阿丁480 / 无锡地方志 / 老无锡话家常(外一篇)|无锡讲述(文/华...

0 0

   

老无锡话家常(外一篇)|无锡讲述(文/华钰麟)

2019-10-24  阿丁480

*所有文章版权归属杨柳风人文学堂【署名版权归属署名作者】

*更多人文阅读写作知识请关注头条号 @江阴杨柳风人文学堂

老无锡话家常(外一篇)|无锡讲述(文/华钰麟)

·老无锡话家常·(外一篇)

作者:老无锡(华钰麟)

一代还一代

王阿姨搭老阿婆住勒一道,婆媳妇淘哩关系勿好,动勿动虎起着个面孔。特别是小格,动勿动对老阿婆哇拉哇拉恶声恶气,碰碰心气勿足格辰光,还要掼家。老倌是个呒用场人,根本管不住凶老婆,只好随便老婆强凶霸道。老阿婆吓得一日到夜坐勒壁角落里像只“煨灶猫”,响也勿敢响。

王阿姨有个伲(儿)子,到年廿六岁了,还呒不结婚,女朋友也勿谈。王阿姨急煞落了,勒伲子门前经常唠里唠叨。伲子镬娘烦勿不过,就搭她讲:“我勿是勿想结婚,怕讨个老婆凶勿过,“一代还一代”,搭娘寻相骂,气煞你老娘。我搭爷一样,管不牢老婆格,到辰光我像风箱里格老虫——两头受气,啊是让我不讨老婆,安安顿顿过过日脚吧”。

王阿姨听伲子说得入情入理,竟也呒不说法回头伲子。

老无锡话家常(外一篇)|无锡讲述(文/华钰麟)

贴爷娘家

礼拜日脚,锡惠公园龙光洞门口格石拦凳上,有两个老太坐嘞上攀谈,面孔削括瘦格老太嘞了哼叹苦经:“妹子,我格囡吾真正好,每趟转来,总要带点末(物)事来孝孝我。前二日转来,得不我一箱水蜜桃,只只有小饭碗口大,吃嘞嘴里,水口好,甜到心里。我俚格媳妇勿是末事,勿论啥个要带到爷娘家去,真正是贴爷娘家格货色”。

坐嘞旁边格胖老太实在听勿下去粒,打断瘦老太格话头:“叫你一声老阿姐,你格囡吾是人家媳妇,你格媳妇也是人家囡吾,媳妇带点末事,转去张张爷娘,叫贴爷娘家,格末,你格囡吾拿水蜜桃你吃,俨格阿算贴爷娘家呢!”

瘦老太镬胖老太二句闲话一钝,想想也是格道理,一时辰光倒响勿落。

杨柳风人文学堂

| 以自识融多元 | 以自信塑成长 | 以自由得未来 |

一、致力于推广人文素养教育。

二、提倡美育学习和诗感认知;培养学生建立独立思考能力、帮助他们掌握阅读方式的多样性、启发他们对审美的个性化感知。

三、用广泛阅读和文学写作给学生添加额外的人文“营养”,用诗文和艺术愉悦他们的成长。

    本站是提供个人知识管理的网络存储空间,所有内容均由用户发布,不代表本站观点。如发现有害或侵权内容,请点击这里 或 拨打24小时举报电话:4000070609 与我们联系。

    猜你喜欢

    0条评论

    发表

    请遵守用户 评论公约

    类似文章 更多
    喜欢该文的人也喜欢 更多