上海人讲上海话
上海人会得讲上海话是天经地义个，听现在上海年轻人用上海话讲话，勿要讲音讲勿准，血雪勿分，万晚勿辨，讲到一些常用个经典用语搭成语咾啥，连上海话侪勿会讲了。而交关小囡已经呒没办法全部使用上海话跟人家沟通了。
上海地方勿大，发音却勿完全相同，浦东个，松江个，宝山个，市中心区个等，各有区别，我迭搭要讲个是上海城区个上海话。上海话是以松江话个词语为基础个吴语，追溯上海话个起因，得从上海人个形成道来。从上海搭上海人形成的历史个难看出，有大部分来自北方。东晋王朝辣建康（南京）建都，伊拉涌到江南，使得江南人与渡江的中原人有了更多个交流机会。到了南宋，定都临安（杭州），更是中原人士大量流入江南，在此建都达１４０余年。东晋带来南方个，是“江东文化”，江东方言可能是吴语，但没充分证据，只能说是“金陵方言”、“淮阴方言”、“苏州方言”，呒没没有“上海方言”，因为当时上海还是海滩，唐代才建立“华亭县”，只能说“松江方言”可能辣当时已经存在。但迭个辰光还呒没“上海浦”，上海地名也呒没，哪能有上海人？呒没上海人？哪能有上海方言。南宋以后上海浦有了上海酒务，后来上海取代了青龙港成了港口，就有上海人口个聚居，再有有别于松江话个分支上海话，当时大多数的上海人侪是从松江府来个。左传曹刿论战，公曰：“衣食所安，弗敢专也，必以分人。”这里的“弗”字，在各地的口语中，已很少用了。而在上海话中，几乎天天讲。如：“勿来三，勿可以，勿作兴，勿应该。”在晚唐诗人杜牧的山行中也可以看出一些端倪，“远上寒山石径斜，白云深处有人家。停车坐爱枫林晚，霜叶红于二月花。”用普通话读，斜（xie）和家(jia)显然是不压韵，用上海话读就压韵了，斜用上海话读xhia，与家就压韵了。元曲关汉卿个“一半儿”里一句“多情多绪小冤家，迤逗得人来憔悴煞”，马致远个“耍孩儿”里一句“休道人忒寒碎”，这里一个“煞”字，一个“迤”字，一个“忒”字，值得我们仔细读一读，这三个字北方人现在好像侪勿常用，而上海人至今天天用，如“痛煞，吓煞，咸煞，开心煞。忒腻心，忒推板，忒蹩脚”。“迤”字就是“他”，也就是上海人说个“伊”，读音意思至今完全一样。今朝上海话当中有些读音搭西北地区个读音还是老相近个。整个吴语区（温州到常州）都用“弗（即勿）”，勿能说迭个就是上海话。语言勿是以行政疆界划界个，是以语言标准划方言区个。松江、青浦等是1958年划入上海市版图个，埃面个历史悠久，但是属松江方言区，就像当今已将吴江划入苏州市，勿能讲吴江讲个是苏州话一样。
交关生活辣海外个上海人十分重视上海闲话，我一朋友旅居加拿大近二十年，到现在辣屋里向还用上海闲话交流，一双子女虽出生异乡，上海话能讲得刮辣松脆；我曾应朋友之邀，搭伊拉个小囡用上海话上课，读古文，读诗词。
现在有关部门要提倡上海话，真是刻不容缓，要不然可能有一天连上海话侪要出口转内销了！
|
|
