 拉拉脚背，等于拉松了四条经络，比经络按摩还要有效果，为啥，看光下头内容侬就晓得了。中医认为，经络决定人体健康，一旦经络出现堵塞，人体就会出现蛮多毛病。 经络堵塞是造成机体运作下降个直接原因，啊就是俗称"微循环"。微循环处于身体个外端脱远端，迭眼地方先形成瘀、堵，再一眼眼向里厢蔓延，一般每年会瘀堵百分之一。 人到50岁辰光，微循环瘀堵大概会达到百分之五十以上，迭个辰光人体就开始快速走向衰老。有眼人能活到一百多岁，是因为伊拉个微循环系统邪气畅通。但啊有邪气多人未老先衰，迭个是因为伊拉虽然年轻，但微循环瘀堵已经邪气严重了。  哪能打通经络，防止未老先衰、健康长寿呢？有一个邪气简单个方法：就是拉伸脚背。 拉伸脚背可以运动肝、胆、脾、胃四条经络，起到疏泄肝胆、调养脾胃个作用。脚背上勿仅纵向由脚外侧到脚内侧顺序排列着胆、胃、肝、脾四条经络均到足趾端，而且有胆经个耳部支脉经腓骨前直下到外踝前进入脚四趾外侧端(足窍阴)。 脚背部支脉从脚外侧个(足临泣)分出横向穿越脚背到大趾端(大敦)跟足厥阴肝经相接。 还有胃经三条经脉到脚趾端，其中胃下口支脉下经脚背进入两脚趾外侧端(厉兑)。 胫部支脉从(足三里)搿搭分出，进入脚中趾外侧。 脚跗部支脉进入脚大趾内侧端(隐白)跟脚太阴脾经相接。 做法：具体做法邪气简单，只要尽力绷紧脚背面，像跳芭蕾舞一样，把脚背绷直，十只趾末头尽力下压，大脚趾尤其要特别用力，因为大脚趾上有脾、胃、肝、胆四经汇集。 拉伸脚背运动辰光，如果仔细体会，能够感觉到脚外侧经络有痛感，从脚趾牵扯到足三里。 如果脾胃有勿适意或者经络郁结，中趾脱食趾会出现抽筋一样个疼痛感。 脚内侧脾经上个(公孙穴)以及延伸向上一段会有胀痛感，只要屏牢酸胀痛感，持续用力下伸脚背，下压脚趾，迭个运动比经络按摩还有效果。  拉伸脚背动作，阿拉平常可以坐辣辣做，躺辣辣床上啊能做，简简单单就能打通经络，比按摩还要有效果。 迭个是延寿中个一种方法，欢喜个朋友勿妨试试，看效果哪能样子。
|
|
|
