相信唔少網友都有多過一部手機,可能一部 iPhone,一部 Android,不過成日會遇到一個麻煩,就係當你走到街上,但主機無電,咁 WhatsApp 就會用唔到,同身邊嘅親友失聯。成日我都會諗,點解 WhatsApp 唔可以做到,好似 Telegram 咁,可以同一個 Account 多個裝置同時使用呢?不過,我夢𥧌以求嘅功能出現了!只要跟住呢幾步,就可以兩部手機共用一個 WhatsApp 帳號!意唔意外?開唔開心? 6 關閉廣告iPhone + Android 共用 WhatsApp 帳號教學大家都知,版主我主機係用 iPhone,順理成章我主要 WhatsApp 都係安裝喺 iPhone 上。問題來了,大家都知我哋成日都要試 Android 手機,但會遇到一個麻煩,如果我好中意部 Android 手機,想將佢當主機咁用,咁至少我用呢部 Android 手機嗰陣,都可以應付到平時日常需要,例如用到 WhatsApp 同 PR 或者屋企人聯絡,但唔通每次我要用 Android 手機,都要將 WhatsApp 由 iPhone 轉去 Android 轉來轉去咁麻煩嗎?咁樣會令我好難全心全意去用一部 Android 手機,而呢樣相信係 iPhone 用家嘅心聲。不過,而家我會教大家,點樣可以 iOS 同 Android 手機共同一個 WhatsApp 帳號。
廣告
捲動繼續閱讀
Android + Android 共用 WhatsApp 教學其實方法同上面 iPhone + Android 共用 WhatsApp 教學大同小異。簡單來說,主機和副機都要安裝 WhatsApp Messenger 2.22.25.8 beta 版,然後主機登入返你本來的 WhatsApp 帳號,副機就去「開發者選項」變更最小寬度 dp 值,將手機變成平板 Mode,之後都係一樣打開主機 WhatsApp 嘅設定,「已連結裝置」,「連結裝置」,掃返 QR Code 即可完成同步。同步後將最小寬度 dp 值回復即可。實際使用有無伏?暫時版主初步使用,未覺有大伏,當有人 send WhatsApp 嚟,iPhone 有通知之餘,Android 手機亦都有收到通知,基本上無乜太大延遲。學到未?如果大家覺得實用嘅,記得將呢篇文章 Share 畀你身邊嘅朋友睇呀! |
|
来自: Pierresn62vczl > 《雜項》