 نېمە ئۈچۈن ئىچكىرى ئۆلكىلەردە ئادەتتىكىدەك كۆرۈنىدىغان بۇنداق ئىشلارنى تارقىتىشنىڭ ئاساسىي تېمىسى قىلىمىز، چۈنكى شىنجاڭدا مىللەتلەر ئارا تويلىنىش ئىلگىرىكى يىللاردا دىن ئەسەبىيلىكى ئىدىيەسىنىڭ ئېغىر توسقۇنلۇقىغا ئۇچراپ، ئىنتايىن بىنورمال بولۇپ قالغان، نۇرغۇن مىللەتتىن بولغان ئاشىق ـ مەشۇقلار، ئەر ـ خوتۇنلار ئايرىۋېتىلگەن، يەنە بەزىلىرى گەرچە قەتىي داۋاملاشتۇرغان بولسىمۇ، ئائىلە، جەمەت بۇنىڭغا يول قويمايدۇ. بۇنداق بىنورمال ھادىسىلەرنى ئوڭشاش ئۈچۈن، ھازىر پۈتكۈل جەمىيەت كۆڭۈل بۆلۈپ، ئىجابىي جەھەتتىن يېتەكلەپ، بىر ـ بىرىنى ياخشى كۆرىدىغان ياشلارنى رىغبەتلەندۈرۈپ، كىشەندىن باتۇرلۇق بىلەن قۇتۇلدۇرۇشقا توغرا كېلىدۇ. بۇ ئىشلار ھازىر خەۋەر، بۇنىڭدىن كېيىن خەۋەر بولماسلىقىنى ئۈمىد قىلىمەن، تەشۋىق قىلىشنىڭمۇ زۆرۈرىيىتى يوق. <ر< شىنجاڭ يەنىلا لاۋداۋ ئاچچىق سۇپىسى ئېلان قىلغان بىر قىسىم ئوخشىمىغان مىللەتلەر ئارىسىدىكى مۇھەببەت، توي توغرىسىدىكى ماقالىلەرنى قىسقىچەيىغىنچاقلاپ، بۈگۈن ئۇلاپ تارقاتتۇق توي قەسىرىگە قەدەم قويغان ياكى قەدەم بېسىش ئالدىدا تۇرغان ئوخشىمىغان مىللەتتىن بولغان 14 جۈپ ئەر ـ خوتۇن جاپالىق ۋاقىتلارنى بېسىپ ئۆتۈپ، ئۆزىنىڭ بۇ ئۆمرىدە ئەڭ ياخشى كۆرىدىغان ئادىمى بىلەنئاخىرىدا ھازىرقى بەختلىك تۇرمۇشقا ئېرىشتى ......بەلكىم ئۇلارنى چۈشەنمەيدىغانلار سورىشى مۇمكىن ...... نېمىشقا قارشى تەرەپنى ئالىسىز ياكى ياتلىق بولىسىز، جاۋابى ئەلۋەتتە ...... مۇھەببەت ئۈچۇن! مۇھەببەت ئوتى مىللەتنىڭ ئوخشىماسلىقى تۈپەيلىدىن ئۆچۈپ قالمايدۇ، ئۆرپ ـ ئادەت ئاسارىتىنى بۇزۇپ تاشلاپ، ئۆزىڭىز ئەڭ ياخشى كۆرىدىغان ئادەمگە ياتلىق بولۇڭ ...... كۆپچىلىكنىڭ ھەممىسى ئىككىمىزنىڭ كۆزىدە مۇھەببەتنىڭ كىچىك يۇلتۇزنىڭ بارلىقىنى كۆردى. ھەر قېتىم نۆۋەتچىلىك قىلغاندا بىزنى قەستەن بىر گۇرۇپپىغا ئورۇنلاشتۇرىدۇ ( گۈلزار ئايال ئۇيغۇر، ئەر خەنزۇ ) ئۇ ھەر قېتىم ماڭا مائارىپقا ياردەم بېرىش ئەترىتى نىڭ ھېكايىسىنى سۆزلەپ بەرگەندە، كۆزۈمدە