 沪语朗读：刘时医 蝸牛快遞（下） 作者：谢炜珞（香港儿童文学作家） 改编：丁迪蒙 朗读：刘时医 “我要做快遞員了！”小蝸牛拿伊个搿个決定讲拨了每一個經過伊身边个朋友。但是呢？大家侪勸伊快点放棄个搿个想法。 “侬可以奔得像飛一樣快？”小白兔讲好就馬上做了個示範，伊繞牢蝸牛跑了好幾只圈。 “侬有我搿能敏捷个身手伐？”“嗖”个一聲，小花貓爬到樹浪向去了。 “小溪横勒海，侬好背勒快件游過去伐？”“撲通”，小黃狗跳到小溪裏去，來回游了好幾趟。 小蝸牛看得来目瞪口呆，伊实在是没办法想像自家像兔子伊能介个奔；像貓咪搿能个爬；像小魚一样个勒水里向游泳。牠只好輕輕叫搖搖頭，再搖搖頭。 “侬搭我一樣爬得介慢，哪能可以去做快遞員呢？”烏龜爺爺撸撸小蝸牛个頭讲，“我看侬呀，算了伐！” “是个呀！算了伐！現在先拿書讀读好，等侬長大点了再讲伐！”媽媽輕轻个抱抱小蝸牛，用自家个觸鬚點了點伊个小鼻头。 小蝸牛只头低下来了，用邪气邪气低个声音讲：“真个勿来三啊？現在个科技介發達，真个呒沒辦法讓我像飛一樣地奔；像貓咪一样个爬；像阿魚伊能介游啊？真个就呒沒辦法想了？” 看到大伙侪勒搖頭、歎氣，小蝸牛真个老難過个。伊晓得自家成為快遞員个希望勿大，还可以讲搿个希望是邪气渺个，但是啊，伊真个勿想放棄脱。 所以呢，伊就开始勿停个想，吃飯个辰光想；走路个辰光想；睏覺个辰光想；就算是縮勒殼裏没啥事体做个辰光也勒勒想啊，想啊，想，咦，伊終於想出一個好辦法來了呀！ 伊去寻得来兩片芭蕉个大葉仔，又去寻来了四粒松果子，再寻來兩根樹枝搭仔一眼藤蔓，然後呢，就開始进行了拼拼湊湊个工作。過了好几天，伊終於造出来了一輛像船个車子。小蝸牛用鮮花拿車子佈置得邪气漂亮，伊還勒車身浪向寫了四個大字“蝸牛快遞”。 看看自家一手製造出來个“快遞車”，小蝸牛是邪气个得意呀！但是啊,勿管伊娜能推，哪能拉，搿部車子就是開勿起来，也勿晓得是啥地方出毛病了。 伊一次一次个試，試及交关辰光，再發現是伊根控制車速个樹枝出问题了。伊重新拿伊裝装好，好啦！車子終於可以發動了呀！小蝸牛拿車子開到了小河旁边，然後呢，拿伊根控制方向个樹枝摆到水裏向，哇！車子一记头就變成了一條小船，慢慢叫个勒勒河浜浪向走了。“哇！我成功了，我成功了呀。”小蝸牛开心煞了。 交关動物聽到小蜗牛勒喊，侪奔過來了，伊拉看見了搿只像車子一樣个船，侪觉着老老奇怪个，七嘴八舌讲了： “小蝸牛，搿是啥物事啊？” “小蝸牛，搿是用來做啥事体个呀？” “小蝸牛，侬啥辰光做了小小發明家啦？” …… 小蝸牛拿胸脯挺了挺，老老自豪个讲：“搿是我自家造出来个快遞車，伊勿单单可以勒小河浜里开，勒马路浪跑，海可以勒海浪向游，搿是我用來幫大家送快件个。” “真个啊？” “小蝸牛，我有之急件要送拨爺爺，伊是住在對面个山谷裏向个，侬可以幫我送過去伐？” “小蝸牛，我也有物事要送拨我个姑媽，侬搭我送过去好伐？” …… 点以下文字可以听到精彩回放： 图片来自网络 |
|
|
来自： 渺渺m69vnzsah9 > 《待分类》
