|
一月怀胎吾知多， 手牵 阿哥床边坐， 轻言细语同哥讲， 阿 妹怀有细佬哥， 唔信轻轻用手摸。 二月怀胎真吾真， 手脚酸软头颅晕， 照常都爱吐口水， 又想坐来又想睡， 冤枉_吾口水约约 吾屋家侪_佢看倒有 酸个杨桃买二斤。 三月怀胎确系真， 鸡子爱养酒爱蒸， 姜麻也爱买便来， 裙子也爱扯几身， 哎呀载， 阿哥出门爱记真。 四月胎儿碌碌通， 一下轻来一下重， 餐餐吃饭吾开胃， 一餐吃无半碗公， 头虚脚肿苦沉沉。 五月怀胎脚下重， 心想做世脚懒动， 担干上肩心又缅， 有子吾敢挑恁重， 过圳过沥爱小心。 六月怀胎胎儿肥， 身箩肚大胎会移， 首次怀胎怕人笑， 你吾看佢佢看你， 左看右看邦衫尾。 七月怀胎苦非常， 请到医生开药方， 十三大保食一帖， 肚里胎儿占健康， 唔会撞下又撞上。 八月怀胎好苦情， 身上挽紧五六斤， 大肚咭结难睡目， 坐难坐来眠难眠， 仔细想真好可怜。 九月怀胎好麻烦， 抬头容易低头难， 食饭吾敢食咁饱， 食得过饱肚会翻， 冤枉o， 蛤蟆含到老蟹般。 九个月头拿担起吾敢望落地下，惊怕东西径倒跌倒，哎哟-愿得咁冤枉，吾唔知糠大肚咁冤枉，吾系知得咁冤枉十二世无老公吾也吾嫁，咁辛苦-哎哟。 怀胎十月儿出生， 阿妈肚痛苦难言， 生死相隔一张纸， 样得平安见新丁， 母亲恩情大过天。 （十月怀胎一朝出世，婴儿叫声…阿妈十月怀胎生下佢，佢大了一定爱记得阿妈个苦处） 十月怀胎苦了娘， 做人子女爱思量， 养男育女多辛苦， 苦了爹爹瘦了娘， 养育恩德不能忘 |
|
|