مۇھەببەتنىڭ كىچىك يۇلتۇز بارلىقىنى جەزىملەشتۈرىمەن. بىر قېتىم قىزىتمام 40 گىرادۇسقا چىققاندا، ئۇ مەندىن بىر قەدەممۇ ئايرىلماي، ماڭا تىكىلىپ قاراپ تۇردى، تاماق يەپ بولغاندىن كېيىن ئاندىن ئېشىپ قالغان تاماقنى خالىغانچە ئىككى قوشۇق ئاغزىغا سالدى. شۇنداقلا شۇ قېتىم، ئۇ ماڭا يۈرەكلىك ھالدا كۆڭلىنى ئىزھار قىلدى. ئۇ ماڭا: ياخشى داۋالىنىڭ، ماڭا ئىشىنىڭ، بىز چوقۇم بىللە .بولىمىز، چوقۇم بەختلىك بولىمىز دېدى توي قىلىش ئەلۋەتتە مۇھەببەت ئۈچۈن. ( جايلاۋباي تۇرابەي ئەر قازاق، جۇ يەن ئايال خەنزۇ ) بۈگۈن، مەن توي قىلدىم! كېلىنچەك مېنىڭ تولۇق ئوتتۇرىدىكى مەكتەپدىشىم جوۋ يەن. مۇھەببەتلىشىشتىن توي قىلغۇچە، بىز سەككىز يىل ۋاقىت سەرپ قىلدۇق. بۇ يىلنىڭ بېشىدا، ئاتا ـ ئانام ماڭا ھەمراھ بولۇپ جوۋ يەننىڭ ئۆيىگە ئەلچىلىككە باردى. مەن يەنە تۆت ياشانغان كىشىنىڭ بىر يەرگە كېلىپ سەل ئوڭايسىزلىنىپ قېلىشىدىن ئەنسىرىگەنىدىم، ئويلىمىغان يەردىن ئۇلار قىزغىن پاراڭلىشىپ، ئوڭۇشلۇق ھالدا تويىمىزنىڭ ۋاقتىنى بېكىتىپ قويۇپتۇ. ئۇلارنىڭ ھەممىسى بىز تويدىن كېيىن بەختلىك ئۆتسەكلا، ئۇلارنىڭ ھېچقانداق پىكرى يوق دەيدۇ. مېنىڭ يۇرتۇمدا بەزى تۇغقانلىرىم ئۇششاق گەپ قىلىشقا ئامراق، مەندىن نېمىشقا خەنزۇ قىزنى ئەمرىمگە ئالغانلىقىمنى سورايدۇ. بۇ مەسىلە ھەقىقەتەن كۈلكىلىك ئىكەن، توي قىلىش ئەلۋەتتە مۇھەببەت ئۈچۈن. (ئەر، تاڭ پېڭ، ئايال، تۇرانگۈل جاپپار، قىرغىز ) 2019ـ يىلى 1ـ ئاينىڭ 2ـ كۈنى تاڭ پېڭنىڭ ھاياتىدىكى ئەڭ گۈزەل، بەختلىك بىر كۈن. بۇ كۈنى، ئۇرۇق ـ تۇغقان، دوست ـ بۇرادەرلىرىنىڭ بەخت تىلىشى بىلەن، ئۇ بىر يىل مۇھەببەتلەشكەن قىز دوستى تۇنا بىلەن توي خېتى ئېلىشقا تىزىملاتتى. تۇنجى قېتىم تونۇشۇپ، ئىككىيلەن 25ـ نومۇرلۇق خەلققە قولايلىق ساقچى ئىشلىرى پونكىتىدا خىزمەت قىلدى. ئادەتتە خىزمەتتە ئۆزارا ماسلىشىپ، كۆپ ئۇچراشقاندىن كېيىن، تاڭ پېڭ كۈلۈمسىرىشى تاتلىق قىرغىز قىزىنى ئاستا ـ ئاستا ياخشى كۆرۈپ قالدى. تاڭ پېڭنىڭ ئاتا ـ ئانىسى ۋە ئۇرۇق ـ تۇغقانلىرى