 寻找失落个音符 作者：周庆熙 改写：周红缨 推荐：丁迪蒙 牛年新春，我读作家俞娜华作品《精句》，邪气欢喜。文友宗褀晓得以后，又送我俞老师个一部诗集《寻找的音符》。 诗集是淡绿色个封面，构图写意。一只开勒海钢琴，占据大部分页面，封面右侧竖排书名“寻找的音符”，也是白颜色个，飘荡勒初春个阳光中。象征遥远个天空个洁净。 诗人娜华业余爱好高雅，弹钢琴是爱好之一。搿飘向晴空个音符，是时代个强音。也是伊对美好生活个赞歌。诗集捧勒手里，耳朵边是伊个诗句：“各行其道，敬道顺道，道道畅通，背道而驰，累及其身”。迭个是作者宏扬个精神，也是诗集弘扬个旋律。 诗必须是发自内心个感受。诗人勒跋里指出：“因为涉及人个灵魂，是用人心勒剖析人心，自家勒忍痛书写个过程，难免让有良知个读者潸然泪下，我根本勿想是迭种结果，但是，凡负使命个，都是身不由己。” 诗集个作品涉及迭个时代个方方面面。但是物质搭精神个冲突，始终是诗人揪心个主题，作者寻找个是投入到人类失落个道德，精神，情操。寻找当代勿和谐个，失落个音符。 诗集个“选择”，拿搭生活密切相关个汽车提出思考，勒享受现代交通工具带来个便捷、舒适个辰光，勿仅有毁绿占地，邻里纠纷，更加严重个是尾气汚染、危害殃及子孙后代。诗人善于从日常生活中寻觅题材，难能可贵。 诗人勿反对人类追求幸福，但是，啥个是幸福呢？伊勒“沉思”当中讲： 幸福不是有钱/它/买不回许多/它/买不回纯真/它/买不到智慧/幸福不是拥有/它/是某种牺牲/天使心中的幸福/无罪无恶无邪/无愧的善心/才是人类/真正的幸福……那些/一直揉着美德/的人/是幸福的 当你有钱时/你习惯了/一掷千金揮霍/進出五星级宾/馆/每天四包中华……亲子/只有泡面/甚至饥饿……这样的有钱人，何异扵行尸走肉。 …… 勒诗集里有众多个篇幅，是对大自然个赞美搭仔向往。搿种崇尚自然，珍惜大自然个馈赠，带拨读者无尽个美个享受： 水之美在于/它泰然自若/它无欲无求/它教会人宽容/心宽才能宽自己 伊以第一人称写“春之花”： 你手在摘花瓣/折花枝/我也看不见/我从不计较/人类的行為 读了迭能个诗，不禁让勿文明个人类為之羞愧。 俞娜华是我伲生存个家园中个啄木烏，驱逐人类个贪腐，催生着美好个和谐社会。阅读伊个诗，是心灵个洗涤。 往期回顾： 图：网络 / 编辑：渺渺
|
|
|
来自： 渺渺m69vnzsah9 > 《待分类》
