 沪语朗读：丁宁 朗读者 寻个地方吃咖啡 作者：刘迪 沪语改写：丁迪蒙 诵读：丁寧 搿搭个咖啡是免费个，浓郁、道地。 午后，坐勒吧台旁边，各种肤色个人间歇走过，周围弥漫勒海咖啡个香醇，但是，搿搭并勿是咖啡馆，大家通常拿搿搭叫SH1。 进进出出个辰光，大家侪用好听个声音相互问候，无论是相识个还是勿认得个。假使侬想讲眼啥，也没人会得觉着唐突，因为大家侪心有灵犀：来搿搭勿就是搭人讲讲闲话嘛？侬可以告诉人家侬个名字，也可以问人家个名字，假使侬个单词量够大，尽可以谈侬想谈个，比方讲：侬个工作，侬个家庭，侬个爱好，侬个幸福搭仔侬个烦恼，也可以就一个话题展开谈论，譬如关于压力、美丽、健康、未来、梦想，侬可以讲简单个句子，也可以讲复杂个，水平自然有高有低，呒没关系，呒没人取笑侬，因为大家侪是搿能过来个，像幼童牙牙学语，从单词开始讲、到短语、长句。……最后，侬总归会得寻到搭侬旗鼓相当个同伴。 搿搭有各式各样个人，有在校个中学生、大学生，有待业个年轻人，有设计师、会计师、工程师、厨师、秘书、高管，也有家庭主妇搭仔银发老人，总之，侬勒听伊拉介绍自家个辰光，会得觉着搿个世界丰富而有趣。大家来此地个目的也是五花八门个，有个是为了工作，有个是为了旅游，有个是因为家庭新添了外籍人口，有个是为了预防老年痴呆，有眼单纯是因为对语言个偏好。 Winston单身，身材高挑，一口漂亮个英文，是SH1个老学员，大家侪欢喜搭伊交谈，伊也乐于纠正人家个错误。每当大家感谢伊个辰光，伊会得邪气绅士个讲：Mypleasesure（我的荣幸）。一句短语，让人家舒服，也让人窃喜。得到伊帮助个人应该勿少，所以大家侪愿意从伊伊面买护肤洗涤用品，并且相信伊个产品搭仔伊个口语一样纯正。据说Winston个日语脱英语一样流畅，伊个心愿是能够勒此地碰到一个讲双语个漂亮女生。 Holly，是个朴实开朗个女生，初到上海，便一头扎进了SH1，毫勿手软个付脱了邪气贵个学费，成了搿搭个终生学员。伊从山东农村来，上海是伊从小就向往个魔都，曾经拨过伊无限个想象。大学毕业以后打拼了几年，有了一些积累再来上海，伊呒没急于寻工作赚钞票，伊想包装设计一下自家个人生，伊要先提升自家，然后再开始崭新个生活。 Jenny是个满头白发个女人，退休以后，感觉美好个生活再刚刚开始。她邪气欢喜旅游，一本旧护照几乎盖满了印章。伊想提高旅游个质量，拿每一次旅行当成一次次个偶遇搭仔交流，让人生更加丰富大搭仔有趣。年纪大了，记忆力自然勿好，但呒没关系，可以一边学一边用起来，侬看，已经交关日脚勿看见伊了，听讲伊又到国外去旅游了。 Frank是一家五星级宾馆个大厨，刚来SH 1三个月，算是搿搭个新学员。Frank从内蒙古大草原来，是个有点忠厚也有点狂野个男生。伊个微信签名一目了然个展示了伊个个性：终于内心，颠覆世界。以邪气坦然个讲，走出草原到世界浪去看看，是伊从小个梦想。搿两天，伊勒朋友圈里搭大家讲，伊已飞回老家了，勒勒伊面办理护照，看来，搿个草原浪个男生看世界个梦想已经正式启动了，大家侪为伊点赞并且为伊祝福。 搿搭个人是五花八门个，有忙人，也有闲人。有普通学员，也有VAP、VVAP学员，有穿着休闲、素面朝天个，也有满身名牌个，但是，来此地个目的大部分邪气单纯——用自家勿熟悉个非母语讲述自家并且聆听人家。 有眼老学员尽管已经拿教材学光了，但是周末还会相约来到搿搭，开开心心个打过招呼以后，吃杯咖啡，聊聊有趣个所见所闻，听听新个话题，搿搭个英语角一直向新老学员开放勒海个……所以，勒搿搭蹲勒十年个学生也并勿少见。 到搿搭来个人，无论老小，看起来侪是外向搭仔开朗个，或者是因为另一种语言所赋予个夸张神态，总之，伊拉欢喜向别人展示自家，同时也关心人家，并且讲起闲话来是神采飞扬呀！ 当然咾，必须要补充一点，搿搭个咖啡虽然是免费个，自然，搿搭个学费也一定是邪气贵个。 推上海言话叙身边事体 究吴侬细语吟诗词歌赋 往期回顾： 图片来自网络 |
|
|
来自： 渺渺m69vnzsah9 > 《待分类》