بۇ مۇلايىم، چىرايلىق قىزنى ناھايىتى ياخشى كۆرىدۇ. لېكىن تۇرانگۈلنىڭ ئاتا ـ ئانىسى ئۇ ئىككىسىنىڭ توي ئىشىغا قوشۇلمىدى. شۇنىڭ بىلەن ھەر قېتىملىق بايرام، دەم ئېلىش كۈنلىرىدە، تاڭ پېڭ تۇرانگۈلنىڭ ئۆيىگە بېرىپ، ئاتا ـ ئانىسىغا ياردەملىشىپ كۆكتات سېتىۋېلىپ، تاماق ئېتىشىپ بېرىدۇ، دېھقانچىلىق ئىشلىرىنى قىلىدۇ، يەنە ئۇلارغا ھەمراھ بولۇپ پاراڭلىشىدۇ. تاڭ پېڭنىڭ سەمىمىيىتى ۋە قەيسەرلىكى ئاخىرى تۇرانگۈلنىڭ ئاتا ـ ئانىسىنىڭ كۆز قارىشىنى ئاستا ـ ئاستا ئۆزگەرتىپ، تاڭ پېڭنىڭ قىزىغا بولغان ھەقىقىي مۇھەببىتىنى كۆردى، بىر ئائىلە كىشىلىرى ئاخىرى تاڭ پېڭنى قوبۇل قىلدى، سىچۈئەنلىك يىگىت بىلەن قىرغىز قىزنىڭ مۇھەببىتى ۋەتەننىڭ غەربىي چېتىدە پورەكلەپ ئېچىلدى. ( جاھاننى مالىمان قىلغان يالماۋۇز ئايال خەنزۇ، ئەر موڭغۇل ) ئۇنىڭ يۈزى بەك نېپىز، مۇھەببىتىنى ئاز كۆز ـ كۆز قىلىدۇ، رومانتىك ئەمەس، ھېسسىيات بۆلۈنمىسى تۆۋەن. لېكىن تۇغۇلغان كۈنۈمدىن ئىككى كۈن بۇرۇن، ئۇ بىر توپ دوستلىرىنى تاماققا چاقىرىپ ناخشا ئېيتىپ، مەن تەمتىرىتىپ قويغان ئەھۋالدا ماڭا توي تەكلىپى قويدى. ھازىر بوۋاق ئەمدىلا بىر ياشلىق تۇغۇلغان كۈنىنى ئۆتكۈزۈپ بولدى. ئۇنىڭغا ياتلىق بولۇشقا بەل باغلاشنىڭ سەۋەبى پەقەت ئىككى خەت سەمىمىيلىك. ( ۋاڭ يۈئەنجيەن ئەر، خەنزۇ، ئۇيغۇر ) مەن ئۇنى ياخشى كۆرۈپ قالدىم، ئاران تەستە غەيرەتكە كېلىپ كۆڭلۈمنى ئىزھار قىلسام، ئۇ دائىم ئۆزىنى قاچۇرۇپ، ئەزەلدىن ئىجابىي ئىنكاس قايتۇرمىدى. مېنىڭ يۈزۈم قېلىن بولسا كېرەك، مۇز تاغ گۈزىلىنى ئېرىتىۋەتتى. ئۇنى تۇنجى قېتىم ئۆيگە ئېلىپ كەلگەندە، ئاتا ـ ئانام بۇ چىرايلىق كېلىننى ياخشى كۆرۈپ قالدى. مۇھەببەتتە رايون، مىللەت ئايرىمىسى يوق، سۆيگەندىن كېيىن ۋاز كەچمەيمەن. ئۇ خۇددى قامۇستەك ماڭا مۇھەببەتنى ئۆگەتتى ( ئىسمىنى ئاشكارىلاشنى خالىمىغان ئايال موڭغۇل، ئەر خەنزۇ ) ئۇ ماڭا بەك كۆيۈنىدۇ، دائىم مېنى ھەيران قالدۇرىدۇ. گەرچە ئۇ بىلىملىك، مەزكۇر قامۇسقا ئوخشاپ كەتسىمۇ، ئەمما مىجەزى ناھايىتى تارتىنچاق