【日本內陸機平飛】外國人限定超抵優惠！單程連稅 5,500日圓 (港幣$391) 起！

---

想飛日本深度遊？日本長距離移動嘅交通費真係貴到嚇親人！其實日本兩大航空公司JAL同埋ANA都有專為外國人而設嘅國內線優惠，可以俾大家輕輕鬆鬆玩盡日本多個城市架。

---

原來JAL同埋ANA都有為外國人提供非常抵買的國內線優惠，平至單程連稅 5,500日圓 (港幣$391) 就可以來回日本不同城市，秒殺所有JR/巴士線啊！

---

購買條件

這兩個優惠國內線pass都是外國人限定的優惠，購買者需符合以下三個條件！(我地去日本旅行絕對無問題，但如果你本身係日本讀書/做野就唔得喇！)

1. 居住在日本國外

2. 持有非日本護照的外國籍旅客，或是持有日本護照但擁有海外永久居留權的旅客

3. 持有日本國際線來回機票者。(唔使一定係ANA/日航，你坐peach/HK Express/Jetstar都得！總知係來回機票就得！)

---

【JAL Explorer Pass】

優惠票價分三個級別：(官網)

1.北海道航線及來回東北地區航線5,500日圓 (港幣$391)；

2.來回東京及大阪，東京及南紀白濱及沖繩本島及離島的航線7,700日圓 (港幣$548)；

3.其餘航線11,000日圓 (港幣$783)。

【ANA Experience JAPAN Fare】

優惠同樣分三個價錢級別：(官網)

1.來回札幌、東京及大阪嘅指定路線，如札幌至仙台或福島、大阪至青森都係5,500日圓 (港幣$391)；
2.來回東京同埋關西大阪/伊丹/神户7,700日圓 (港幣$548)；
3.其餘航線11,000日圓 (港幣$783)。

兩個pass點揀？
其實兩邊嘅規則同埋價錢都係差唔多，不過在優惠航線數量同埋區域上，JAL略為佔優。

那霸至石垣線如果用JAL Explorer Pass 只需7,700日圓 (約$548)，但用ANA Experience JAPAN Fare就要11,000日圓 (約$783)。

所以大家可以視乎需要嘅航線同埋航班時間，上返對應嘅航空公司官網買返適合自己嘅pass！

至於個pass有幾好用呢？
舉個例子，如果小編想由大阪去青森，呢條航線無廉航營運，坐新幹線過去嘅話，就要先去東京轉車先去到青森，車程約六小時，要26,000日圓 (約$1,850)！如果用以上兩款pass嘅話，連附加費只需5,930日圓 (約$422)，個半鐘就飛到去喇。價錢差成四倍幾！

仲可以去到一啲比較冷門嘅二三線城市，如新瀉、山形添，玩盡日本無難度！而就算係廉航有營運嘅路線，如東京去大阪關西，JAL同埋ANA優惠價錢同埋廉航差唔多，但性價比高好多，仲包咗2件23KG行李，時間選擇上亦多好多。真係完全無得輸啊！

---

購買流程

【JAL日本航空】

1. 首先去到官網內陸機優惠頁面，按入搜尋及預訂航班

1. 之後入返想飛的航線同埋日期時間，好似小編今次就搵下年2月22日，下午時間東京飛大阪

3.揀返心水航班 (超多航班任揀！)

1. 確認一次價錢同埋航班就可以俾錢架喇！(羽田及關西機場需加收額外附加費)

【ANA全日空】

1. 同樣首先去到官網內陸機優惠頁面，按入搜尋及預訂航班

1. 入返想飛的航線同埋日期時間，一樣搵返下年2月22日，下午時間東京飛大阪

1. 揀心水航班

1. 確認一次價錢同埋航班就可以俾錢架喇！

出發果時記得帶齊護照，同埋來回日本機票的憑證俾地勤睇啊！

---

小貼士

1. 用Pass買嘅內陸機行李跟國際線標準，即包2件23kg行李！

2. 張飛可儲到少少里數，如果買日航pass可以儲落one world嘅里數計劃度，如果買ANA Pass可以儲返落Star Alliance嘅里數計劃度。

3. 想豪少少嘅話，可以係check in嘅時候加1,000日圓申請升級去business，只要有位基本上就up到，少付出大享受！

4. 來回羽田、成田、伊丹、關西、新千歲、中部、仙台及北九州機場等機票需附加旅客服務設施使用費，大家要留意喇。