|
从读音及变调习惯上来看，广义三门话的区域远远大于今之三门县域。宁海、象山的南部区域，临海东部诸镇及椒北地区，甚至天台东乡区域，这么一大片范围内的语言相似度极高，这也是本公众号名为“三门湾乡音”的原因。
 王叔叔讲《三字经》第三期 王怀军 （听不懂之处，请留言咨询） 大家世人好！欢迎收听王叔叔讲《三字经》第三期。
养不教，父之过。 教不严，师之惰。 子不学，非所宜。 幼不学，老何为。 箇四句话啊，讲小人只养不教，是娘伯未做好。教书要求不严，是老师未做好。岁数轻个时节要多学点，从小不学，下套老来装何物去咛？
好，接落去我讲只小故事，题目是“周处改过除三害”。 周处，字子隐，东吴、西晋个大臣，东吴名将周舫个儿。周处屋里条件好，渠伯死来亦早，嚇便无人管教，日加日横行乡里，寻衅滋事。老百姓且便亦箇气亦箇㦜，路得得讲碰着，都避来远打远。
“净态”产品代理： 项女士135 1576 8382（微信同号） 箇日，周处望着一帮老人家坐解得，个加个望来都死愁愁，叹气喇喇，头便死摇。嚇渠上去问：“装何物欸，你帮人？且天下介太平，有得吃有得用，你帮人还有何物（勿会）高兴咛？”帮老人家望着周处过来，都㦜来无胆讲光。过一且，且有一个胆大点个讲：“三害未除，何里来个高兴哦？”周处连忙至紧问渠：“何物三害？快点讲畀我听记相！”箇佬人hae3渠讲：“一害是南山上头个白额大虫，二害是长桥下头个蛟龙，三害~~~”老人家捱记捱记不想讲。周处听着急来，且便死催，压箇老官头讲出来。老人家无办法，讲：“箇第三害，便是欺压老百姓个人。箇三害和解得，便无好日子过爻啦。” 周处无忖着箇老官头讲箇第三害便是渠，渠望大家世人都在得望渠，还忖想渠畀箇三害除爻，且便胸头板搭搭，讲：“我还忖何物三害啦。箇三害算何物哎，我一下三便除爻欸。”
周处讲到做到，老走去除害。渠先爬得南山，用箭畀只白额大虫射射死。嚇亦望箇河港得跳进去揢蛟龙。箇蛟龙死健健，想畀周处拖得水下揾死。周处便对蛟龙一路划一路打，连打三日三夜，几十里路划出去都未打下落。
老百姓望渠介多日数都还未转来，且忖渠死爻，嚇便放炮仗、敲铜锣，得知唣高兴。 箇时节咛，何里忖着箇周处啊，老实畀蛟龙也杀爻。转来听着老百姓都在解庆祝三害除爻个事干，嚇识得箇第三害便是讲渠。周处且开始悔改，渠走去寻吴郡个陆机对陆云两兄弟，想讴渠两个指点记。当时陆机无见着，便只见着陆云。周处畀渠想悔改个忖法都hae3陆云讲，亦讲渠自家岁数也大爻，㦜下套做不出何物事干。陆云讲：“古老人都重道义，讲枯心头圣人个话听爻，便算夜晚头走去死都无较。你且有箇忖法爻，下套肯定有好个结果。人得讲志向立稳，还㦜下套好名声没有？”
便箇主，周处畀决心落落去，像范真学文练武，对渠自家个要求得知唣严严。老百姓见着都讲：“㖤，且三害都除光爻！” 好，今日个《三字经》便讲介多。中意便帮忙转发记，谢谢你帮人！ 王怀军，80后，三门湾乡音主创 乡音是心灵的故乡 感谢欣赏 |
|
|