بولۇپ، دوستلىرىنىڭ ئالدىدا ئامراقلىقىنى كۆز ـ كۆز قىلىشنى ياقتۇرمايتتى. كېيىن ئۇنىڭ كىنوخانىدەك ئاممىۋى سورۇندا ماڭا توي تەكلىپى قويۇشى ئاسانغا توختىمىدى. يات يۇرتتىكى مۇھەببەتنىڭ ھەممىسى بەرداشلىق بەردى. يەنە قورققۇدەك نېمىسى بار ( قار ئايال خۇيزۇ، ئەر ئۇيغۇر ) ئۇ كۆپچىلىكنىڭ خۇشاللىق مېۋىسى، بىلىمى مول، ئاكتىپ كۈچكە تولغان. ئۇ بار سورۇندا مەڭگۈ سوغۇق بولمايدۇ. ئىلگىرى باشقا يۇرتتا تۇرۇپ مۇھەببەتلەشكەندە، ھەر ھەپتىنىڭ ئاخىرى مەيلى بوران چىقسۇن ياكى يامغۇر ياغسۇن، ئۇ نەچچە سائەت پويىزغا ئولتۇرۇپ قايتىپ كېلىپ ماڭا ھەمراھ بولاتتى. ئۇنىڭ ئالدىدا مەن ئەڭ ھەقىقىي ئۆزۈم بولالايمەن، ھېچقانداق يوشۇرۇشۇم يوق. ( ئايال ئۇيغۇر، ئەر قازاق ) بىزنى دوستىمىز تونۇشتۇرغان. ئۇنىڭ يېشى مەندىن نەچچە ياش چوڭ، شۇڭا ئادەتتە ماڭا بەك كەڭ قورساق، ماڭىمۇ بەك كۆيۈنىدۇ. ئاساسىي جەھەتتىن ھالىدىن ئەتراپلىق خەۋەر ئالغان ھېسابلىنىدۇ. ھازىر بىزنىڭ بالىمىز بار بولدى، سۆيۈلۈش تۇيغۇسى بەك بەختلىك. بۈگۈنكى كۈندە مۇھەببەت جەمىيەتنىڭ تەدرىجىي ئېچىۋېتىلىشى سەۋەبلىك قارشىلىق كۈچى ئازىيىۋاتىدۇ، ئەمما پېشقەدەملەرنىڭ مۇھەببىتىنىڭ تاتلىقلىقى ئىچىدە تېخىمۇ كۆپى جاپالىق، ئەمما بۇ بەخت ئاسان قولغا كەلمىگەن، شۇڭا ئۇلار تېخىمۇ قەدىرلەيدۇ. سودا ئەڭ قىيىن ۋاقىتتا ئۇ ھازىر شىنجاڭ ئۇسسۇلى ئويناشنى ئۆگىنىپ خېرىدارلارنى جەلپ قىلدى. ( جۈمە ئەر ئۇيغۇر، ئايال خەنزۇ ) 19 ياش ۋاقتىمدا مەن ۋۇخەنگە بېرىپ مۇساپىر بولغان. بىر قېتىم مەست بولۇپ قېلىپ، باشقىلارنىڭ ئاشخانىسىدا قۇسۇۋەتسەم، بىر مۇلازىمەتچى مەندىن بىزار بولمايلا قالماي، ماڭا ئىسسىق سۇ قۇيۇپ بەردى، ماڭا ئىسسىق لۆڭگە سۇنۇپ بەردى. كېيىن مەن ئۇنى مەن پىشۇرغان كاۋاپنى يېيىشكە تەكلىپ قىلدىم، كېيىن ئۇنى ئەمرىمگە ئالدىم. ئۇ ماڭا ئەگىشىپ نۇرغۇن شەھەرنى ئايلاندى. سودا ئەڭ قىيىن ئەھۋالدا قالغاندا، ئىككىمىز ئامالسىز شىنجاڭ ئۇسسۇلى ئويناپ خېرىدار جەلپ قىلدۇق. ھازىر ۋۇخەندە ئولتۇراقلىشىپ قالدۇق، ئىككى ئوغلۇم