上海个赏梅胜地
搿抢里，去各处探访梅花个市民交关。其实，初春赏梅个风俗由来已久，而且上海老早有过蛮多赏梅胜地。
明朝中期，文人墨客垃拉农历二三月，侪会得去上海城外个早期私园南溪草堂。该草堂由天顺年间中举个顾英（垃外地做过知府）致仕后修建，伊靠近肇嘉浜(今肇嘉浜路)，里向梅树成林，风光宜人。到仔万历年间，王穉登个《南溪草堂记》讲：“草堂半圮。九锡（按：顾英个玄孙顾九锡）鬻青浦田若干亩，鸠工尼材，复还旧观。”清朝初期，由于顾氏家族衰落，南溪草堂逐渐荒废；但近代秦荣光个《上海县竹枝词》仍旧讲：“至今子姓还居此，桥影人声对夕阳。”1937年“八·一三”事变当中，日军狂轰滥炸，使得南溪草堂旧迹难辨。据查，黄浦区打浦路、瞿溪路、鲁班路一带本来俗称“草堂”，南溪草堂遗址就垃迭搭块。
明朝后期，上海个“梅花源”是广种梅花个大型私园，由嘉靖年间进士王圻（垃京城做过御史）退隐后营造，伊穿越吴淞江，因为梅林连片、品种交关，拨拉大家叫做“小邓尉”。梅花怒放个辰光，四面游客侪划船来赏梅。晚清王韬个《瀛壖杂志》赞叹：“花时晴雪千村，暗香十里，游者谓不减苏台邓尉。”对于“梅花源”，《上海县志》记载：“在诸翟。明王圻退官归里后于此筑室并植梅几千株，引水环绕，花开香闻数里”；《嘉定县志》记载：“王圻辞官回里，朝廷赐建十进九院府第。王圻在村里植梅万株，谓之‘梅花源’，自号‘梅源居士’。”闵行区华漕镇境内个诸翟，民间还流传着王圻爱梅花个故事，并认为本来俗称“墙里”个杨家巷庄家泾一带就是“梅花源”遗址；嘉定区江桥镇，勿少老人还讲得出王圻“以梅为友”个传说，而且记得镇西一带有“大宅里”村名，迭搭块就是“梅花源”遗址。原来，垃历史浪诸翟和江桥都曾经归属上海县，一直隔吴淞江而相望，乃末“梅花源”遗址就横跨两地。
垃拉浦东，同样出现过以梅著称个地方。明朝隆庆年间，北一灶港有倪邦彦兴建个私园，被称为倪家园，也叫做“北坨”，里向种植几百棵梅树，绽蕾个辰光“弥望如雪”、“暗香浮动”，总是吸引大批游客“争相观睹”。清朝前期，沈庄西边有诗人朱凤州个宅院——梅园，四周“梅树成林”；每逢寒梅绽蕾，梅园内香气袭人，文朋诗友熙熙攘攘，难怪倪绳中个《南汇县竹枝词》讲：“沈庄西去是梅园，中有高人扫俗喧。万树花开香雪海，良朋唱和会心轩。”迭搭块被沿用下来个“梅园”地名仍旧会引发人们个追忆。
另外，垃拉上海西门外（今大林路一带），清朝乾隆年间有士绅史槐个“小梅源”，也叫做小梅园，里向种植梅树几十棵；伊个规模虽然勿大，但属于最方便个赏梅去处。随着岁月变迁，上海勿少旧园跟老梅侪呒没留下痕迹。
|
|
