|
「拾陆茶记」 地址 | 荔湾区新都里北街11号(近泮塘路) 人均 | 40元 营业时间 | 周一至周五10:30-凌晨1:00； 周六至周日11:30-凌晨2:00 推介 | 榴莲鸡煲/椰子鸡煲 火锅哩家嘢，几乎遍布全国大街小巷，真正做到有辣有唔辣任君选择，北方喜爱豪放热血既辛、辣、香、麻，南方追求细腻如水既原汁、原味。但系广州有一班，对食物有住神奇执着既人。佢地认为“单向极致”并唔系一个好火锅既标准。多年积累既丰富经验，加上日日夜夜既反复尝试、实践，从各地收集最靓、最新鲜、最当造、最安全既食材！佢地用心做，大家放心叫！尤其系鸡，特爽！ 一个骤眼望落去好似好平凡，可能周街都见得到、食得到既火锅。但当你将成个火锅狠狠清底，汤都舔埋既时候，你就会明白，外面果一条人龙系咩回事！椰子鸡煲，只选用海南新鲜采摘既椰子，成个火锅只有香甜既椰青水，一滴清水都唔加，自然椰味浓郁，椰肉香嫩带有奶香。 榴莲鸡煲，系榴莲同鸡哩两个，完全唔同但却一样咁鲜咁香既食物之间，经过不断探索取得微妙既平衡！令榴莲独特既香甜保留，鸡既鲜美毫不失色！鸡肉置身于其中，被细滑既榴莲包裹，皮香肉嫩，入口既刹那系浓浓既榴莲味，咀嚼之间鸡肉既鲜美渐渐溢出。 「城中·樂 音樂餐酒館」 地址 | 越秀区沿江东路421号东城大厦1-2楼（海港城对面） 人均 | 86元 营业时间 | 10:30--凌晨2:30 推介 | 馋嘴蛙/城中酸菜鱼/香辣虾 蟹/特色烤鸡
菜牌上...清一色川菜。城中酸菜鱼，未上台已经闻到浓郁的香气，见到个样口水流直流，干花椒铺满在鱼上，酸菜置于鱼下，青绿鲜红相交。汤汁清澈见底，鱼肉味鲜肉滑几乎无骨，加上酸菜恰到好处，微辣，劲过瘾！
「Bondi bar and grill 澳爷扒房」 地址 | 天河区珠江新城兴盛路兴盛汇三楼（禄鼎记旁） 电话 | 020-38098064 营业时间 | 11:30-24:00 推介 | 澳洲顶级带骨“战斧”/澳洲和牛M3牛小排 广州首家全澳洲进口扒房！即使你想吃都唔喺咁容易就吃得到！澳爷经常会爆场，人气超高！
来自澳洲草原谷饲牛嘅进口特级靓扒，运用独特嘅低温煮法，可以更好咁保留到新鲜嘅口感！细吃嘅妹妹吃180g就够够的了， 「后街唐厨」 地址 | 天河区天河路123号购书中心5楼 人均 | 76元 营业时间 | 11:00-14:30 ; 17:00-22:00 推介 | 四福临门/稻香猪手/雀笼烧味拼盘/十三幺
无论环境装修，都令猫眼前一亮！唔单只将书城既元素发挥得淋漓尽致，仲沿用唐厨一贯风格，加入各种怀旧既汽车布置，整体怀旧、复古、盏鬼又得戚。正正应左一句，“书中自有黄金屋，书中自有颜如玉。”
四福临门,由四个福字小瓦缸装住嘅酸菜、东坡肉、莲藕、猪肚，象征丰收，以前嗰个年代，可能得大富人家先有得食。味道当然唔话得啦，各个小福缸都有自己嘅精致味道。令人惊讶嘅係，后街唐厨呢度几乎每个菜都有自己嘅专属盛器，唔同菜品配上唔同摆盘，的确好有心思。