بار. ئۇنىڭ مۇھەببىتى مېنى ھازىرغىچە تىرەپ كەلدى. ئۇ ماڭا مۇنداق دېدى: ئاخىرغىچە بەرداشلىق بېرىڭ بۇ يىل 8ـ ئايدا يارىشىۋېلىش مۇراسىمى ئۆتكۈزدۇق ( مەريەم ئايال ئۇيغۇر، ئەر خەنزۇ ) ئېرىم بىلەن ئىككىمىز ئوتتۇرا مەكتەپتە بىر سىنىپتا ئوقۇغان، گۈل پەسلىدىكى يامغۇر پەسلىدە مۇھەببەت مانا مۇشۇنداق بىخ سۈردى. ئوغرىلىقچە مۇھەببەتلەشكەندە پەقەت ئاكا ـ ئۇكىلىرىمىزغا ئېيتىشقا جۈرەت قىلىپ، ئادەتتىكى كىشىلەر تەسەۋۋۇر قىلالمايدىغان نۇرغۇن جاپا ـ مۇشەققەتلەرنى باشتىن كەچۈرۈپ ئاندىن توي قىلدۇق. كېيىن ئەتىۋارلىق قىزىم بار بولدى، لېكىن بۇ كىچىك ئائىلە يەنىلا ئۆسەك سۆزلەر بىلەن قاپلاندى. بۇ يىل بىز يارىشىۋالدۇق، مەندىن نېمىشقا قەتىي تەۋرەنمەي ئۇنىڭغا ياتلىق بولىدىغانلىقىمنى سورىدى؟ چۈنكى چۈشەنمىگەن ۋاقىتتا، بىز قۇچاقلىشىپ ئۇزاققىچە يىغلىدۇق. ئۇ ماڭا: بەرداشلىق بېرىڭ، ئاخىرغىچە بەرداشلىق بېرىڭ!
يوشۇرۇن مۇھەببەتلىشىشنى يەتتە يىل داۋاملاشتۇرۇش ئۇلار ئاخىرى مۇھەببەتنىڭ جەۋھىرىنى كۈتۈۋالدى ( ئا يەن داۋۇت ئايال قازاق، ئەر خەنزۇ ) مېنىڭ دادام قازاق، ئانام ئۇيغۇر، ئېرىم مۇ شياۋبىڭ خەنزۇ. چۈنكى ئاتا ـ ئانامنىڭ مىللىتى ئوخشىمايدۇ، ياش ۋاقتىمدا ھېسسىيات جەھەتتە ماڭا نۇرغۇن قىيىنچىلىقلارنى ئېلىپ كەلگەن، بىر نەچچە يىل ئارىلاشقان ئۇيغۇر ئوغۇل دوستۇم دادام قازاق بولغاچقا ئايرىلىپ كەتكەن؛ قازاق مىللىتىنى ئىزدىسەم، قارشى تەرەپ يەنە ئانام ئۇيغۇر بولغانلىقى ئۈچۈن مەندىن يىراقلاپ كەتتى. مەن مۇھەببەتتىن ئۈمىد كۈتمىگەن ۋاقتىمدا، بىر خەنزۇ يىگىت ماڭا ناھايىتى كۆڭۈل بۆلۈپ، ئاستا ـ ئاستا بىر ـ بىرىگە قىزىقىپ قالدى. بۇ يىگىت مېنىڭ ھازىرقى يولدىشىم مۇشاۋبىڭ. بىز بىللە بولساقمۇ نۇرغۇن توسقۇنلۇققا ئۇچرىدۇق، لېكىن ھازىر بىز توي قىلىپ بولدۇق ھەمدە بىر ئوماق ئوغلىمىز بار. ئاتا ـ ئانا بولۇش سۈپىتىمىز بىلەن، بالىلىرىمىزغا ئۆزىنىڭ قايسى مىللەت ئىكەنلىكىنى بىلدۈرۈشتىن بۇرۇن، ئۆزىمىزنىڭ ئالدى بىلەن جۇڭخۇئا مىللىتى ئىكەنلىكىمىزنى بىلدۈرۈشىمىز كېرەك.
