|
无线一直有播处境喜剧嘅《爱·回家》系列，因为剧情诙谐轻松受到好多人嘅追捧，每晚都要睇。来到新一辑《爱·回家之开心速递》，笑料依然不断。 最近出现喺剧中嘅拜金港女Mandy，个性鲜明，而佢可能大家都唔会陌生，佢就係谢芷伦。 作为近年冒起嘅女新人，模特出身嘅谢芷伦参加过14年港姐，拍过唔少网剧微电影嘅佢有住丰富嘅演戏经验。 小编对佢最早嘅印象可以追溯到15年HKTV嘅《大众情性》，作为一位专业教授演得好自然。 而上一辑《爱·回家之八时入席》，谢芷伦都有份演出，一身office lady打扮配上强烈嘅港女气质，认真抢戏。 旧年台庆剧《幕后玩家》，谢芷伦再演拜金女，入型入格，观众睇见都火。 除此之外，谢芷伦喺其他方面都有一手，譬如擅长长跑同跨栏，钢琴8级，4岁开始学芭蕾舞，除咗广东话，识讲流利英文、国语、日文。 形象咁正面健康，无线当然要俾足机会佢去发挥，睇惯无线一线花旦嘅你哋，可以转下目光留意下谢芷伦发围啦。 本文由TVB剧透社（ID：tvbjts）Peter原创发布，部分图文整理自互联网 商务合作QQ/微信：24502371（注明合作） 最新剧集《赌城群英会》《踩过界》就在公众号：夜听港剧 |
|
|
