渺渺m69vnzsah9 / 待分类 / 人生最好个境界,是丰富个安静

分享

   

人生最好个境界,是丰富个安静

2020-12-29  渺渺m69vn...

沪语朗读:徐蔚华

朗读者

人生最好个境界,是丰富个安静

来源:禅是禅非

沪语指导:丁迪蒙

沪语改写、朗读:徐蔚华

著名作家周国平老师讲过: 每个人勒生命当中个某个阶段,是需要某种热闹个。搿个辰光,饱涨个生命力需要向外张开,去为自家寻条河道,确定个流向。但是,人勿能够永远停留勒搿个阶段。

随牢社会个发展,世界越来越闹猛,但随牢年龄个增长,大家却是越来越安静了。当然,安静勿是静止,勿是封闭得像井里向个死水,而是好比浩渺个湖泊,湖浜当中个水一直勒流转,而湖泊因为深,再使得湖面像镜子一样平了。

安静是种境界,伊是摆脱了外界虚名浮利个诱惑,看开了纷繁尘事个牵绊,放下了生活个辛苦搭仔吃力个纠缠,专注于内心世界个一种丰盈。

人生最好个境界,是丰富个安静。

清朝时期,乾隆皇帝有趟下江南,勒镇江金山寺,伊问高僧:长江里向个船来来往往,一日天到底要过多少只?

高僧回答:只有两只,一只为名,一只为利。

自古以来,无论贫富贵贱,侪免勿了要搭名利打交道。对待名利,勿同个态度搭仔取舍,暗示了勿同个人生。

 有人奔波劳累,追逐名利,到最后沦为欲望个奴隶,勒灯红酒绿个繁华浮躁当中,勒眼花缭乱个名利诱惑当中,好像拨金银打造个枷锁捆牢了,动勿得,呼吸勿了了。

 有些人,却能够摆脱物质诱惑,挣脱名利枷锁,随意看待虚名浮利,只享受内心个搿片净土。居里夫人就是搿能介个人。

伊第一趟获得诺贝尔奖以后,马上拿原来一百多只荣誉称号辞脱,专心研究,后来又获得了诺贝尔奖。

 有一日,朋友到伊屋里做客,看见伊个小囡儿勒白相英国皇家学会刚刚拨伊个金质奖章,邪气惊讶:“能得到搿个奖章是邪气高个荣誉,侬哪能拨小囡白相呢?”

 居里夫人微微一笑:“我想让伊从小就晓得,荣誉就像是白相干,只好白相相,勿好永远守牢伊,否则就会得一事无成。”

古人讲:非淡泊无以明志,非宁静无以致远。

人,只有内心清净安宁了,再能够勒诱惑之下坚守本心,获得“采菊东篱下,悠然见南山”个平和安逸,“明月松间照,清泉石上流”个清净自在,以及“闲看庭前花开花落,漫随天外云卷云舒”个舒坦闲适。

 一旦内心充满五光十色个虚名浮利,最终会拨外物所困,身体疲倦,心灵痛苦。堵塞贪念个洞眼,关闭欲望个大门,终生侪勿会拨是非烦恼困扰;一旦打开,就会让人一生勿得安宁。

贪欲永无尽头,内心永勿宁静。

尝尽人间百味,看遍世事繁华,终会发现,最美个是看开了纷纭世事缠绕个伊种身个轻松,是摆脱了虚名浮利诱惑个伊种心个宁静。

一个人,伊个心假使拨繁重个外物牵绊,就会变得疲惫勿堪,生命之舟,无法承载忒多个物事。

 可以勒纷繁复杂个世界里,看淡身外之物,静下心来去追求内心丰盈,生活素简个人,再是真正有境界个人。

美国作家梭罗,生活勒商业时代,交关人侪忙于做官,忙于吃、忙于追逐更加多的物质。

梭罗却是向往精神富足,只想寻个清净安宁个场所,安置自家个灵魂。

伊拿了把斧头跑到瓦尔登湖浜旁边个森林里,自家动手造了间简易个房子,自耕自食,过简朴个隐居生活。

打鱼,种豆,欣赏湖水,倾听鸟鸣,静心思考,安心写作,是伊生活个全部。勒优美个湖光山色,清新个碧水翠竹里,伊为世界奉献出了圣书《瓦尔登湖》。勒搿本书里,伊劝诫大家,一定要过朴素简单个生活,假使可以满足基本个生活所需,就可以好好叫享受人生。

伊勿是劝人家远离都市,而是鼓励阿拉简化生活,勿要拨外物迷惑,更加勿要拨焦虑搞乱内心个宁静。

人,只有放弃多余个物事,坚持简单淳朴个生活,保持精神世界个恬静富足,再好真正享受内心个轻松愉悦。

古话讲:家财万贯,日食勿过三餐;广厦千间,夜眠仅需六尺。人,越往后就越会发现,生活素简,内心丰盈,再是最好个生活境界。

……

图片来自网络

上海言话叙身边事体
吴侬细语吟诗词歌赋

往期回顾:

上海人个档次侪勒弄、里、坊、邨、楼里向

葱油饼

詩詞賞析——霜天曉角·桂花

“上海言话讲起来”旨在传播沪语,若有不当之处,敬请留言指正。

感谢您的支持转发,欢迎关注本公众号


    0条评论

    发表

    请遵守用户 评论公约

    类似文章 更多