17 يىل، 6000 كېچە ـ كۈندۈز ئامانگۈل بىلەن جاڭ شۆجۈن ئاخىرىدا خۇشاللىققا ئېرىشتى. ( ئەر خەنزۇ، ئامانگۈل قۇۋان ئايال ئۇيغۇر ) 2016ـ يىلى 3ـ ئاينىڭ 8ـ كۈنى ھاياتىمدىكى ئەڭ بەختلىك بىر كۈن بولدى. بۇ كۈنى مېنىڭ ئارزۇيۇم بويىچە 17 يىل مۇھەببەتلەشكەن ئوغۇل دوستۇم جاڭ شۆجۈن بىلەن توي قەسىرىگە قەدەم قويدۇم. ئىلگىرى ئەتراپتىكى كىشىلەرنىڭ پوزىتسىيىسى تۈپەيلىدىن، بىز ئاممىۋى سورۇنلاردا بىللە پەيدا بولۇشقا جۈرەت قىلالمايتتۇق، مەن ئۇنىڭ بىلەن بىللە بازار ئايلىنىشقا جۈرەت قىلالمايتتىم، ئۇنىڭ بىلەن بىللە سەيلە قىلىشقا جۈرەت قىلالمايتتىم، ھەتتا سىرتقا چىقىشتىن بارغانسېرى قورقىدىغان بولۇپ قالدىم، ئەتراپتىكى غەيرىي قاراش ۋە ئۆسەك سۆزلەردىن قورقىدىغان بولۇپ قالدىم، ئۇلارنىڭ سۆزلىرى خۇددى پىچاقتەك ئىدى. لېكىن بىز باشتىن ـ ئاخىر بۇ مۇھەببەتتىن ۋاز كەچمىدۇق، ھەممىمىز ئۈن ـ تىنسىز بىر ـ بىرىمىزگە ئىلھام بېرىپ، ئۆزگىرىپ تۇرۇۋاتىمىز. ئۇزۇنغا سوزۇلغان كۈتۈشنى ئاخىرلاشتۇرغاندىن كېيىن، بىز كۆپچىلىككە يۇقىرى ئاۋازدا: مۇھەببەت مىللەت ئايرىمايدۇ، بىزنىڭ بۇ ئۆمرىمىزدىكى ئەڭ چوڭ بەختىمىز بىر ـ بىرىمىزنى ئۇچرىتىش. بۈگۈنكى كۈندە مەن ئوخشىمىغان مىللەتتىن بولغان نۇرغۇن ياشنىڭ مۇھەببەت ھېكايىسىنى ئاڭلىدىم، ئۇلارنىڭ مۇشۇنداق بىر چوڭ مۇھىتتا ياشاۋاتقانلىقى، توينىڭ تۈرلۈك دوگمىلارنىڭ ئاسارىتىگە ئۇچرىمايدىغانلىقى، ئەركىن مۇھەببەتلەشسە بولىدىغانلىقىغا بەكمۇ ھەۋەس قىلىمەن. ھەر بىر قىزنىڭ ئەڭ گۈزەل يىللاردا مۇھەببەتكە ياتلىق بولۇشىنى ئۈمىد قىلىمەن.
