香港教会涉性骚扰丑闻越揭越多,中大女讲师黎明指佢亦曾被男教友强行拖手、表白后强吻等,但系其他教友冇制止。 中大女讲师黎明接受BBC访问时,讲出一段曾受性骚扰经历, 就系嚟自一名男教友陈先生(化名), 陈先生话钟意黎明,而黎明强调一早拒绝咗, 但陈先生就话不如拖吓手,问神嘅旨意。 「如果我不是教徒,我不会理会他; 但在基督教团体当中,这些接触被解读成一种爱、关心的表达,很难拒絶,」 此后陈先生多次试图拥抱黎明, 黎明就话「唔好掂我! 」 之后黎明向其他教友求助, 反被教友话佢冇宽恕,并「求主赐她有宽恕的心」, 令黎明动摇,反思是否自己冇宽恕。 同教友倾诉求助后, 事情未有告一段落,反而越嚟越过份, 教友们都想拉陈先生同黎明一齐。 有次黎明跌落水,教友们唔救佢, 刻意留返畀陈先生去救, 令二人有身体接触嘅机会。 有次教友们去旅行, 陈先生更加借机表白并强吻。 黎明认为呢个行为不能接受, 可惜教友们劝佢「不要放在心内」, 令佢觉得教友宁愿追求「表面的和谐」。 #Metoo 去年喺香港展开后, 黎明亦喺Facebook公开经历, 有5名女生联络她,话同样遭陈先生这样对待, 事件已交由教会处理, 但至今陈先生都未有一句道歉。 BBC中文呢篇访问好值得看, 除咗性骚扰值得关注, 教会某啲文化是否助长呢啲事情发生, 都好值得探讨。 有宽恕嘅心是好, 但如果加害者连道歉改过嘅心都没有, 盲目宽恕同哑忍,只会有更多受害者, 表面和谐无助世界文明进步。 有信仰,都要有公义。 BBC中文报道原文 |
|