【上海额小囡来！如果你能秒懂这条微信，那么恭喜你，你已经老了！！！】

上海额小囡们，侬还记得弄堂里厢赤膊赤屁股额日脚伐？侬还记得小辰光糊天野地额生活伐？侬还记得小辰光吃过额零食伐？好像就辣辣一夜之间，阿拉侪个能长大了，有交关朋友阿有了自家额宝宝，今朝，吾就特侬一道扳扳指拇头，好好叫盘一盘阿拉额上海童年！弗得弗讲一句，假使侬晓得下头所有个些么事，个么，侬真额已经过特被人家叫“阿哥、阿姐”额年纪了。。。。

乘过个种“巨龙车”，晓得“香蕉椅”是啥地方。

乘公交车上车喊过“月票！！”

大热天汰浴用过个种“痱子水”，个感觉。。。绝对煞根！！

穿过个种小辰光额“NIKE”，晓得草纸帮粉笔特伊额关系。

乘过爷老头子开额“霸伏”，还晓得“比亚乔”、“金鸟”、“汤姆逊”。

白相过最早额“电脑”，晓得“魂斗罗”30条命额调法。

搭过个种最原始额“积木”，个辣辣小辰光绝对算高级货了。

踏过个部人生当中第一部“死飞”。

晓得啥叫“金卡”，啥叫“银卡”！

用过个几种“练习簿”，晓得“小方格子”练习簿额正确用法。

用过个种“大蜡笔”，当然还有一种叫“水彩笔”额么事。

假使侬小辰光有下头个样么事，个么绝对弗亚于现在额高富帅开部法拉利！

空白额笔记簿高头抄过歌词，粘过“粘膏纸”。

吃过个种“奶油小饼干”（还有一种帮伊长了老像额一种药，侬晓得伐？）

晓得下头个种“方便面”额正确吃法（绝对弗是开水泡哦~）

吃过个种要搞来搞去搞到发白才舍得吃额“琴糖”。

吃过个种比大白兔还要红额“阿咪奶糖”，吃好之后糖纸头还舍弗得掼特。

吃过个种无比神奇额“超霸柠檬糖”！只要侬盯牢图片看，馋吐水就开始大量分泌了！

过生日吹过个种十只装额“大蜡烛”。

过生日必须要吃“奶油大蛋糕”！当然，一定还有一张个能样子的照片！！

今朝阿拉高头讲额个些么事侬是弗是侪晓得呢？假使侬统统经历过额，个么当别人叫侬“阿姨爷叔”额辰光千万覅生气，侬还要谢谢人家么叫侬“老阿姨、老爷叔”了~开记玩笑，实际上，值得阿拉上海小囡回忆额童年事体还有交关，现在回头想想，个或许真额是阿拉人生当中最美好的一段辰光，当然，也是阿拉上海最美好额一段辰光，“阿拉”帮“阿拉额上海”真额再阿回弗去了。。。

【版权声明】此文由认证微信公众号“上海最资讯 （ID：shn310）”原创编辑并首发，如需转载，请联系原作！