|
现在淮海路侪是新建筑。讲是辣蓬勃发展。但是阿拉老上海人却是只有伤心呒没开心。 回国到上海去了一趟淮海路。走到陕西路口，看到西北角浪沿街最后一眼老房子也拨悉数拆光。今后，老个淮海路是辣梦里向再会了。襄阳路口侪拆光，连九层个高塔公寓也勿留。茂名路口侪拆光，连转弯角子浪个老大昌也勿留。瑞金路口侪拆光，连泰山文具店也勿留。重庆路口侪拆光，连“淮国旧”也勿留。陕西路口，老建筑啥也没留下来。迭个十字路口，承载了多少老上海吃客个梦想啊！ 小辰光，屋里住辣淮海路高安路一带，一有辰光就要去兜兜淮海路。所谓兜淮海路，就是要朝东走，因为走到常熟路勿够热闹。东湖路口个天鹅阁其实也勿算数，孤零零一家。总要过脱襄阳路，淮海路才开始闹猛起来，各种食物个香味道也飘过来。 最先闻到个是饺子香。高塔公寓旁边有家天津馆。然后是蛋糕香，钱家塘外头就是上海食品厂；再过去是奶油香，转弯角子浪是大名鼎鼎个万兴食品店（后来叫第二食品商店），老底仔要买一块白脱，只有万兴里有。从万兴转弯朝南走，贴隔壁就是广帮馆子美心酒家，直到1990年前头，美心酒家一直是徐汇区首屈一指个好饭店。以前，徐家汇一带根本呒没像像样样拿得出手个饭店，要认真请客只好去美心。就从全市来讲，除脱南京路个小新雅，广帮馆子里，美心也好算是高档个了。 出了美心过马路，就可以闻到水果香了。讲起东南角浪个公泰果品店，名气也是邪气响个。尤其是大热天里卖西瓜，队排得老老长，每人限购两只，搭现在买房子一样。假使鼻头好眼，可以闻到小笼馒头个香味道。东面勿远个地方是有名个霞飞坊（后称淮海坊），弄堂口就有得小笼馒头卖个，必过店名居然随便哪能也想勿起来了。现在变成人家巴黎个春天了。 春天总比夏天介冷眼。从霞飞坊穿马路朝北，就是现在地铁口路个迭块空地，老早有一家远东生煎馒头，后来改为湖北特色个点心店，叫做江夏点心店。上海有湖北特色个店向来勿多，据说此店有湖北特色，是当年华东局有个书记叫魏文伯，伊是湖北人，为了让伊解解愁，就开出来了。所以老上海个吃货老早就晓得武汉豆皮，豆皮真个也是老香个。江夏还经常排队个，现在变成百盛了。 终于要讲到最近侪拆光个西北角了。饺子香、蛋糕香、奶油香、粤菜香、水果香、豆皮香，总也呒没野味香。原来搿搭朝东开过两家点心店，其中一家就叫“野味香”。“野味香”并勿是卖野味个，最有名个是馄饨，当然也有炒面、有春卷。早浪向人山人海，夜里向也是人山人海。当年谈个恋爱，无非是请看场电影再吃顿夜点心。附近有三家电影院，西面东湖，南面上海，东面国泰，侪只隔一条横马路。第四场夜场出来，男男女女侪要填肚皮。“野味”开得晏，生意最好。 “野味香”个贴隔壁还有家宁波汤团店，生意也勿错个，甜个四分一只，咸个五分一只。来个侪是老顾客。“两甜两咸！”“侪是咸个！”外地人听起来像煞是接头暗号。有个是：“老规矩。”啥个老规矩，跑堂肚皮里煞煞清爽。 其实，搿个十字路口，除脱吃食店，还有交关名店。譬如美心隔壁头个东方体育用品商店。一帮体育迷，呒没钞票买，趴辣柜台浪看看也是好个，一趴就是半半六十日，真个要买个人是轧也轧勿进去个。市体育馆，有多少男篮、女排个国际比赛辣搿搭举行，一两角洋钿一张票，葛是看得激动啊。1972年，王洪文辣徐家汇造了只万体馆，搿搭就变成卢湾体育馆了。 公泰隔壁头个六一儿童用品商店也是名店。交关个子娇小个女性，有得廿多岁毛三十岁了，还到伊面去买大号或者特大号个童装着。 还有“野味香”对过个利闻无线电行，襄阳路45路站头旁边个群益无线电行，侪是当年装矿石机装半导体个无线电爱好者最欢喜去个地方。现在，搿一切侪只好辣梦里向搭伊拉相会了。 喂，侬拿最后一只马路个转弯角子也拆掉脱了，淮海路还有啥味道呢。当然，我屋里淮海路浪个房子也拨拆光了。走辣淮海路浪是只有伤心呒没开心啦！ 山中杂诗 南北朝：吴均 朗读 渺渺