22 يىلدا كىشىلەر ئارىسىدىكى ئىسسىق ـ سوغۇقنى باشتىن كەچۈرگەندىن كېيىن، ما يوۋگو بىلەن تۇراخان مۇھەببەتلىك باھارنى كۈتۈۋالدى ( ئەر خۇيزۇ، ئايال ئۇيغۇر ) 96ـ يىلى ئەتىيازدا، ما يوۋگو بىلەن تۇراخان كورلىدا ئىشلەمچىلىك قىلدى، ئىككىيلەن نەشپۈت شەھىرى دە تاسادىپىي ئۇچرىشىپ قالدى. ناتونۇش شەھەردە بىر ـ بىرىنىڭ ھالىدىن خەۋەر ئېلىپ، بىر ـ بىرىنى ئىسسىتىپ، ناھايىتى تېزلا مۇھەببەت دېڭىزىغا غەرق بولىدۇ. ئەمما، ئىككىيلەن چەكسىز خۇشاللىق بىلەن تۇراخاننىڭ ئۆيى تۇرۇشلۇق يېزىلىق ھۆكۈمەتكە بېرىپ توي قىلىشقا تىزىملاتقاندا، خەلق ئىشلىرى كادىرىنىڭ ئالىيىپ قارىشى ۋە مەسخىرە قىلىشىغا ئۇچراپ، ئىككى ئادەمنىڭ مىللىتى ئوخشىمايدۇ دېگەننى باھانە قىلىپ توي قىلىشقا تىزىملاتمىغان. ئامالسىزلىقتىن، ئىككىيلەن ئامالسىز يۈز چاقىرىم يىراقلىقتىكى ناھىيە بازىرىنى ئايلىنىپ يۈرۈپ ئاران توي خېتى ئالدى. بەلكىم دەل بەك كۆپ ئازاب ـ ئوقۇبەت ۋە ئازاب ـ ئوقۇبەتلەرنى ئورتاق باشتىن كەچۈرگەچكە، بىر ـ بىرىگە بولغان ھېسسىياتى بارغانسېرى چوڭقۇرلاشقان بولۇشى مۇمكىن. 17 يىل قىشتا، ما يوۋگونىڭ مېڭىسىگە تۇيۇقسىز قان چۈشۈپ ئوپېراتسىيە قىلىندى، ئوپېراتسىيەدىن كېيىن ئانچە چاققان ھەرىكەت قىلالمىدى، تۇراخان ئۇنىڭغا ئىزچىل ھەمراھ بولدى. تويدىن كېيىنكى 20 نەچچە يىلدا، ئۇلار تۇرمۇشنىڭ بوران ـ چاپقۇنلىرى، تەقدىرنىڭ ئەگرى ـ توقايلىقلىرىنى باشتىن كەچۈرۈپ، باشتىن ـ ئاخىر ئىناق ـ ئىتتىپاق ئۆتۈپ، بىر ـ بىرىدىن ئايرىلماي، بىر ـ بىرىگە يار ـ يۆلەك بولدى.
ئۇرۇق ـ تۇغقانلىرىنى كەمسىتىشتىن ساقلاش ئۈچۈن بۇ بىر جۈپ ئۇيغۇر ـ خەنزۇ ئەر ـ خوتۇننىڭ قېچىپ يۈرگىنىگە 34 يىل بولدى. ( نيۇ شۆجۇڭ ئەر خەنزۇ، تۇرنىساخان ئوسمان ئايال ئۇيغۇر ) ئۇ چاغلاردا دادام شايار تۈرمىسىدە ئىشچى ـ خىزمەتچى بولۇپ ئىشلەيتتى، ئۇ ئانا ـ بالا ئىككىمىزنىڭ تۇرمۇشىنىڭ تولىمۇ بىچارە ئىكەنلىكىنى كۆرۈپ، تۇرمۇشتا بىزنىڭ ھالىمىزدىن توختىماي خەۋەر ئالدى، ئاستا ـ ئاستا بۇ ئىشچان، پۇختا، ئەستايىدىل ئەر تۇرمۇشىمىزغا سىڭىپ كىردى. 