雀笼烧味拼盘,'吱吱，吱吱”呢只雀笼绝对栩栩如生，两只金丝鸟停喺笼檐上，低头望住美食，真係好得人钟意。烧味拼盘有两层，底层係烧肉、盐焗鸡、叉烧、鱼皮、烧鹅。第二层係外酥内嫩嘅乳鸽。
一副十三幺上台，逼真到不得了。讲起呢个十三幺就巴闭啦，係后街唐厨嘅招牌出品，亦係后街唐厨嘅首创，因为太受欢迎，后嚟好多餐饮都纷纷效仿。但讲起味道，依然係呢度最正宗。 「渔鲜生丼屋」 地址 | 天河区花城汇海印都荟城C区B08商铺 天河区天河路621-625号天娱广场五楼501 天河区 广百中怡B1楼 人均 | 50元 营业时间 | 11:00-22:00 推介 | 日式火锅三兄弟/海の 皇丼/火焰海鲜丼
渔鲜生丼屋就恰恰相反，专注于一碗最新鲜、最丰富、最高性价比既刺身饭,连装修，都简洁朴素，但系同哩一碗丼饭份外和谐，就好似日本最日常既街头，感觉好舒服！
日式火锅三兄弟,鱼、虾、蟹一应具全，仲有花甲吊味谂谂都觉得好鲜甜，当然唔少得一系列既嗦味小能手，冬菇、金针菇、青菜等。三款汤底任君选择，酸辣惹味风味独特既冬阴功汤底，酸酸甜甜小清新番茄汤底，日式传统寿喜烧汤底，各有特色，好难选择吖！
海の 皇丼,大大只既牡丹虾、肥美既三文鱼、爽滑既带子、鲜甜既针鱼同甘香既鲷鱼。由于饭系温热系，避免温度影响刺身既口感，仲系上下两层分开，好窝心！饭依然系渔鲜生特别制作既五目饭，酸酸甜甜略带咸鲜味既五目饭，配搭一片片新鲜肥美既刺身. 「萨贝公馆」 地址 | 广州市越秀区环市东路368号花园酒店4楼 （花园酒店正门进入右侧电梯上） 人均 | 80元 推介 |香煎澳州特级谷饲肉眼扒/红酒炖新西兰小羊腿/法国卡纳克天宝生蚝
讲起花园酒店，小编谂到嘅都系奢侈、有钱人、贵宾之类嘅high卡词汇，估唔到，呢度竟然有一间价格好亲民嘅公馆式餐厅！喺呢度可以感受一份独特嘅西方浪漫韵味。
法国卡纳克天宝生蚝,生长于法国卡纳克，因其产地黏土质丰厚，所以产出嘅生蚝外形特别圆润。同其它生蚝比，天宝生蚝零舍肥厚，入口先有D海水咸味，再来係满口鲜甜，甜味圆润明显，绵密饱满。呢个时候，如果再配上一杯白葡萄酒或者气泡酒，就更加完美啦。
红酒炖新西兰小羊腿羊腿肉係去到新西兰必食嘅美食，经过红酒嘅熏香，可以去臊提鲜，经过焖煮后酒味已经挥发，留低一股淡淡嘅酒香味，好独特。就算唔喝酒嘅朋友都唔使担心，因为呢道红酒炖小羊腿只会越食越香，唔会令你醉酒。 「63 Burger & Booze by Senses」 地址 | 广州市天河区珠江新城金穗路1号邦华环球广场12,13铺 人均 | 50元 营业时间 | 11:00-02:00 推介 | 经典芝士牛肉堡/脆炸软壳蟹堡/超级芝士牛堡王
呢间餐厅真系唔系一般嘅汉堡餐厅，一股浓浓嘅美国风味扑面而来，百老汇式的波点霓虹灯，NBA球场式的电视墙，令我有置身于米其林三星餐厅嘅感觉,一点点的灯就像天上的星星，来到63 Burger，听一听现场band队的音乐，喝一杯鸡尾酒.
