 上边系广东人形容一个人嘅社会职业时候，经常用到嘅四个字，分别指代唔同性别年龄层嘅人。 “XX佬”：成年男子嘅社会职业 “XX婆”：成年或年老妇女嘅社会职业 “XX仔”：年轻男性嘅社会职业 “XX妹”：同辈或年轻女性嘅职业 掌握咗呢四个字，系咪就等于知道粤语之中所有职业嘅表达？ 未必，粤语之中有好多职业嘅特殊叫法，就算系广州人嘅你都可能唔知道。 大部分广东人都知道下面嘅职业  但可能未必明白呢啲职业又系点解！ 差佬、差婆  解析：指代男警察、女警察，香港开埠后曾经揾印度人做警察。香港人叫印度人做“阿差”或“嚤啰差”'，印度籍贯警察就被叫做'差佬'，后来'差佬'就成为警察嘅代名词 三行佬  解析：旧社会广东嘅三行佬指泥水佬、斗木佬、搭棚佬，佢哋多来自社会草根，文化程度较低，工种粗重辛苦，大多不拘小节，顺口开河，满嘴粗言。 执仔婆  解析：唔系通街执仔嘅阿婆，而系指旧时接生婆，系咪觉得呢个翻译通俗简单又直接粗暴 妹仔  解析：大户人家嘅丫鬟、婢女，呢个睇过港剧嘅人都唔会陌生啦。 马仔  解析：喽啰、手下 咖啡妹  解析：香港女交通辅警，因为制服系咖啡色，所以俗称咖啡妹 住年妹  解析：年轻女佣，旧时过去香港打工嘅自梳女 仲有下边呢啲粤语特有嘅职业！ 二叔公  解析：当铺嘅老柜员，因为年纪大，且长收买二手物品，所以被戏称为“二叔公” 大妗姐  解析：广东婚庆场合跟随新娘嘅临时使妈，负责服侍新娘、安排结婚礼俗、指引新人拜堂洞房等 临记 解析：片场嘅临时演员 而讲到粤语之中，最独一无二嘅职业，肯定非港剧三天王莫属！！！ 菠菜莲 卖鱼胜 猪肉荣 试问有边个唔服！ 唔服，我哋喺评论区一战！ |
|
|
