 
 小壁虎在墙壁角落里抲蚊虫。一梗蛇咬牢了伊个尾巴，小壁虎用力一挣，挣断尾巴逃出来哉。 可惜无有（音：niu，合音）尾巴多少难看啊？小壁虎想问何谁去借梗尾巴呢？ 小壁虎爬啊爬，爬到一梗小河港旁边头， 伊看见梗小鱼在河里摇了尾巴游来游去， 小壁虎就问：“小鱼姐姐，侬个尾巴借拨我好伐？”小鱼话：“勿可以个， 我要用尾巴游泳个呢。” 小壁虎又爬啊爬啊， 爬到大树高头，伊看见老黄牛，摇了尾巴在树下底吃草，小壁虎就问：“牛伯伯，侬个尾巴借拨我好伐？”，老黄牛话：“勿可以个，我要用尾巴赶苍蝇个呢。 ” 小壁虎又爬啊爬啊，爬到屋檐下底，伊看见燕子摇了尾巴在空中飞来飞去。小壁虎就问：“燕子阿姨，侬个尾巴借拨我好伐？”燕子阿姨话：“勿可以个，我要用尾巴掌握方向个呢。” 小壁虎借勿着尾巴，心里老难过。伊爬啊爬啊就爬到屋里寻姆妈去哉。 小壁虎拨借尾巴个事体告诉了姆妈。姆妈就笑笑话：“侬哪介呆啦？侬踅过去张张看。”小壁虎转身一看高兴个叫了起来：“噫，我又生出梗新尾巴哉！” 改编&朗读：上虞|十一 排版：神死恸瞑  |
|
|