1984ـ يىلى 11ـ ئاينىڭ 12ـ كۈنى دادام بىلەن ئاپام بىرلىكتە توي خېتى ئالغان، بىز بىر ئائىلە كىشىلىرى بولدۇق! پۈتكۈل ئائىلە بەختنىڭ قورشاۋىدا قېلىش بىلەن بىر ۋاقىتتا، بىر قىسىم يامان نىيەتلىك كىشىلەر سوغۇق زوراۋانلىق ئىشلىتىشكە باشلىدى بىر مەھەل ئائىلىمىزنى ۋەيران بولۇش گىردابىغا ئاپىرىپ قويدى، ئاتا ـ ئانىمىز بىللە ماڭغاندا باشقىلار ئەيىبلەپ كەتتى، يەنە تېخىمۇ ھەددىدىن ئېشىپ ئۇلارغا تۈكۈرۈپ، خالىغانچە ھاقارەت قىلدى، ئاكام ئىككىمىزمۇ قۇتۇلالمىدۇق، ئەسلىدە ناھايىتى ياخشى ئوينايدىغان دوستلىرىمىزمۇ بىز بىلەن بېرىش ـ كېلىش قىلىشنى خالىمىدى. ئاكام بىلەن مېنى باشقىلارنىڭ كەمسىتىشىگە ئۇچراتماسلىق ئۈچۈن، دادام ئاپامنى بىزنى ناھىيە بازىرىغا ئاپىرىپ تۇرغۇزۇشنى قارار قىلدى، ئۇ دېھقانچىلىق مەيدانىدا قالدى. شۇنىڭدىن كېيىن، دادام ھەر قېتىم دېھقانچىلىق مەيدانىدىن ئوغرىلىقچە ناھىيە بازىرىدىكى ئۆيىگە بېرىپ بىز بىلەن كۆرۈشتى، ھەر قېتىمدا نەچچە سائەتلا تۇرۇپ، يەنە ئالدىراپ ـ تېنەپ دېھقانچىلىق مەيدانىغا قايتتى. شۇنداق قىلىپ ئاتا ـ ئانام يوشۇرۇنۇپ يۈرۈپ 34 يىل ياشىدى. بەخت ئاستا ـ ئاستا يېتىپ كەلدى، 2018ـ يىلى 11ـ ئاينىڭ 27ـ كۈنى، مەن ئايالىم بىلەن ئاتا ـ ئانامغا ھەمراھ بولۇپ خەلق ئىشلىرى ئىدارىسىگە بېرىپ ئۇلارغا يېڭى توي خېتى ئالماشتۇرۇپ بەردىم، 30 نەچچە يىللىق تراگېدىيە ئاخىرى ئاخىرلاشتى، تېخىمۇ كۆپ ئوخشىمىغان مىللەت ئوتتۇرىسىدىكى بىرلىشىش ئېتىراپ قىلىش ۋە بەخت تىلەشكە ئېرىشتى. مېنىڭ كىچىك قىزىممۇ بىر خەنزۇ يىگىت بىلەن مۇھەببەتلەشتى، ئۇلار توي قىلىشقا تەييارلىق قىلىۋاتىدۇ. تەلەيلىك ئۇلار بىر ياخشى دەۋرگە ئۇلاشتى، بىز ھەممىمىز ئۇلارغا بەخت تىلەيمىز! ئىشىنىمەنكى، بوۋام ـ مومامدا يۈز بەرگەن ئىشلار ھەرگىزمۇ ئۇلاردا تەكرارلانمايدۇ!
دۇنيادا ئاشىق ـ مەشۇقلارنىڭ بىرگە بولۇشىنى تىلەيمەن ئازاب ـ ئوقۇبەتلىك مۇھەببەتنى باشتىن كەچۈرۈشنى خالايمەن ئەڭ گۈزەل قىياپەتتە پورەكلەپ ئېچىلماق ئازاب ـ ئوقۇبەتلەرنى باشتىن كەچۈرۈۋاتقان ئاشۇ مۇھەببەتلەرنىڭ چېچەكلەپ مېۋە بېرىشىنى تىلەيمەن چۈنكى ھاياتلىقتا ئۇچرىشىش ۋە قولدىن بېرىپ قويۇش تەكرارلىنىدۇ. بۇ تۈمەنلىگەن كىشىلەر ئىچىدە پەقەت بىرلا سىز پەقەت بىرلا مەن  |
|
|