山际见来烟，竹中窥落日。 普通话版：走在淮海路上，只有伤心，没开心 作者：bobzhou 现在淮海路全部都是新的建筑。说是蓬勃发展。我们老上海人却是只有伤心没有高兴。 回国去了一趟淮海路，走到陕西路口，看到西北角上沿街的最后一点老房子也终于被悉数拆光。老的淮海路是在梦中了。襄阳路口全拆光，连九层的高塔公寓也不留。茂名路口全拆光，连转角的老大昌也不留。瑞金路口全拆光，连泰山文具店也不留。重庆路口全拆光，连“淮国旧”也不留。陕西路口，老建筑什么也没留下。这个十字路口，承载了多少老上海吃客们的梦想。 小辰光住在淮海路高安路那里，一有空就要去兜淮海路。所谓兜淮海路就是要往东走，因为走到常熟路，那里虽然有永隆、金门、留苑、红玫瑰，还远不够热闹。东湖路口的天鹅阁其实也不算数，孤零零一家。总要过了襄阳路，淮海路才开始热闹起来，各种食物的香味也飘过来。最先闻到的是饺子香。高塔公寓旁边就有一家天津馆。然后是蛋糕香，钱家塘外头就是上海食品厂；再过去是奶油香，转角上是大名鼎鼎的万兴食品店（后来的第二食品商 店），老早要买一块白脱，只有万兴有。 从万兴转弯朝南，贴隔壁就是广帮馆子美心酒家，直到1990年前，美心酒家一直是徐汇区首屈一指的好饭店。以前徐家汇一带根本没有什么像像样样拿得出手的饭店，要认真请客只好去美心。就从全市来讲，除忒南京路小新雅，广帮馆子里，美心也是好算高档的。 出了美心穿马路，就可以闻到水果香。说起东南角上的公泰果品店，名气也是响得狠。尤其热天里卖西瓜，队排得老长，一人限购两只，如同现在买房子。如果鼻头好一点，还可以闻到小笼馒头的香。东面不远处就是著名的霞飞坊（后称淮海坊），弄堂口就有小笼馒头卖，不过店名居然记不起来。现在变成人家巴黎的春天了。春天总比夏天冷。从霞飞坊穿马路朝北，就是现在地铁口路演的那块空地，老早有一家远东生煎馒头，后来改为湖北特色的点心店，叫做江夏点心店。上海有湖北特色的店向来很少，据说此店有湖北特色，原因是当年华东局有个书记叫魏文伯，是湖北人，为了让他一解乡愁，就开出来了。所以老上海吃货们很早就晓得武汉豆皮，豆皮真的也很香。江夏还经常排队呢。现在变百盛了。 终于要说到最近才拆光的西北角了。饺子香、蛋糕香、奶油香、粤菜香、水果香、豆皮香，总也没有野味香。原来这里朝东开过两家点心店，其中一家就叫“野味香”。“野味香”并不卖野味，而是以馄饨著名，当然也有炒面有春卷。早上人山人海，晚上也人山人海。当年谈个恋爱，无非是请看一场电影再吃一顿夜点心。这附近就有三家电影院，西面东湖，南面上海，东面国泰，都只隔一条横马路。夜里第四场散出来，男男女女都要填肚皮。“野味香”开得晏，生意最好。 “野味香”隔壁还有一家宁波汤团店，生意也不错，甜的四分一只，咸的五分一只。来的都是老顾客。“两甜两咸！”“全咸！”外埠人听起来像接头暗号。有的干脆：“老规矩。”啥个老规矩，跑堂肚皮里色色清爽。其实，这个十字路口，除了吃食店，还有许多名店。比如美心隔壁的东方体育用品商店。一帮体育迷，没钞票买，趴在柜台上看看也好的，一趴就是半日，真要买的人，轧也轧不进去。市体育馆，多少男篮女排国际比赛在这里举行，一两角洋钿 一张票，看得激动啊。1972年王洪文在徐家汇造了只万体馆，这里就变成卢湾体育馆了。 公泰隔壁的六一儿童用品商店，也是名店。很多个子娇小的女子，廿多岁貌三十岁了，还去那里买大号或特大号童装穿。还有“野味香”对过的利闻无线电行，与襄阳路45路站头旁的群益无线电行，那都是当年装矿石机装半导体的无线电爱好者们的乐园。如今，这一切，都只在梦中。 喂，你把最后一个街角也拆掉了，淮海路还有啥味道。当然，我家淮海路上的房子也全拆光了。走淮海路只有伤心没有高兴。 |
|
|
