【原】成语故事 | 滥竽充数

三门湾乡音 

从读音及变调习惯上来看，广义三门话的区域远远大于今之三门县域。宁海、象山的南部区域，临海东部诸镇及椒北地区，甚至天台东乡区域，这么一大片范围内的语言相似度极高，这也是本公众号名为“三门湾乡音”的原因。

滥竽充数

比喻没有真才实学个人混在行家里向充数，或者是用次品冒充好货。也好用作自谦之词。

【典故】

只故事出自《韩非子》，讲齐宣王中意听人家吹竽，亦死要面子，排场装来便大猛大。每次都有三百个人畀渠吹竽。他长讴箇三百个人同时吹。有一个南郭先生，竽一点也吹不来，听着箇事干，便去寻齐宣王，请求参加。齐宣王也不审查，便畀他编得吹竽队里向，工资开来也蛮高。竽一点也吹不来个南郭先生，每次碰着表演，便混里头，假假意装装。便箇之日加日混混，人家都不识渠吹不来。

等得齐宣王死爻，齐泯王上来。渠对齐宣王不样，不中意整大帮人和队吹，中意独个独个吹来畀渠听。南郭先生听讲箇之，连忙之紧逃逃爻，嚇无胆冒充爻。

【释读】
西方有句老话，便算两个人一时让你哄倒，你也不可能畀千万人一直都哄落去。南郭先生竽吹不来，便算范子装来越像，早迟也要让人家识得。

有人讲，只故事也说明南郭先生不懂利用良好个学习条件，我寔不同意个。你一点也不识得个人，一开口问，人家便听出来爻，万一有人告状呢？箇勿是寻死吤？