|
沪语中讲「喫」不讲「吃」，其实這两个字有区别：喫【說文】食也。吃【說文】言蹇難也。为啥？头两千年的字典【说文解字】讲的清爽呒没老黕：喫，食也；吃，楞嘴，讲閒话“喫螺蛳”。 首先声明，這墶不是要讲上海人“喫”眼啥。 上海閒话当中的“喫”字不但搭普通话读音不一样（发音"切"），而且用法也有眼“百搭”。 譬如讲：北方人讲“抽烟”，上海人讲“喫香烟”。“中招”上海人讲“喫家什”。“打人”上海人叫做“喫生活”。念台词、广播、讲閒话打咯唥叫做“喫螺蛳”。“喝点汤”上海人还是讲做“喫眼汤”。“猜不透”讲做“喫不准”。“难缠”叫做“喫老酸”。“夹在中间”叫“喫轧头”。“挨批评”叫“喫牌头”。打扑克“出错牌”叫“喫苍蝇”。耍流氓叫“喫豆腐”。靠女人养活叫“喫软饭”。左右逢源叫“喫得开”。受人欢迎叫“喫香”。做生活衰惰叫“喫勿消”。“弄怂”人家叫“拨伊喫眼苦头”。弄勿清爽“喫力煞了”。迷恋某人叫“老老喫伊，喫煞脱伊”。 小囡勿乖要“喫屁股”。幼稚园小囡欢喜“喫五角星”。考试零分叫“喫鸭蛋”，最好要“喫100分”。多管闲事叫“多喫屁”，坐喫山空叫“喫老本”。开车，行走“喫红灯”要停一停；“喫绿灯”向前行；酒驾违章“喫抄报”；“喫官司”是撞杀人。 “勾起中指敲头”叫“喫'毛栗子’”。“给点厉害”叫“不识相，要喫'辣糊酱’”，“形容鲜美的东西”上海讲“鲜得来，喫耳光也不肯放”。侬看呀，有老多词用到“喫”。就是不可以“喫”的，也用“喫”。 温馨提醒朋友们，千万不要到上海验证“拳头”哪能“喫”法，“耳光”又哪能好“喫”。 （沪语音：人音您；的音个；讲音港；這音葛；黕音垦；嘴音资…） |
|
|
