玫瑰情书
阿拉还愿意相信爱情伐？垃拉23岁、33岁、53岁个辰光，仍旧保有一颗为爱纯真个心？如果搿个勿是一个伪命题，侬也勿要跟我讲，埃个是童话。我想讲几只搭玫瑰有关个故事。且容许我有个童话式个开场白吧——垃拉老里八早以前。
最早辰光，波斯诗人流传于世个故事是：有一日，自然界所有个植物向真主请示，希望用一种植物来代替睡莲成为“植物女王”，原因是睡莲忒欢喜睏觉而常常忘记自家个职责。乃末，真主答应委派拥有自身防卫武器个白玫瑰来替代睡莲成为“植物女王”。夜莺因为爱上了新上任个女王，忘情个拥抱了伊，却拨拉玫瑰身上个利刺刺破胸膛。鲜血染红了白玫瑰的外层花瓣（搿个也就是为啥如今个白玫瑰外层侪会有眼淡淡个粉色），夜莺却呒没因此放弃心爱个人，伊守垃白玫瑰个身边，夜夜为她歌唱，因为担心伊会像睡莲能介熬勿牢夜晚个瞌……
搿个是关于爱搭仔伤害，以及守候个故事。
后来，王尔德也写过一则童话《夜莺与玫瑰》，终究成为童话版个“面包与爱情”。姑娘最后选择了大臣侄子个珠宝首饰，而放弃了夜莺为青年人用生命换来个玫瑰。垃伊看来，珠宝搭一朵无用个玫瑰相比，珍贵得多了。
搿个是关于爱搭仔牺牲，以及遭遇现实背叛个故事。
垃拉中国，也有跟玫瑰相关个故事。一对学佛个年轻男女垃拉山浪发现了两朵含苞待放个玫瑰，因为从来呒没看见过，男人觉得好奇，伸手去采伊，却呒没想到拨刺扎破了手。女人看见觉得心痛，伸手去拿男人流血个手辰光自家忽然落了一滴眼泪。可因为是佛教徒，伊拉只有微笑着分离。男人上了天，女人入了地。男人化名为月老，职责是为一对对有情男女牵线，让伊拉彼此牢记对方；而女人则化名为孟婆，职责是熬汤为一对对痴情男女过往生桥时忘记对方。当年山浪向个玫瑰，变为两种颜色，红搭白，红色因为鲜血跟好奇心而成为热烈爱人个象征；白色则因为眼泪搭仔慈悲心而成为温情爱人个象征。
搿个是关于爱搭仔放弃，以及相望江湖个故事。
搿三个故事阿拉今朝夜到，其实代表了我想跟侬讲个爱个形态，勿论是伊拉之中个阿里一种，我侪勿愿忧愁或责备。而侬如果相信了伊拉，也就等于相信了爱情。
|
|
