 沪语朗读：周红缨 朗读者 冬去了春来，梦醒了花开 作者：张淑萍 改写、朗读：周红缨 指导、推荐：丁迪蒙 到底是春天来了。所以，阳光总归是带了一眼温暖，风呢，也勿再是搿能个刻薄，空气里向多了亲和个味道，天地之间已经浸透出了一丝丝柔软个光芒…… 参差勿齐个阡陌深处，已经慢慢苏醒个生命，再一次焕发出神秘个庄严，使根植于大地深处个情怀，勒向上拔出自家个高度搭仔自由。 总归觉着春天是适合幻想个。一场梦做醒了以后，应该是有忒多个情结需要去整理整理，应该有忒多个向往需要寻寻觅觅，应该有忒多个使命需要去背负…… 生命个心意，勒寒风凛凛个季节深眠之后，总归是渴望能有得一场盛大个奔放勒海人世间展示。以最真诚个情感，以最优美个姿态，还原拨世界一个，春暖花开。 “雪消门外千山绿，花发江边二月晴。”当寒风当中伊朵最漂亮个雪花悄悄叫离开个辰光，勒坚冰个深处，就是春水丛生个萌芽，像百音勒勒律动，轻轻叫个加进去了山水个弦音。 “时光容易把人抛，绿了芭蕉，红了樱桃。”勒寒风当中，红梅映醉了雪丛；春雨来了，千树万树梨花开了呀。 “秋来满山多秀色，春来无处不花香。” 时光个容颜，热烈得好像热天介个鲜花，璀璨得好比秋天介个果实，静谧得又像是冷天介个白雪，而只有春天个气息，总归是包裹了人间万象个全部意义搭仔使命。因为，伊是梦想个启航，伊让初新个生命勒阡陌浪向涤荡。 冬天介对于万物来讲，是一种蓄意搭仔储存。 “此中有深意，欲辩已忘言。”生命真正个意义大概就是搿能，勿经历秋风片片，哪能会得有得春雨个绵绵；勿经历过冬霜雪寒，哪能会得有得时光个温暖。因此，冬天是沉淀、也是历练，是深眠，也是衍变。伊肆意了凛冽个风笺，也缔结了春天个梦瓣。 冬去了春来，梦醒了花开。 “等闲识得东风面，万紫千红总是春。”春天毕竟是一个生长梦想个摇篮，草长莺飞，桃红柳绿；蝶舞蜂飞，燕回呢喃；风情雨意，云水缠绵。一个季节个独白，就是搿能个勿折勿扣。 春天好像是初阳柔美个光芒，好比是婴儿甜美个面孔，又像是池水莲影、深谷幽兰个容妆，勒看上去安静个性格里，已经孕育了万物个生长；看上去平和个气象中，却播种了生命个希望。 春有花容冬有梦，夏语一夜负秋风。山水一程，风雪几更，时光个脚步，拿岁月个身影越拉越长；生命个色彩，拿尘世个味道越涂越浓。日月交替，万事变迁，只有光阴个暗香常舒盈袖，只有飘荡个风云周而复始…… 我晓得，呒没一个春天是勿带了梦想绽放个。激荡了四个季节个故事，将要再一次勒新生个成长当中书写，演绎。生命个情结，大概侪是搿能个。 来易来，去易去，迭个春夏秋冬个千古情。 往期回顾：
|
|
|
来自： 渺渺m69vnzsah9 > 《待分类》
