|
  针对市民顶个关心个无症状感染者十只问题，解放日报·上观新闻记者邀请复旦大学附属中山医院重症医学科主任钟鸣教授、上海市疫情防控公共卫生专家组成员、复旦大学上海医学院副院长吴凡等教授专家解读。以下是@沪郊乡音 译写个松府口语版（非松江城区口语），用词兼顾云间忒本沪，使用本沪话（真如南）口音朗读。 1 无症状感染者几时好转阴性？ ●奥密克戎（au-miq-kheok-gnion）无症状感染者从只目即刻，目前，松江车墩、五里塘方言个临床治疗经验看来，转阴辰光忒轻型、普通型患者（vae-tse）呒啥垃本质区别，一般性要两个礼拜横里。勿过个别感染者6-7日天就转阴个，也勿好排除脱。 2 无症状感染者会得趟趟测出来阳性伐？ ●测出来阳性咾勿阳性，取决于两只关键因素。首先，排毒载量高唻有未；第二，采样方式科学伐。一般性话起来，病毒感染传染高峰期是疾病早期，目前采样核酸辰光多数是发病早期，故咾容易畀垃测出来阳性。 3 无症状感染者里向几许比例会得变成功确诊？ ●虽然确切比例还勿曾晓得，但是变异株勿同，无症状感染比例也会得勿同个，迭个是必定个。目前看下来，德尔塔（teq-gher-thaeq）病毒变异株侵袭下呼吸道概率高，奥密克戎变异株侵袭上呼吸道概率高，上呼吸道感染症状轻一段垃，忒德尔塔变异株淘比起来，奥密克戎变异株导致无症状感染者比例也相对高一段垃。 4 无症状感染者需要治疗伐？ ●目前，无症状感染者用勿着特殊治疗个。假使未来抗病毒个小分子药物上市，可能好针对无症状感染者使用个。目前感染者应该充分休息，豪稍恢复。 5 无症状感染者会得过畀垃别人家伐？ ●无症状感染者有传染力个。无症状意思里，单清对感染者没症状个，勿好直接衡量传染力。上海对无症状感染者同样要排摸密接、次密接、轨迹涉及场所忒风险人群个。 6 无症状感染者个传播途径忒确诊一样伐？ ●无症状感染者传播途径忒确诊病例一样个。具体包括直接传播、气溶胶传播、接触传播。直接传播，就是感染者打嚏打喷嚏、呛咳嗽、讲闲话个馋唾唾液，呼出来垃个气近距离直接吸进去，难末过着哉；气溶胶传播，就是飞沫混合垃空气里，形成气溶胶，吸进去著难末过着哉；接触传播，就是飞沫积垃物事表面，手接触著，再接触口腔、鼻腔咾眼睛迭排黏应读阴调，音频有误膜，难末过着哉。 7 上海迭枪无症状感染者多来，啥个道理？ ●无症状感染者加增，主要有得三个原因：头一个，新冠病毒从开始到难一歇勿停不断垃变异，传播性蛮强个，但是致病力垃下降，迭个整体趋势全球秃都好看见个；第二，大规模人群免疫接种好垃哉，疫苗接种为保护广大易感人群起到著邪重要个作用。倘忙万一过着哉，重症比例垃下降，轻症或者无症状比例垃提高；还有一个忒感染对象个免疫力也搭界个，后生年轻人群里向越加容易出现无症状情况。 8 上海针对无症状感染者有得啥个隔离措施？ ●上海判断无症状感染者是严格按照国家标准进行个，一旦无症状感染者畀垃诊断出来，要忒伊14日天隔离医学观察个，当中横里要做两趟核酸检测，只有连牢著两趟核酸检测阴性著，隔离医学观察才好忒伊解除脱。 9 无症状感染者加增，公共场合哪恁保护自家？ ●乘本字实为“趁”，这里借用公共交通忒电梯，一定要注意戴嘴套口罩的传统说法，家长也应该忒小囡嘴套戴好。办公场所注意开窗通风，现在天气勿比前头一枪冷哉，希望大家养成及时、定时、常庄经常开窗通风个好习惯。 10 除脱戴嘴套，平常辰光还有啥要注意好？ ●还有重要个措施是汏手，汏手三要素“第一肥皂、第二廿秒、第三用流动水”。转场个辰光，公共交通乘著，进办公室或者屋里去，要汏手；厕所上著要汏手；快递拿著要汏手；公共场合个物事广摸著要汏手。迭个应该成为伲平常生活当中自觉个习惯。 疫情终将过去，愿申城无恙。
沪郊乡音 上海地区乡土语言展示平台 业余打理，不定期更新 |
|
|
