龙川山歌

风和日丽好时光，

今日又登山歌场，

先向大家问声好，

祝福大家身健康，

家庭和睦福满堂。

客家人来客家歌，

山歌内容特别多，

佢就来唱骂老公，

崖就来唱骂老婆，

欢喜过少苦过多，

讲来吾怕面皮红，

今世嫁到衰老公，

包办婚姻就吾好，

勉勉强强结成双，

几多愁勿在肚中。

提起里只死八婆，

崖个脑筋痛得多，

转曲喇叭真勿气，

岩岩岩岩喙按多，

卑佢吉到气陀陀。

别人老公像老公，

崖个老公像虾公，

保佑虾公鸡督走，

等吾嫁过好老公，

敢话比佢过威风。