超级芝士牛堡王芝士发烧友嚟到一定要点呢个超级芝士牛堡王！四重芝士係你味蕾上跳跃，每一啖都刺激你嘅神经，满口都係香浓芝味，底层嘅番茄、洋葱、生菜等配菜又能够中和油腻感。
脆炸软壳蟹堡如果你想尝试新奇嘅汉堡，呢个脆炸软壳蟹堡就啱晒你心水，面包选取咗全麦面包，同海鲜嘅馅料搭配更加适合。软壳蟹炸到好松脆，中间夹咗一D水果，酸酸甜甜口感好清爽。 「火云萨」 地址 | 荔湾区东漖北路450号 荔湾区东漖南路芳和花园B2铺 人均 | 45元 营业时间 | 09:30-22:30 推介 | D24榴莲PIZZA/芝士蟹棒PIZZA/风情小牛扒PIZZA
店仔细细，装修布置用心简约。为左保持有舒适阔落既空间，一眼望晒就得几张台，台与台之间保持适当距离，大家都可以更舒适轻松咁用餐倾计！
D24榴莲PIZZA,饼底系一个PIZZA既灵魂，如果无灵魂，再靓既馅料都无用。刚出炉既PIZZA，用手指轻轻一碰就会发出松脆既声音，空气间还充斥着榴莲既独特“芳香”，分外动人。饼底外表松脆，内里香软，够味道有嚼头！好特别！！
芝士蟹棒PIZZA,除了面上那八根粗粗既北海道蟹棒，被马苏里拉芝士覆盖既地方，通通都覆盖住满满既蟹肉，芝士蟹棒带黎既，系一浪接一浪既味觉享受，蟹肉嫩滑鲜甜上面，点缀住一粒粒爽脆既蟹子，接二连三咁系最里面爆裂，伴随着一阵浓郁既芝士香味弥漫口腔！ 「沸鼎臭臭锅」 地址 | 海珠区江南西路31号101、102铺(江南新地F出口（青凤大街） 人均 | 40元 营业时间 | 11:00-22:30 推介 | 招牌臭臭锅/海鲜豆腐锅/臭豆腐
店内嘅装修以及环境冇得弹，舒适又带点小资，同臭臭锅呢个店名迥然不同！一行入臭臭锅店内，我即刻被呢度嘅“异香”吓到虎躯一震。
招牌臭臭锅除咗肉眼可以望见嘅生鸡蛋、各式肉丸、肥牛、花甲等！当然唔少得主角臭豆腐啦！通常一个臭臭锅适合一人分量，如果你觉得唔够，或者想再Encore，可以点个升级版招牌臭臭锅！内含5款精选牛肉：雪花牛小排、手切花牛展、澳洲牛上脑、内蒙鲜牛舌、精选牛肚！估唔到臭锅都可以咁有逼格！
泡菜臭豆腐店内嘅主打臭豆腐当然唔止火锅，如果你热爱臭豆腐，不得不试呢度嘅招牌小食——臭豆腐，有泡菜&麻辣2款口味，虽然话係臭豆腐，其实食入口嘅时候唔係好臭，甚至仲带点鲜甜、香脆，臭豆腐上面嘅泡菜，可以有效去除“异香”哦。 「独孤一味」 地址 | 白云区黄石东路江夏美食城B22-23档 人均 | 60元 营业时间 | 11:00-24:00 推介 | 鲍鱼海上鲜/土豪一品鲜
店内以海鲜为主打，除咗招牌嘅四种海鲜锅之外，仲有新鲜生猛嘅各种海鲜及冰鲜。每日都会新鲜到店，全部现捞噶。
鲍鱼海上鲜海鲜锅分量真係超级大！有鲍鱼、虾、蟹、扇贝、白贝、带子、青口、肥牛、冰山蚌、鲜鱿、松叶蟹柳、鱿鱼筒等，种类丰富到数都数唔过嚟！作为独孤一味最豪华嘅海鲜锅，呢个鲍鱼海上鲜就係咁夸张，鲍鱼好似唔使钱，一只二只落足重本噉放入去，加上其他海鲜，乜嘢珍馐百味都食齐啦。 |
|
|
