【原】人品是一个人最好个底牌

沪语朗读：冯济民

人品是一个人最好个底牌

节选自书法道

改编：丁迪蒙

朗诵：冯济民

一个人真正个资本，勿是美貌，也勿是金钱，而是人品。人品是生活个通行证，辣辣冷峻又多变个时代，人品是彼此之间心灵个最后个依赖。

好个人品是一个人最宝贵个财富，伊构成了人个地位搭仔身份，是一个人真正个最高学历，是每个人个黄金招牌。

一个单位，无论管理制度有多少严谨，一旦用了个品德有问题个人，搿就像有只深水炸弹辣身边，随时随地侪有可能拨引爆。

大家想想看，一个企业，假使有人天天辣动脑筋挖公司个墙角，搿个人可以用伐？一个邪气有能力个人假使人品出了问题，勿就是能力越大而反作用越大了嘛？

所以讲，可以没学位，但勿可以没学问，更加勿可以没人品。人品是最高个学位，德与才个统一再是真正个智慧，真正个人才

有个年轻人有趟去个单位面试，突然之间，有个衣着朴素个老头子冲上来：“啊呀，我总算寻到侬了，上趟子辣公园里向，侬拿我勿小心落到湖浜里去个囡儿救上来个！谢谢侬，谢谢侬噢！”

“先生，侬认错人了！侬个囡儿勿是我救个！”年轻人邪气诚恳个讲。“是侬，就是侬呀，我勿会得看错个！”年轻人只好去做解释：“真个，真个勿是我！搿只公园我到现在也没去过呀！”听到搿搭，老人松开手，有眼失望：“噢，葛末是我认错脱人了。”

年轻人接到了录用个通知书。

有一日天，伊又碰到了伊个老人，看到老人伊邪气关心，主动去打招呼：“侬囡儿个救命恩人寻到了伐？”“没，一直没寻到！”年轻人搭同事讲起了搿桩事体。没想到个是，同事笑了：“伊是阿拉公司个总裁呀，囡儿落水个故事伊已经讲了勿晓得有得多少遍了，事实浪向，伊根本就没囡儿个！”“啥？侬辣讲啥？”年轻人觉着勿能理解。同事说：“阿拉总裁就是通过搿桩事体来拣人个，伊讲人品过关个人再是可靠个！”

当人品搭仔学识相辅相成个辰光，再会得让一个人走得更加高、更加远。好个人品是人生个荣耀，是一个人最宝贵个财富，伊构成了人个地位搭仔身份，伊是人信誉方面个全部财产。做事体要先做人，搿是从古至今勿变个道理。哪能介做人，勿仅仅体现了一个人个聪明才智，也体现了一个人个修养。勿管伊有多少聪明，伊多少来三，背景条件有得多少好，假使勿晓得哪能介做人，人品邪气差，葛末，伊个事业，伊个人际关系一定会得大受影响，因此，只有先做人，再能够做大事体。

图片来自网络