牌动作不停甘耍，最死又无得接力或者暂停，所以你地话距点唔做到扯火架啦！发下烂渣都好正常！
而萧太系负责落单、勺豉油、传送、打包、收钱，俚个角色又系做死人，食客一来到第一时间更系冲到萧太面前喊：“我要2个加蛋加肉、3个加肉无葱”距又喊“我要3个加肉，1个要葱，2个唔要葱”果个又喊“我要1个加肉，2个加蛋加肉唔要葱”“卖单，老板娘！”“我果个仲唔得架吗？”……唔普话叫你记，烦都烦鬼死，萧太其实记性都异于常人咯！但系年纪大左又更系差返一D，间唔中收少几个钱都好正常！毕竟系人，又唔系机器，人更系会有差错！
萧太每日都要忍受萧生既发烂渣，正常情况下都由得距闹，唔出声就算，俚点已经系无人能及，不过都有萧太忍唔住既时候，忍唔住通常就会顶返几句，好多人都话，距地两公婆闹交果时整出来既肠粉特别好食，我就认为系心理作用，如果距地两公婆真系闹到收唔到火，俚种情况下我地就可能无得食啦！我系见过一次距地闹到打起交来，萧生拿起手上既粉盘就掉左出去，果D粉飞到常屋都系，当然都飞到食客身上，大家赶紧闪！萧太激到走返屋企，果朝结果无得食！
换着系其它商家，如果日日甘闹法就系等于赶客，但系距地两公婆就宁舍唔同，一个闹得，一个忍得，反正越闹越好生意，所以先可以经营下去，仲升级为距地既一种老字号文化，扬名全东莞，真不愧为茶山既一大闹交奇迹。
据消息人士透露，距地两公婆一返到屋企基本上角色就会马上调转，即系返到屋企就轮到老婆发威，老公反而低声下气，就真系甘有趣！距地两公婆有两个女一个仔，将来唔知萧生会唔会将距既独门传比距个仔呢？就算传，闹交俚一项又点传？
且食且珍惜就算咯！讲甘多人地两公婆既野，唔系小编八卦，只系“闹交肠粉”作为茶山既一大饮食奇葩确实系好值得我地既探讨。
