沪语朗读:俞镝 朗读者 山坡羊·潼关怀古 张养浩 原作:网络 改编、朗读:俞镝 推荐:丁迪蒙 峰峦如聚,波涛如怒,山河表里潼关路。望西都,意踌躇。 伤心秦汉经行处,宫阙万间都做了土。兴,百姓苦;亡,百姓苦! 【译文】 华山个山峰从四面八方会聚,黄河个波涛像勒勒发怒一样个汹涌。潼关外头有得黄河,里向有得华山,山河雄伟,地势险要。遥望古都长安,深深个思索。经过秦汉宫个遗址,引发了无限个伤感,成千上万间宫殿早已经化作了尘土。一朝兴盛,百姓要受苦;一朝灭亡了,百姓仍旧要受苦。 【赏析】 搿是元曲作家张养浩个散曲。是伊到陕西去救灾个辰光途经潼关所作个。搿首曲抚今追昔,从历代王朝个兴衰、更替,想到了人民百姓个苦难,一针见血个点出了统治阶层搭民众个对立,表现了作者对历史个思索搭仔对平民百姓个同情。搿种同情搭仔关怀个出发点是儒家经世济民个思想,勒传统个五言七言诗歌当中是比较常见个,但是勒元代个散曲当中却蛮少有个。 全曲采用个是层层深入个方式,由写景而怀古,再引发议论,拿苍茫个景色、深沉个情感搭仔精辟个议论搿三者完美个结合,具有强烈个感染力,字里行间当中充满勒历史个沧桑感搭仔时代感,既有得怀古诗个特色,又有与众勿同个沉郁风格。 往期回顾:
|
|
来自: 渺渺m69vnzsah9 > 《待分类》