【引用】上海闲话（十三）作者 乐乐

上海闲话（十三）作者 乐乐  

2011-09-30 23:58:06|  分类： 上海闲话 |举报 |字号 订阅

本文转载自lljieyuhua《上海闲话（十三）作者 乐乐》

 

    都市里搿村庄系列（1）                   

 国庆节到勒，迭只长假里侬有啥搿打算啊...

现在搿人想法、做法才老现实搿老实惠搿，比老早仔想得穿勒。讲穿勒有交关人想勒拉国庆节搿辰光带仔屋里厢搿人，或者约几个要好朋友寻搿地方聚聚，吃吃茶聊聊天放松放松，几乎惬意几乎悠哉。当然，还有一眼人平常因为上班工作忙，趁此长假机会，要去看看自介搿爷娘，尽尽做小辈搿孝心，迭搿做法，全社会赞同。

如果讲侬真搿有打算出去跑跑休闲度假，消费实惠只要达到放松搿目的，搿么我搭侬推荐一个地方---浙江长兴【农家乐】。

 地处苏浙皖交界处搿长兴县，山清水秀气温适宜，物产丰裕消费低廉。是个经济、交通发达搿县城。当地政府为勒推动加速提高老百姓搿生活质量，大力提倡农业带动旅游，【农家乐】搞得红红火火，具有一定搿地方特色。

当地农民搿经济意识邪气强烈，邪气会做生意，勿过，伊拉又邪气质朴真诚，邪气热情好客，侬到勒【农家乐】，赛过到勒自己屋里厢，搿点交关窝心。另外还有一点我必须介绍清爽，每天搿费用只要45元到50 元（含住宿），来回车费80元，人民广场有专车接送，周末去，费用略高点。早浪7点半勒人民广场发车，一般11点前到目的地，到勒浙江长兴境内搿“霸王谭风景旅游区”，就是进入【农家乐】专区勒。此地，每家每户才是旅馆，
每家每户才会热情搿接待远道而来搿客人。当然，其中搿性价比，一定要侬自介去拿主意搿，服务搿好坏还是有点差别哦...我搿意思呢，侬最好勒出发前，做个小小搿市场调研，上网查一查，最后，保障自介搿利益发挥最佳，保障自介搿开心发挥极致。后面，我拿自介搿几天【农家乐】感受写出来...

                                                                                         2011、9、30.